|
مشكلة فى موتور ابيزا 94 الاصلى ال1300cc
عندى مشكلة فى موتور الابيزا مو 94 اتقطع سير الدينمو فلفت منو خيوط كده تحت الكاتينة فطبعا الكاتينة لفت على الفاضى فخلفت التقسيمة وربنا يستر ومتكونش تنت صبابات جبت اكتر من ميكانيكى بس طبعا مش متخصص ( لعدم وجود متخصص ابيزا فالمنيا) حاولو يظبطو التقسيمة محدش عرف فمش عارف اعمل ايه وهل اتنت صبابات ولا لا ولو فيها صبابات هل افك الموتور اعملو واجيبلو طبعا طقم جوانات وش سلندر وباقى الجوانات ولا اجيب موتور واشترى دماغى مع انو مكنش فيه حاجة وشغال زى الفل وعايز اعرف ميكانيكى كويس فالقاهرة تخصص ابيزا ارحلو
|
رد: مشكلة فى موتور ابيزا 94 الاصلى ال1300cc
متحاولش تدور المكنه
إلا أما تعدل تقسيمة المكنه صح علشان تعرف تحكم صح على حالة الصبابات والله ( بعد ضبط التقسيمه ) لقيت صوت المكنه عادى يبقى يادار ما دخلك شر |
رد: مشكلة فى موتور ابيزا 94 الاصلى ال1300cc
م \ سمير اولا شكرا على ردك وياريت يا جماعة لو حد فاهم فموتور الابيزا يرد عليا علشان فى حاجة محيرانى جدا لما الميكانيكى جه يظبط التقسيمة فى فالبكرة بتاعت عمود الكامة نقطة كده المفروض ان النقطة دى تبقى قصاد السهم اللى فجسم الموتور نفسو علشان تبقى مظبوطة التكيهات فوق اللى بيحصل بقى انو بيظبط النقطة دى قصاد السهم دا بتفرق التكيهات فوق يظبط على التكيهات فوق تفرق النقطة بعيد عن السهم والعربية فالحالتين مش شغالة وبتضرب مدافع كده
مع اننا ظبطنا اسلاك البجوهات فياريت لو حد فاهم او عندو خلفية فالموضوع ده يرد عليا كل المشكلة ان مفيش ميكانيكى متخصص ابيزا هنا فالمنيا علشان يعرف كلو بيجرب من غير خلفية فالابيزا |
رد: مشكلة فى موتور ابيزا 94 الاصلى ال1300cc
اقتباس:
هى مكنتش مظبوطه قبل ماينقطع سير الدينامو ...........؟ ويفتل ويجىء زى ما بتقول تحت سير الكاتينه ويخلف التقسيمه ( على حد قولك ) |
رد: مشكلة فى موتور ابيزا 94 الاصلى ال1300cc
اسلاك البوجيهات كانت مظبوطة قبل مالسير يتقطع لكن الميكانيكى بعد مظبط التقسيمة من التكيهات من فوق برضو بتضرب مدافع فقال دى خلفت اسلاك البجوهات فالاسبراتير ظبطناهم فالاسبراتير من جديد برضو نفس المشكلة زى ما هى
م \ سمير انا كل اللى محيرنى ان المفروض لما النقطة اللى فالبكرة بتاعت عمود الكامة تبقى قصاد السهم اللى فالموتور نفسو تبقى التكيهات فوق مظبوطة دا اللى مفروض يحصل لكن هى تظبط فوق تفرق النقطة والسهم تظبط النقطة والسهم تفرق فالتكيهات |
رد: مشكلة فى موتور ابيزا 94 الاصلى ال1300cc
شوف استاذي __ فيه علامه في البكره بتاعت عمود الكامه ... العلامه ده لما بتجي تظبط ..لازم تكون فوق علي النص و قصاد الحز الي في الوش .. يعني الاتنين قصاد بعض __ كده انت ظبط فوق ..لسه بقي تحت .. اللي انا مش عارف اذا كان الميكانيكي اللي جبته ظبطها او لا ... فيه طريقتيني __ الاوله .. هو الظبط من البستم ... بتشيل البوجيه الاول اللي هو رقم 1 .. و تلف الكرانك .. ( تعشق العربيه علي التاني و ترفع علجه قدام .. و و تحركها واحده و احده .. طبعآ الكلام ده كله و السير مش راكب .. يعني فوق زي ما هو مش بيتحرك __ و تلف الجعله عشان الكرنك او الجزء اللي تحت يلف معاك .. و تحط مفك في فتحت البوجيه .. هتلقي المفك بيترفع .. و في مرحله معين بينزل تاني __ اظبط انت بقي بين الطلوع و النزول __ يعني ارفع البستم علي الاخر لي فوق .. و لما تحس انه بينزل تاني __ ارجع سنه بسيطه لحد ما تحس انك بين الطالع و النازل للبستم __ هتبص علي التنبوره بتاعت الكرانك اللي هي التنبوره الكبيره تحت __ هتلقي فيها علامه __ و هتلقي قصاده علامه تانيه في جسم الماتور او وش التقسيمه __ لازم يكونو قصاد بعض ... و تركب السير و تجرب __ و شوف ايه الاخبار __ لكن قولي لما بطلع البوجيه .. بتلقيه غرقان زيت و الا لا .. لو غرقان __ يبقي للاسف فيه حاجه مكسوره جواه __ جرب و سيبها علي الله ..ان شاااء الله خير .. |
رد: مشكلة فى موتور ابيزا 94 الاصلى ال1300cc
موتور الابيزا القديم مش صعب في ميكانيكيته
من رأيي تفك وش السلندر و تعمل روديه للصبابات و لو فيه صباب بياظ غيره و بالمره كاوتش الصباب و الدليل الخ ..و بعدين يتركب علي وضعه الاصلي و تظبط تاكيهاتك و تظبط كل حاجتك و ان شاء الله العربيه ترجع كويسه.. فيه حاجه تانيه انا مش متأكد منها يا تري الاسبراتير عندك حالته ايه؟؟؟ اصل انا خايف يكون اتوماتيك الاسبراتير باظ بالصدفه لما السير اتقطع و نكون بندور علي العيب في مكان و نلاقي العيب في مكان تاني خالص |
| الساعة الآن 11:51 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017