|
اسعار تعليم السواقه
سلام عليكم
اخوانى بخصوص اسعار تعليم سواقه كام ...؟؟ المشكله انى فى مكان مش فيه مدراس تعليم سواقه والذلك وقت تحت ايدى استغلال سواقين اتفقت مع شخص بالعافيه ان ساعه ب40 جنيه ...؟؟؟ هى فعلا اسعار كدا ...؟؟ |
رد: اسعار تعليم السواقه
اعتقد انه غالى شويه
حاول توصلهم 30 بس عن نفسى احب اقلك لا تقيس الموضوع بالفلوس قيسه بالاستفادة يعنى لو انت استفد منه فعلا فى الساعة الاولى وحسيت براحه نفسيه وتقدم ملحوظ فعلا وحاسس ان الشخص الى بيعلمك فعلا فاهم وهايعلمك صح يبقى فى داهية اى مبلغ لانك مش هاتدفعه كل يوم انما هاتدفعه لوقت معين وبعد كده هاتبقى سواق محترف عن نفسى انا اجرت واحد باليوم 50 جنيه فى اليوم وعلى عربيتى بس انا كنت عاوزة لمجرد الامان النفسى اولا و الرخصة بتاعته ثانيا علشان ابقى متطمن قانونيا لانى ماكنش معايا رخصه وقتها وانا الى كنت بوجهه لانى كنت بعرف اسوق من زمان بس كنت عاوز شويه ثقه مش اكتر |
رد: اسعار تعليم السواقه
اقتباس:
لكن انا عن نفسى اتعلمت بسرعه يعنى اول ساعه عرفت اسوق لانى مش خايف وحباب انى اتعلم لكن بردوا لسه محتاج اتمكن المشكله ان اللى بيعلمنى حساس انه انسان مستغل وعايز يطول المده وبيدنى معلومه بالعافيه عشان ياخد ساعات اكتر وفلوس اكتر ... |
رد: اسعار تعليم السواقه
انا اعرف واحد وده اللي معلمني السواقه بياخد في الشهر 400وطبعا لو عايز كل يوم عادي بس اهم حاجه الوقت ميذدش عن ساعه ونصف في اليوم بس بعربيه المشترك مش بعربيه اللي بيعلم السواقه وطبعا انا كان معايا 128 والحمد لله حاليا استاذ في السواقه لو عايز اكلمهولك رد عليا وانا اقوله لانه ساكن جمبي ولو عايزني اساله لو بعربيته ياخد كام في الشهر بردوه عادي بس معتقدش هيوافق لانه لسه مظبط العربيه بتاعته وصارف عليها كتير |
رد: اسعار تعليم السواقه
اقتباس:
طيب انت كده جاوبت نفسك اخلع يا معلم ونصيحه مجرب خليك مع نفسك وشوفلك حد صاحب او قريب او زميل خده جانبك بس لمجرد الثقة والامان وعيش انت مع نفسك |
رد: اسعار تعليم السواقه
انا حديك فكرة حلوووووووووووة جدا انتا اتفق معاه علي مبلغ معين مقابل انو يعلمك السواقة بس ماتدفعوش ليه غير لما تتلعم مثلا تقولوا حديك 500 جنيه بعد شهر مقابل اني ابقي بعد الشهر حريف سواقة وبعدين تديلو الفلوسGIFT4U
|
رد: اسعار تعليم السواقه
شوف يا سيدى ..
المشكله الى انت بتقولها دى هى مشكله التعامل مع كل الصنايعيه ( الا من رحم ربى ).. اى حد بتتعامل معاه بالمره من مصلحته انه يكتر عدد المرات و مش من مصلحتك انت كده يعنى لو اتفقت مع نقاشين على مبلغ يوميا شقتك مش حتدهن فى سنتها لكن لو اتفقت على مبلغ معين مقابل العمل هم اللى حيبقوا عاوزين يخلصوا .. طيب و الحل ؟ مبدئيا روح لمدرسه سواقه عادى بس اسال حد يكون سبقك على حاجتين 1ايه اللى المفروض اكون اتعلمته مع نهايه الكورس 2 اسم مدرب كويس فى المدرسه دى و لما تتفق مع المدرسه (انا اخدت الحصه ب 30جنيه)و تقابل المدرب ده تبتسم فى و شه و تحسسه انه باشا و ان فلان صاحبك هو اللى قاللك عليه ( اهم حاجه تحسسه بنفسه و ما تبقاش غشيم :) ) اه نسيت حاجه انت ليه احسن تروح لمدرسه مش تتعلم على عربيتك او عربيه حد ؟ لان الواحد فى الاول بيبقى خايف يموت حد او يخبط العربيه و ده ممكن مايخلكشى تركز او اللى بيعلمك على عربيته ممكن يخاف على عربيته و اعصابه تبوظ :) تانى حاجه و دى الاهم انه بيبقى فيها فرمل عند الكرسى اليمين اللى قاعد عليه المدرب فيقدر يلحقك قبل ما تدوس حد او تلبس فى حاجه طيب ايه اللى حتتعلمه فى اول حصه (اللى هى ساعه) -->انك ما تخافش لانك حتحس ان العربيه حاجه سهل التحكم فيها ان شاء الله و تتعلم ازاى تطلع و ازاى تقف و حتبتدى تاخد السنس بتاع الدريكسيون و كفايه قوى كده على اول حصه :) تانى حصه تاخد نمره المدرب على اساس انك لما تجيب العربيه اللى هو بعد شويه ( شهر مثلا) ممكن تحتاجه يبقى يلف معاك شويه بعربيتك علشان تفتكرو انت كده مش بتكدب لان غالبا فى ناس برضه بتحب تتطمن بزياده و فى ناس بتنسى لو ما جابتش العربيه على طول و ممكن حد من اصحابك يسالك انت اتعلمت عند مين و كدة ..و بكده هو حيبقى حريص انه يبين لك اد ايه هو مدرب شاطرو يهتم بيك و انت حتتعلم كويس و لو احتجته بعد كده اديك رميت لقدام :) و عند بدايه كل حصه سؤالك يكون ها حنتعلم ايه النهارده ( و على و شك فرحه الطفال ) ؟ علشان يبقى عارف انه لازم يقول حاجه جديده و بالتوفيق و ابقى احكى لنا عملت ايه :) |
| الساعة الآن 10:04 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017