مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - استراحة 2008 (https://www.masrmotors.com/vb/showthread.php?t=5265)

- أيوه أنا مصري و فخور إني مصري
- متزوج و عندي طفلين
- عايش إزاي مش باحسب
- آآه نحاول نحسبها سوا
- 20 ج بواب و 20ج كهرباء و 15ج ماء و حوالي 50ج في الشهر تليفون يبقي حوالي 100ج
- عيش حوالي 0.5ج في اليوم يبقي 15 + 10 توصيل (25ج ) في الشهر.
- لبن 1 ك (4ج) في اليوم يبقي 120ج في الشهر.
- لحمة و فراخ بحوالي 100 ج في الشهر
- خضار بحوالي 40 ج في لشهر
- بقالة بحوالي 80ج في الشهر
- مواصلات بحوالي 150ج في الشهر
- مصروف للأولاد 100 ج في الشهر
- مرتبي كام . . . 500ج ليه هي المصاريف وصلت لكام
- أهو ربنا بيرزق

تفتكروا الناس دي عايشة إزاي؟

برنامج قيم جدا لتعلم تربية الأطفال - قناة الناس

السلام عليكم و رحمة الله

برنامج رائع يلقيه د.ياسر نصر علي قناة الناس علي الهواء مباشرة كل يوم ثلاثاء الساعة تقريبا 8.30 أو 9
د/ياسر هو مدرس الأمراض النفسية بكلية الطب – جامعة القاهرة. و موقعه علي الانترنت هو www.yassernasr.com

برنامج رائع و مفيد للغاية

لو كان غبى متبقاش انت اغبى منه

معلش العنوان يصدم شوية بس انا كمان اتصدمت لما سمعت التعليق ده

انهارده الصبح وانا راجع من الشغل وماشى فى طريق النصر واذا بسواق تاكسى كان راكن على جمب بياخد حد او بينزل حد مش عارف المهم هو ماسك اليمين بعد ما طلع وانا عايز ادخل يمين وتخيلت فى لحظة انه فاهم كده وكسرت يمين وانا مدى اشارة من ساعة فاتت ودخلت الملف فعلا الا ان بوز عربيتة نتش العربية عندى فى اخر لحظة وكانت النتيجة ان العربية لفت وكنت هطلع فوق الرصيف نزلت وانا مصدوم من غباوة السواق وعدم تقديرة لقيت ان الرفرف اليمين ورا اطبق والاكصدام شرحة وهو مفيش غير خدوش بسيطة فى الاكصدام انا مكنتش عارف هعمل فيه ايه وكنت عازم على انى اورية اسود يوم فى حياتة بس واحد من الناس اللى اتلمت صدمنى بالكلمة ديه طيب هو غبى وماسك اليمين متبقاش انت اغبى منة وتكسر عليه فى الملف بصراحة اتغظت اوى بس حسيت ان كلامة فى شيء من الصحة بس مش عارف كنت اعمل ايه بس حسبى الله ونعم الوكيل بقى

رد: لو كان غبى متبقاش انت اغبى منه

بصراحة كلامك هزنى ومش عارف ارد اقولك ايه حاسس انى عايز اقولك لاء انت مش غلطان والمفروض هو راكن ميطلعش الا على مهلة وميسكش اليمين فى الملف وووو لانى كتير بتحط فى مواقف مماثلة وبفترض الزكاء فى الاخرين

بس فى نفس الوقت الكلمة بتاعتك ديه بتلخص الحل للى عايز او يأمل انه يمشى سليم فى البلد ديه وانا اتهريت من الاغبياء ونفسى امشى جمب الحيط بجد بس مبيجليش خلق مش عارف اعمل ايه ؟

