|
استفسار من مصري مغترب ناوي أنزل أجازة بعربيتي .. الوضع شكله ايه ؟
بعد التحية والسلام
وحشتيني جدا يابلدي مصر يا أغلي وطن في الدنيا مهما اتغرب عنك فانتي دايما في قلبي وف عقلي اعذروني لأني بقالي فترة طويلة مانزلتش مصر انا أخوكم محمد مقيم في قطر ناوي انزل بعربيتي " هامر H3 " وأخويا اتجنن هو كمان وناوي ينزل ب CAMARO - " ماشاء الله " العين حق وكل من عليها فان !!! وحدوا الله في قلوبكم عاوز اعرف رأيكم يارجالة ننزل ولا بلاش ولاد الحلال بلغونا ونصحونا بعدم السفر لمصر في الظروف الزفت دي بس الكلام ده من شهرين فاتوا وناوي أنزل في شهر 7 الجاي ياترى الوضع عامل ايه في مصر أنا من " المحلة الكبرى " مش من القاهرة وحبيت أعرف يارجالة النظام ايه هناك العربيات دي عليها اقساط وماخلصتش لسه ننزل ولا بلاش أحسن ؟ منتظر ردودكم |
رد: استفسار من مصري مغترب ناوي أنزل أجازة بعربيتي .. الوضع شكله ايه ؟
انا من رأيى بلاش تنزل بالعربيه خالص فى ظل الظروف الموجوده دلوقتى..وعلى العموم طالما هتنزل فى شهر 7 استنى لغايه لما تشوف البلد هتوصل لايه..فى ظل حاله الانفلات الامنى الموجود
|
رد: استفسار من مصري مغترب ناوي أنزل أجازة بعربيتي .. الوضع شكله ايه ؟
اقتباس:
وردك الطيب ده هو فعلا شكلها كده هاستني لحد شهر 7 أو ايه رأيك لو كان النزول في شهر رمضان ؟ مش يبقى أحسن بردوا ؟ ولا ايه ؟ بقول يمكن البلطجية وقطاع الطرق يتعظوا ويخافوا ربنا شوية في الشهر الكريم ؟ |
رد: استفسار من مصري مغترب ناوي أنزل أجازة بعربيتي .. الوضع شكله ايه ؟
اقتباس:
|
رد: استفسار من مصري مغترب ناوي أنزل أجازة بعربيتي .. الوضع شكله ايه ؟
اقتباس:
طب والله مانا نازل بيها ياعم الواحد خليه يقضي أجازته بدون مشاكل ووجع راس ربك كريم بس انا ماتعرفتش عليك يانجم معلش أنا ماشاركتش في الموقع قبل كده بالرغم من تسجيلي فيه من بدري تحياتي |
رد: استفسار من مصري مغترب ناوي أنزل أجازة بعربيتي .. الوضع شكله ايه ؟
اقتباس:
اولا اهلا بيك فى وشرفت ونورت المنتدى ثانيا:انت كلامك صح انزل اجازتك من غير عربيه احسن بدل ما تتخبط خبطه مالهاش اى لازمه وهيا واقفه وتدخللك فى مشاكل نت فى غنى عنها..وبعدين العربيه مش هتلاحق عليها بنزين وخصوصا مع ارتفاع اسعار البنزين هنا فى مصر. ثالثا:انا اسمى محمود..ومن المنصوره..جيران يعنى..وحمدلله على السلامه مقدما وتنور مصر فى أى وقتGIFT4U |
رد: استفسار من مصري مغترب ناوي أنزل أجازة بعربيتي .. الوضع شكله ايه ؟
1 مرفق
في قطر وعاوز تنزل مصر
دا انا لو منك منزلش مصر خالص، كل حاجة في مصر دلوقتي بقت زفت الطرق مكسرة و المحلات منهوبة والشرطة مش موجودة و البلطجية في الشارع اغلبية دة معظم اقاربي سياراتهم زجاجها اتكسر من حدف الطوب و الظلط مش عارف جابو منين كل الظلط والطوب دة كلة يا اخي شوف اسعار السيارات في قطر وقارنها بمصر هتلاقي فرق بالعبيط يعني في مصر بتدفع 400%علي ثمن السيارة الاصلي جمارك و رسوم و ضرائب يعني شوف انتا جبت الهامر بكام في قطر وشوف الهامر في مصر بكام اذا كان انا جايب عربية سوزوكي ماروتي زيرو السنة الي فاتت ب38 الف جنية شوف في قطر العربية دة اكيد هناك محدش بيجيبها وعملنها لعبة للاطفال هناك:crazyW14: صحيح هو الهامر في قطر بكام علشان نبقي عرفين الاسعار في كل بلد عربي؟ بقولك صحيح انا خريج اعلام ومش لاقي شغل متشوفلي شغلة هناك ونبي:k_crying77[1]::w6w200504112220146b:070 104~242: |
| الساعة الآن 06:18 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017