بسم الله الرحمن الرحيم

ان شاء الله انا نازل القاهره نهايه الاسبوع وكنت عايز اروح 39 شارع كليوباترا اللى فى مصر الجديده..مع العلم انى جاى من المنصوره وهيبقى معايا العربيه..انا كنت عايز اعرف اروح ازاى وياترى هطلع على الدائرى ولا هروح ازاى..ومعلش هتعبكوا معايا GIFT4U

بص يا معلم ....
طبعا انت هتيجى من المنصوره زراعى
بعد ما تخلص بنها وانت على الزراعى وتكون عند مصنع كريستال عصفور هتلاقى الدائرى فى وشك ... هتاخد طلعة الدائرى اتجاه المرج ...
وهتفضل ماشى ماشى لغايه ما تلاقى نفسك فى المرج وبعدها السلام وبعدها نزله موقف العاشر
هتنزل النزله دى
هتلاقى الطريق بينزل بيك اجبارى يمين كده انت هتكون فى شارع جسر السويس
هتمشى حوالى كيلو بالظبط او اقل هتلاقى طلعه كوبرى اسمه كوبرى الحرفيين هتتطلعه وتنزله وهتكمل فى الشارع هتلاقى على يمينك السندباد
بعد السندباد هتلاقى فى وشك سور دا سور الكلية الحربية ولاما تدخل يمين او شمال
هتدخل شمال ومع السور يمين
كده انت فى صلاح سالم
هتفضل ماشى فى صلاح سالم لغايه ما تلاقى كوبرى اسمه كوبرى الجلاء
بعد ما تنزل من الكوبرى هتلاقى على يمينك بنزينه موبيل ادخل من جمبها يمين كده انت فى شارع كيلوباترا اللى فيه مستشفى كليوباترا
وحمد لله على السلامه مقدما

المشاركة الأصلية كتبت بواسطة mido-spicy (المشاركة 396956) بص يا معلم .... طبعا انت هتيجى من المنصوره زراعى بعد ما تخلص بنها وانت على الزراعى وتكون عند مصنع كريستال عصفور هتلاقى الدائرى فى وشك ... هتاخد طلعة الدائرى اتجاه المرج ... وهتفضل ماشى ماشى لغايه ما تلاقى نفسك فى المرج وبعدها السلام وبعدها نزله موقف العاشر هتنزل النزله دى هتلاقى الطريق بينزل بيك اجبارى يمين كده انت هتكون فى شارع جسر السويس هتمشى حوالى كيلو بالظبط او اقل هتلاقى طلعه كوبرى اسمه كوبرى الحرفيين هتتطلعه وتنزله وهتكمل فى الشارع هتلاقى على يمينك السندباد بعد السندباد هتلاقى فى وشك سور دا سور الكلية الحربية ولاما تدخل يمين او شمال هتدخل شمال ومع السور يمين كده انت فى صلاح سالم هتفضل ماشى فى صلاح سالم لغايه ما تلاقى كوبرى اسمه كوبرى الجلاء بعد ما تنزل من الكوبرى هتلاقى على يمينك بنزينه موبيل ادخل من جمبها يمين كده انت فى شارع كيلوباترا اللى فيه مستشفى كليوباترا وحمد لله على السلامه مقدما يبقى الخطوط العريضه اللى عندك 1- مصنع كريستال عصفور 2- الدائرى طلعه اتجاه موقف العاشر والسلام والمرج 3- منزل الدائرى موقف العاشر 4- كوبرى الحرفيين 5- السندباد 6- شارع صلاح سالم 7- كوبرى الجلاء 8- شارع كليوباترا اللى على ناصيته بنزينه موبايل على اليمين بعد نزلة الكوبرى

بص هو مصنع كريستال عصفور دا انا مش متاكد منه قوى بس هى فعلا ممكن تكون غبور
او انها كانت كريستال عصفور وغبور اشتراها
:crazyW14::crazyW14::craz yW14:
اما عن موضوع انك من كيلو باترا لعين شمس فانت قولى عايز تروح فين فى عين شمس الشرقيه ولا الغربية احمد عصمت ولا شارع العشرين ولا الزهراء ولا عند بيت كورسير ؟؟؟
:crazyW14::crazyW14::craz yW14::crazyW14:
توهتك من قبل ما تروح
اكتبلى بس انت عايز تروح فين وانا ان شاء الله هتابع الموضوع او بس فكرنى برساله على الخاص وانا هرد عليك علطول ان شاء الله

تأمر يا باشا