كيف تنسحب من التدخين

كيف تنسحب من التدخين
* الانسحاب التدريجى من التدخين:
- تكمن استراتيجية هذه الخطوة في التقليل التدريجى من كم النيكوتين الذى يدخل الجسم حتى تصل الأعراض التى تنجم عن الانسحاب إلى الحد الأدنى ..
أو تكاد تختفى نهائياً. كما أنها تخلص المدخن من احتياجه المستمر للاعتماد على علاج يعطى نفس التأثير الإدمانى للنيكوتين عند الانسحاب. وإن كان الانسحاب بهذه الطريقة قديماً فهو من أنجح الوسائل وتم تجربتها من قبل إناس كثيرين لتقليل استخدام التبغ أو تركه نهائياً، كما أنها أقل في التكلفة بدلاً من استخدام العقاقير الطبية.
- تستطيع أن تقلل معدل استهلاكك من التبغ والاعتماد على النيكوتين بدون التعرض لأعراض الانسحاب بالطرق الآتية:
1- قلل من معدل استهلاكك للتبغ يومياً.
2- قلل من معدل استهلاكك من التبغ من وقت لآخر.
3- لا تحاول السعى وراء معرفة أصناف السجائر الجديدة وأسماء شركاتها.
4- قلل من عدد الأنفاس التى تأخذها في السيجارة.
5- لا تأخذ نفس السيجارة بعمق.
6- قلل عدد ما تشربه من سجائر في اليوم الواحد لأقل من 10 سجائر أو 1/4 علبة لكى تمنع التأثير الإدمانى للنيكوتين.
7- ثم عليك بتقليل النسبة بعد ذلك من 2-5 سجائر في اليوم الواحد حتى تقلل المخاطر الصحية.
8- اشرب السجائر القليلة في نسب القار/ النيكوتين/ أول أكسيد الكربون.
ويمكنك الاستعانة أيضاً بالعلاج الذاتى الذى يحل محل تأثير النيكوتين (Nicotine replacement therapy) للتوقف عن استخدام التبغ أو تدخينه وهذا العلاج يرمز له (NRT) إن . آر . تي وتتضمن أنواعه على: علاج يمضغ على صورة علكة، علاج يستنشق، إسبراى. ويتم استخدام هذا العلاج على مرحلتين:
1- التركيز أولاً للتغلب على السلوك النفسى والتصرفات التى يربطها المدخن بعاداته لتدخين التبغ بدون الخوض أو الوقوع فريسة كما يزعم المدخنون لأعراض الانسحاب.
2- ثانياً الامتناع عن شرب السجائر في آخر ميعاد محدد لتنفيذ خطته وحسب اختياره وبالمعدل الذى يختاره طالما لا توجد أية دوافع تزج به لتدخين السجائر "الدوافع النفسية".

* الانسحاب الفجائى:
وقوام هذا الانسحاب هو تحديد يوم بعينه لتقليل استخدام التبغ أو التوقف عن تدخينه مرة واحدة بدون حتى الإقلال تدريجياً أو الاستعداد والتهيئة النفسية.
والتوقف عن التدخين فجأة من الممكن أن يعرضك لأعراض الإنسحاب ما بين متوسطة وحادة. أما الإقلال بنسبة كبيرة على مرة واحدة تنجم عنه الأعراض الآتية:
- العصبية.
- الإرهاق والتعب.
- صداع.
- أرق.
- إمساك.
- السعال الحاد.
- فقد التركيز.
- الإحباط.
- ازدياد الشهية للطعام.
- الميل إلى العودة للسجائر مرة أخرى.

لكن إذا كانت لديك إرادة فولاذية وتستطيع تحمل كل هذه الانتكاسات فلا مانع من أن تخوض التجربة إما أن تفشل أو تنجح.

* والأفضل من ذلك كله هى المرحلة الثالثة وهى النهائية والأخيرة وهى "عدم التدخين نهائياً من فضلك"!!

