صوت غريب
 

ياجماعه انا معايا سيراتو 2011خليجى عامل بيها 1000 و لسه عامل صيانه الالف من يومين المهم انى وانا ماشى على ال D و مش دايس بنزين بسمع صوت ونه خفيفه من المحرك و بسمعه برضه وانا على ال N و بدوس بنزين دوسه خفيفة الصوت بيطلع على 1000 rpm و بيختفى لما ادوس بنزين اعلى قلتلهم فى صيانه الالف قالولى عادى و ناس قالتلى فى اصوات غريبه هتسمعها فى التليين ياريت لو حد عنده معلومة او موقف مشابه يقولى

رد: صوت غريب
 

عود نفسك على تحريك السياره وأنت دايس على البنزين

هتتلاشى كل الأمور اللى بتحسها حاليا وأنت مش دايس على البنزين

شبع الفتيس يعنى بضغطك صح على دواسة البنزين

رد: صوت غريب
 

بس باباش انت عارف ان لما بتكون ماشى فى الزحمة وحده وحده مش بدوس بنزين هى اول ما بحطها على ال D بتبدأ تتحرك لوحدها لان لو لمست البنزين هخبط اللى قدامى هههههه ساعتها بسمع الصوت ده انا مش عارف هل ده طبيعى ولا فى مشكلة ما ؟؟

رد: صوت غريب
 

طيب هقولك على حاجه

1- أطمن كده على منسوب زيت الفتيس

المفروض منسوب الزيت فى الفتيس

يكون مظبوط

لازياده ولا ناقص

لأن لو كان زياده أو ناقص

ممكن يعملك مشاكل زى إللى بتقول عليها

____________________

2- ونفس الشىء لدايرة الباور ( لو كانت هيدروليك )

حاول تعمل أستنزاف للهواء الموجود فى خطوط دايرة الباور

دول أتجاهين ممكن يكون ليهم دور فيما تلاحظه

رد: صوت غريب
 

اخى الفاضل الصوت عادى لا تقلق لانه عند بدايه ربط الفتيس بالمكنه ثم يتلاشى ولا داعى للضغط على دواسة البنزين بسرعه وصوت خافت جداً لا يسمع الا فى الهدوء التام اما فى الشارع لا يسمع وده عادى

رد: صوت غريب
 

بص ياباشا هو مش عند الربط و يتلاشى لأ هو طول ما انا حاطط العربيه على ال D و مش دايس بنزين فبتتحرك حركه بسيطه بيكون ال RPM ساعتها على 1000 مثلا يسمع هذا الصوت او ما أبدأ بالتسارع يختفى ؟؟

رد: صوت غريب
 

طيب ساعتها بتكون دايس على الفرامل ؟؟

لانك لو دايس على الفرامل (علشان تمشى بالراحة اوى) يبقى ده صوت طبيعى وموجود فى كل العربيات الاتوماتيك ..