|
ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره
بسم الله الرحمن الرحيم . سألنى اعضاء كثيره على اعطال السياره فقلت اطرح السؤال على الاعضاء جميعا حتى يجيبوا عليه واكيد الكثير منا سبق له وتعطلت منه السياره فارجو كتابه تجربه كل واحد حتى نستطبع ان نفيد الاخوه الاعضاء ولكم جزيل الشكر اخوكم الشيخ طارق ابوذيد والسلام عليكم ورحمه الله وبركاته .
|
رد: ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره
لانوس 2 2002
مرة كنت راجع من القاهرة لاسكندرية و وقفت فى النص علشان اصلى العصر طلعت من الصلاة جيت ادور تدور مارش بس مبتقومش طبعا شكيت يا كويل يا طرمبة بنزين و فعلا جيت اجرب اسمع الطرمبة لقيت مبيطلعلهاش صوت خالص روحت قالع جاكت البدلة و مشمر و فكيتها و حاولت ارش فيها wd40 واخبط عليها شوية انها تنطق ابدا المهم رسيت فى الاخر ان حمايا كتر خيره جابها من اسكندرية و جالى لغاية الحتة الى انا عطلان فيها و كنت مستنيه فى المقابل و اخدتها منه و الحمد لله عقبال ما لف u تيرن و رجعلى كنت ركبتها و العربية دارت كنت مرعوب يطلع تحليلى للمشكلة غلط |
رد: ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره
أنا مرة كنت ماشى على الغيار الرابع و ماشى عادى و الجو جميل و كنت داخل على طريق ضيق و متبهدل ب60 نيلة ... جاى أنقل الفتيس عشان أهدى ..... لقيت عصاية الفتيس طلعت فى أيدى و الفتيس أتكسر ( و أنا ماشى على الرابع ) ... قولت أهدى أعصابى و أمشى على الرابع لغاية لما أوصل البيت . مكملتش الكلمة و لقيت عربية جيب سدت الطريق .. أطريت أفرمل و العربية بطلت و الشارع ضيق جدا و مينفعش عربية تعدى من جنبيا ... و العربيات ورايا عمالة تزمر و الناس قاعدة تزعق : ما تمشى يا تيييييت ... أطلع يا تييييييييت ...
أتوترت خالص ... و مكنتش عارف أعمل أيه ... بس أنا قولت رينوهتى حبيبتى مش هتخونى .. دورت جبت آخر دواسة البنزين و طلعت الدبرياج سنتى واحد و العربية أتحركت ( بس الصوت كان فضيحة ) و بطلع رجلى من على الدبرياج ببطئ خالص لغاية لما العربية جمعت سرعة كويسة و طيران ع البيت ...... أيه رأيكم بقى !!! حد طلع من الثبات على الغيار الرابع قبل كدا ...!!!! |
رد: ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره
قفلتها وركبت تاكس
GIFT4U |
رد: ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره
لما كان معايا 128 يا خراب أسود على دى أيام لما كانت تعطل بقفلها وأروح للميكانيكى واللى يغيظك أن المشكلة بتطلع أهيف من الهيافة
|
رد: ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره
حشيشه
وانا راجع من برج العرب الي الاسكندرية على الطريق الدولي بعد مفارق الـ 21 العربية جابت سيور " طرمبة المية , دينامو , تكييف " كانت الساعة 8 بليل و معايا اختي وبنت خالي و ابن خالي وكانت بتمطر ^^ موقف لا احسد عليه طبعا وقفت نص نقل , قطرني لحد قرب البيت بـ 150 جنيه وركبت سيور بـ 30 جنيه بس |
رد: ماذا فعلت حين تعطلت بك السياره على الطريق ارجو الاجابه من اصحاب التجارب واصحاب الخبره
اقتباس:
1- على سرعة 110كم / س على دولى دمياط ادوس للعربية الاققيها تهدى بدل ما تمشى بسرعة زودت السرعة قوى جت مكركرة ومبطلة ، نزلت اشوف فى اية مش لاقى حاجة كلة تمام دورت العربية دارت وزودت السرعة ووصلت تانى ل 110كم سرعة وجيت اذود كررت المشكلة قلت ما بدهاش جيت قالع (ا لقميص بس ...) وفكيت عمة الكربراتير ووش الكربراتير لقيت الدنيا تمام البنزين فى الحوض تمام قلت شوف البكات لقيت الباشا الميكانيكى بدل ما يركب بك 110 فى السلانسية لقيتة مركبة بدل بك السرعة وبالتالى العربية بتتخنق لان البنزين مش بيكفى للسرعة العالية بدلت البكات وقفلت وانطلقت فاتنة السيارات ومبهدلة الجاكيتات لادا الروسية 2- ركنت على الصحراوى طريق القاهرة اشترى كنز ورجعت ادور العربية حلفت ما هى دايرة مفيش صوت مارش اصلاً، لفيت يمين وشمال ادور على سبب مش لاقى ، البطارية نورها تمام والدينامو شحنة كان تمام المهم قلت اعمل قفلة على المارش ودورت على سلكة الاوتوماتيك بتاع المارش لغاية ما لقيتها وجيت معريها وجايب سلكة من شنطة العربية ( كلة معمول حسابة ..هههههه)وموصلها بسلكة الاوتوماتيك وعامل لها قفلة مع قشاط البطارية الموجب ودارت الحلوة فوراً لغاية ما روحت وصلحت المارش والى اللقاء فى الحلقة القادمة من يوميات الادا........... |
| الساعة الآن 10:42 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017