إلى شباب اللوست .. ارجوكو اكسفوا على دمكوا

ده خبر لقيتة فى العربية وبصراحة لقيتها فرصة لتعبير عن اشمئزازى من التقليعة المهببة ديه فى اللبس اللى طالعة بين الشباب اليومين دول

ازاى بس شاب ميتكسفش وهو ماشى مبين ........ اقول ايه بس وايه الشياكة فيها يعنى اساسا
واصلا اللى بيلبسو كده بره الطبقة الزبالة فى المجتمع مش حد كويس علشان نقلدة والمصيبة ان الموضوع عمال ينتشر بين الشباب بشكل مستفز جدا درجة ان من اسبوع كنت فى احد المطاعم مع اسرتى وشاب من دول قاعد على كرسى بار وحالة باين كده وكان هاين عليا اروح اكلة على قفاة واقولة احترم نفسك يا اخى واتكسف على دمك
احنا هنلاقيها منين بس ولا منين البنات بتعرى والشباب كمان ....... طب ينفع بالله عليكوا كده ؟؟

المصيبة الاكبر ان مفيش حد فى مصر بيتكلم عن الظاهرة الزفت ديه والاعلام مغمى عنية ولا كان فيه حاجة ياريت اللى ليه اخ او قريب ماشى على الموضة الهباب ديه ينصحة واللى ليه ابن ياخد بالة منة ومن لبسة لان المشكلة كمان ان تقريبا كل البنطلونات اللى بقت موجودة متفصلة اساسا كده يعنى بمزاجك غصب عنك هتبين

معلش اعزرونى انى فتحت الموضوع البايخ ده بس افضفض والسلام

نص الخبر

باعتبارها تكشف جانبا من عورات الشباب
هيئة الأمر بالمعروف تهدد بالقبض على مرتدي "اللوست" في السعودية

دبي- العربية.نت

أكدت هيئة الأمر بالمعروف والنهي عن المنكر في السعودية أنها تسعى إلى إلقاء القبض على أي شاب يرتدي بنطالا يظهر أجزاء جسده بصورة تخل بالآداب العامة، ولاسيما السراويل التي تعرف باسم (اللوست).

وقالت إنه سيتم تسليمه إلى الشرطة في حال إذا ما كابر ورفض ما يوجه إليه من نصح بعدم ارتداء هذه الملابس مرة أخرى، لتتولى الشرطة بعد ذلك اتخاذ اللازم حياله.

وأوضح المتحدث الرسمي باسم الهيئة الشيخ أحمد الجردان أن هذه البنطالات تظهر العورة، وهو ما "ينافي عقيدتنا الإسلامية وعاداتنا الإسلامية وعاداتنا الاجتماعية"، وذلك وفقا للتقرير الإخباري الذي نشرته جريدة "شمس" السعودية الجمعة 21-5-2008.

من جانب آخر، أوضح الجردان أن الهيئة تجري حاليا أبحاثا خاصة لتطوير أداء عناصرها إلى أعلى المستويات، مشددا على أن الدراسات التي تقول إن أغلب منتسبي الهيئة تلقوا تعليما دون الجامعي غير صحيحة. وكشف الجردان عن أن الهيئة لا تستعين بأي عناصر نسائية، ولكنها ستنظر في هذا الأمر إذا دعت الحاجة إلى ذلك في المستقبل.

وأضاف أن نسبة أخطاء رجال الهيئة قليلة مقابل الإنجازات ولا تذكر، وطالب الصحافة بأن تقوم بدورها بتحبيب الناشئة في الهيئة وذكر إنجازاتها، وتبيين أن الهيئة تقيم المعارض وتنفذ البرامج الإسلامية لإزالة أي رواسب تتسبب في وجودها أخطاء غير مقصودة.

وأكد أن الهيئة تحرص على أن يتعامل رجالها بشكل إيجابي وطيب مع المخالفين، واختتم بقوله "إن المؤيدين للهيئة وعملها كثر، ولا يوجد لها معارضون لأنها جزء من النظام الأساسي للحكم".

رد: إلى شباب اللوست .. ارجوكو اكسفوا على دمكوا

لا حول ولا قوة إلا بالله والله عندك حق يا وائل لأنه بيقى فعلا منظر مقرف جدا وفعلا هو إيه الموضه في كده بس أهه كله تقليد أعمى وفراغة عقل وقلة دين لأن الشاب من دول بيقلد وخلاص وماهواش عارف هو بيقلد ليه وميين؟

ربنا يرحمنا برحمته