انا عايز اشترى كاوتش جديد ايه النوع الى اشتريه
 

وانا راجع من السفر العجله شيعت منى وكنت ماشى على 120 والحمد لله ربنا ستر بس على لما وقفت كانت العجله فى خبر كان وواتفتحت فتح كبير المهم معدتش نافعه طبعا غيرت الاستبن ومشيت
انا عايز اجيب كاوتش جديد اجيب نوع ايه يتناسب مع الكاوتش الى فى العربيه وميعملش مشاكل وبالاخص ان دى عجله واحده بس وخايف اجيب اى نوع يعمل رجه فى العربية ولا حاجه مع العلم ان العجله هى الى ورا الناحيه الشمال
ارجو الافاده وبسرعه

رد: انا عايز اشترى كاوتش جديد ايه النوع الى اشتريه
 

السلام عليكم

ممكن تجيب اي عجلة جديدة نفس المقاس ( 15/185/65 ) بس تراعي رمز السرعة و تحمل الوزن و تحطها استبن و تخلي الراجل يرصصها
و طبعا ابعد عن الصيني
و الله اعلم

رد: انا عايز اشترى كاوتش جديد ايه النوع الى اشتريه
 

في أكتر من نوع كويس زي هانكوك اوبتيمو وده سعر العجلة 330 جنيه وفي بريد جيستون وسعر الفردة 400 جنيه وفي ديستون وده سعر العجلة 270 جنيه

رد: انا عايز اشترى كاوتش جديد ايه النوع الى اشتريه
 

شكرا على الردود
بس الاسعار غاليه ليه كده انا كنت فاكر ان هى 200 او 250 بالكتير
يلا خير والحمد لله على كل حال

رد: انا عايز اشترى كاوتش جديد ايه النوع الى اشتريه
 

السلام عليكم

الاسعار ديه موجودة فعلا لكن لمقاسات اطارات اقل ( مقاس 13 مثلا )
كل مقاس الاطار مازاد زاد تمنه
ناس كتير شكرت في الهانكوك لكن بصراحة مجربتهاش و ان كان السعر مش فارق هجيب continental , pirelli , bridgestone
الاوروبي المصنوع في بلده فعلا مش الصناعة الصيني او الكوري

رد: انا عايز اشترى كاوتش جديد ايه النوع الى اشتريه
 

الاطارات بتتغيرمجوز لاما نفس النقشه و تراعي الجديد مع الجديد
و الجديد لو زي بعضه في الاستعمال يتحط ادام
ومعلش اللي يجي في الريش بقشيش