مصر موتورز مجتمع السيارات - معدل البخر لزيت المحرك ... ؟؟ قد اية ؟

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - معدل البخر لزيت المحرك ... ؟؟ قد اية ؟ (https://www.masrmotors.com/vb/showthread.php?t=51951)

معدل البخر لزيت المحرك ... ؟؟ قد اية ؟

زيت شل الأصفر المعدني

لاحظت انه نقص عن يوم ما كنت مغيره حوالي نص سم على الdipstick
ماشي عليه 3700 كم دلوقتي و خلاص كلها كام 100 كم و اغيره

انا بس قلقان انه بينقص !! لأن من يوم ما جبت العربية و انا بستخدمه (مرة واحدة بس استخدمت شل الترا) و عمره ما نقص سنتي واحد!!

سألت كتير قالولي بخر ... بس انا مستغرب عشان مكنش بيحصل قبل كدا الكلام ده

شكراً

رد: معدل البخر لزيت المحرك ... ؟؟ قد اية ؟

غير المره الجايه بنوع تانى وغير الفلتر

مفيش حاجه أسمها بخر للزيت

إلا فى حالة المواتير القديمه

أو ذات الحاله الباليه

بخار خفيف من الموتور يا باشمهندس سمير

يا هندسة انا عندى بخر خفيف من فايظ الموتور الراكب فى عمة الكربراتير ، ودة بيخللى فى تعريق زيت عن فلتر الهوا بتاع الكربراتير ، ولكن الزيت بينزل كامل مفهوش اى نقص ، هل يعنى ذلك أن الموتور محتاج شمبر +الموضوع القديم اللى كلمتك فية وهو ان جلبة ذراع البييل خفيفة وعاملة صوت، والميكانيكى بيقوللى نحل الموتور ونعمل طقم جلب وشمبر بالمرة ، عاوز رأيك العلمى الصحيح اعمل اية

رد: معدل البخر لزيت المحرك ... ؟؟ قد اية ؟

اقتباس:

هل يعنى ذلك أن الموتور محتاج شمبر

لا طبعا يا أيمن بيه

كده الموتور عندك بحاله جيده

ولا داعى من التفكير فى أى صيانه داخليه للموتور فى الوقت الراهن

اقتباس:

الموضوع القديم اللى كلمتك فية وهو ان جلبة ذراع البييل خفيفة وعاملة صوت، والميكانيكى بيقوللى نحل الموتور ونعمل طقم جلب وشمبر بالمرة ، عاوز رأيك العلمى الصحيح اعمل اية

عامله صوت فين بالظبط من المكنه

فهل لما بتحط إيدك على جسم المكنه

( من جنب مقاس الزيت وتمشى بإيدك عرضيا )

بتحس بهذا الرزع وبصوره غير طبيعيه وملفته للنظر

وهل لمبة الزيت نورت معاك قبل كده والموتور شغال

وياريت كيلو مترات السياره

رد: معدل البخر لزيت المحرك ... ؟؟ قد اية ؟

ان شاء الله بفكر في زيت كاسترول المرة الجاية :) شكراً يا بشمهندس :)

رد: معدل البخر لزيت المحرك ... ؟؟ قد اية ؟

اقتباس:

المشاركة الأصلية كتبت بواسطة samirayad (المشاركة 395164)

لا طبعا يا أيمن بيه

كده الموتور عندك بحاله جيده

ولا داعى من التفكير فى أى صيانه داخليه للموتور فى الوقت الراهن

عامله صوت فين بالظبط من المكنه

فهل لما بتحط إيدك على جسم المكنه

( من جنب مقاس الزيت وتمشى بإيدك عرضيا )

بتحس بهذا الرزع وبصوره غير طبيعيه وملفته للنظر

وهل لمبة الزيت نورت معاك قبل كده والموتور شغال

وياريت كيلو مترات السياره

الف شكر للإهتمام :
الصوت تقريبا عند البوجية الاول من ناحية وش التقسيمة ،ولمبة الزيت عمرها ما نورت،والعربية 90000

رد: معدل البخر لزيت المحرك ... ؟؟ قد اية ؟

يبقى كلام الميكانيكى عباره عن تكهنات غير دقيقه

حاول تبقى تطمن على منطقة التاكيهات وخلوصاتها

جايز تلاقى حاجه مش طبيعيه

وممكن تكون محتاج ظبطة تاكيهات صح