|
اول مره
ياجماعه احنا النهارده عايزين نعمل حاجه جديده وهى ان كل واحد يحكى لينا ذكرياته عن اول مره يقعد فيها ورا دريكسيون ويسوق :shy: كان من قد ايه؟ نوع العربيه؟ ايه كان شعورك؟ ايه اكتر حاجه كوميديه حصلتلك ولما بتفتكرها دلوقتى بتقعد تضحك عليها؟ |
رد: اول مره
ايه ياجماعه محدش معبرنا ليه
|
رد: اول مره
اقتباس:
يبقى انت اللي تبدأ 444546 |
رد: اول مره
يااااااااااااااااه
فكرتني بالذي مضي يا استاذ شمس اول مره قعدت فيها وراد دريكسيون كانت في 2004 وديه كانت بالصدفه واحد صحبي نسي معايا مفاتيح عربيته كان راكنها تحت البيت عندي وبعدين انشغل في تليفون وكان لزم يروح المشوار بالمترو وساب العربية واقفه تحت البيت عندي وخد المترو وانا طبعا نزلت جري زي المجنون ودورت العربية وبعدين جيت اطلع بيها طبعا فصلت علشان مساوتش ما بين طلعت الدبرياج والبنزين وكانت الدنيا ليل ونورت نور الصالون علشان مكونتش شايف في الضلمه الدوسات وقفلت العربية ونسيت اطفي نور الصالون وصاحبي لما جه خد العربية مخدش باله من نور الصالون وركن العربية عندهم وصحي بيدور العربية الصبح البطارية بالسلامه هههههههههههههههههههه ديه كانت اول مره اقعد فيها ورا دريكسيون في حياتي |
رد: اول مره
ا:playing_music::14BFD8~1 48:
|
رد: اول مره
ده كان يوم مسخره مكنتش عارف يعنى ايه بنزين ولا دبرياج ولا فرامل كنت بدوس وخلاص بس الغريب انها كانت بتمشى ازاى معرفش
|
رد: اول مره
انا بقى اول مرة اقعد على الدركسيون كانت سنة 1995
عمي الله يرحمه كان معاه تويوتا لاند كروزر سايب معايا المفاتيح لانه دايما بينساها وكان غاوي صيد فبيخاف لتقع منه بيسبها معايا سلم القط مفتاح الكرار وكل شوية اروح راكب وقاعد على الدركسيون واتخيل اني بسوق في سباق ويمين وشمال وهوووووووووب وصل خط النهاية طبعا مع نقل الغيارات من كلها الاول والثاني وهكذا وادوس بنزين ودربياج وفرامل وعايش الدور على الاخر بقى وطبعا لا اجروء اني ادورها والا هيسمع صوت الماتور وهينزل يروقني لغايه لما جيه اليوم الي ما يعلم بيه الا ربنا بدل ما انقل الغيار على الفتيس العادي نقلته على فتيس الغرز ومكنش فيه حد معانا يعني اللي لعب في العربية يا انا يا انا مفيش حد تاني وكان يومها راكن على الكورنيش في سندوب وبعد رحلة صيد طلع عين اللي جابوني فيها يصطاد السمك ويرميه تاني الميه بيدور العربية ومش مدي خوانه وهوووووووووووووووب العربية نطت لكن الحمد لله لحق نفسه ولمها قبل ما تنزل في النيل وراح باصصلي حته بصه لما فاق ومسك نفسه راح مديهملي انت مخك .... انت عاوز تودينا في داهية اعمل ايه فيك دلوقتي يا ..... يا ......... يا ...... والحمد لله على قد كده شتيمه وبس وكويس انه مضربش هههههههههههه |
| الساعة الآن 08:19 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017