خفايا و اسرار السيارات المستعمله
 

السلام عليكم ورحمه الله و بركاتة

ازيكم يا شباب معلش عندي سؤال اتمني ان الكل يشارك فيه لانه هيعود علي الكل بالفايدة ان شاء الله و هو خفايا السيارة المستعملة .
يعني الواحد لما يحب يشتري سيارة مستعمله ايه اكتر حاجة يتاكد منها و ازاي يعرف اذا كان صاحب السيارة عايز يداري عيوبها و ما يكتشفها المشتري الا بعد البيع .
اتمني المشاركة من الجميع .:14369D~149:

رد: خفايا و اسرار السيارات المستعمله
 

المكنه .............؟

من أهم الأشياء

فلما تشترى أستعمال لو حكمت تغير زيت المكنه على حسابك قبل ماتشترى

علشان تشوف المكنه خفيفه فعلا ولا كويسه

لأن وارد تقع فى واحد نصاب يكون حاطط زيت شنبر مع زيت المكنه

علشان يرفع كفاءة حبك خلوصات الشنابر على مايزحلق البيعه

وتفاجأ بالواقع المرير بعد شرائك وتغيير ك للزيت

______________________

طبعا يلى المكنه

حالة العفشه

فيجب أن ترفع السياره الأستعمال فى بنزينه قبل الشراء للأطمئنان على حالة العفشه بوجه عام

وفى نفس الوقت للأطمئنان على عدم وجود أى لحامات فى الشاسيه

____________________

حالة الدواخل

وخصوصا أماكن الصدأ

وتحت حرف الصاج المغطى بها الكاوتش

وأذكر منها برواز الشنطه الخارجى

فوارد تلاقى كاوتش برواز الشنطه تمام

ولكن الصاج تحته بايش ومتغطى بطريقه مداريه

_________________

أختبار القياده والتوجيه

للأطمئنان على حالة الفتيس ( سواء مانيوال أو أوتو )

وكذلك للأطمئنان على الكبالن

________________

وضع وظروف البائع

لازم تخللى البائع معاك فى الأعتبار

وأبعد دائما عن السيارات الأستعمال

إللى عليها إعلان وراثه والقصص دى

_________________

سيبك من العربيات إللى يقولك عليها

إستعمال سيده أو طبيب أو مرفوعه كذا سنه

والعداد بتاعها قليل

فرفع السياره فى حد ذاته

غلط كبير

ووارد يكون عدادها ملعوب فيه أو متغير

يعنى إبعد عن العربيات المعروضه

مثل صينية الكنافه المغطاه بالمكسرات الرمضانيه

______________

السياره حاله ولازم تثبتها صح

لكى لاتقع فى البيعه

رد: خفايا و اسرار السيارات المستعمله
 

معلومات مفيده جداً تسلم ايدك يا باشا.
:playing_music:

رد: خفايا و اسرار السيارات المستعمله
 

رد: خفايا و اسرار السيارات المستعمله
 

الله يخليك

يا أبو هنا

________

رد: خفايا و اسرار السيارات المستعمله
 

أهم حاجة في شرا المستعمل إنك ما تكونش مستعجل وعايز تركب وخلاص؛ لأن ده أكثر حاجة ممكن تعرضك للنصب، خليك صبور واستنى نصيبك، واوعى تنخدع في المظاهر؛ لأن المظاهر في العربيات بالذات ياما بتداري بلاوي.
لو البائع حس إنك واقع على العربية هتلاقيه بيتعنت معاك في كل حاجة، تقوله عايز أكشف عليها؟ يقولك هات إلا إنت عايزه هنا وهي واقفة مكانها. تقوله: عايز أجربها؟ يقولك: ما ينفعش عشان ما أرخصش العربية ، وغيره. ولذلك خليك صبور واوعى تحسس إلا قدامك إنك مستعجل.
ابدأ بالسمكرة واتأكد إن الدواخل سليمة، وإن العربية ما فيهاش برومة وصدأ، وإنها مش مركبة انصاص، وإن رقم الشاسيه هو نفسه إلا في الرخصة، واوعى يكون رقم الشاسيه مدقوق على القائم، لأن ده معناه إن العربية مركبة نص أمامي.
ارفع العربية وانزل تحتها، واتأكد إنها ما فيهاش أي لحامات عرضية لأن ده في الغالب بيبقى لحام النص. واتأكد إن مفيش برومة أو شغل في الشاسيهات.
ودي العربية لبتاع ظبط زوايا محترم وقوله العربية دي ناوي أظبط فيها عفشة وعايز بيان بكل المطلوب فيها، وهو يرسيك على كل إلا في العفشة.
وطبعا ميكانيكي يكشف على الموتور.
لكن المشكلة إنك لو مستعجل مش هتعرف تعمل كل ده؛ لأن صاحب العربية في الغالب هيرفض ويقولك: إنك كدة بترخص عربيته، فالموضوع محتاج صبر منك وإنك تحسس إلا قدامك إنك مش مدلوق على العربية.
وعموما المستعمل وجع قلب، وعايز واحد صاحي وعنيه في وسط راسه، وكل واحد بياخد نصيبه. والأهم في القصة إنك تستخير وتستشير وما تستعجلش. وربنا يوفق الجميع.

رد: خفايا و اسرار السيارات المستعمله
 

منورين الموضوع يا شباب
و مشكورين علي المعلومات الحلوه المفيدة .