|
عايز اعرف ايه رايكم من التقسيط من عبد اللطيف جميل
السلام عليكم ورحمه الله وبركاته
انا عايز اعرف رايكم في التقسيط من عبد اللطيف جميل ويا تري هو فعلا مش بيعمل تامين لو دفعت 50% انا ناوي اجيب نيسان صني مانيوال وهما قالو هناك اني ادفع 10000 ونكتب عقد بيني وبينهم وهمضي علي الشيكات وبعد كده هو هيجيب العربيه لانها مش عنده لغايه كده في اي حاجه حرام ............. وبعد كده هدفع باقي نص الثمن والقسط هيكون ليه مباشر ومفيش تامين بس فيه حظر بيع ارجو من الجميع الرد لاني مش عايز اي حاجه حرام وربنا يغنينا بالحلال |
رد: عايز اعرف ايه رايكم من التقسيط من عبد اللطيف جميل
اقتباس:
لو سمحتو حد يقول رائيه :fun_36_6_2[1]: |
رد: عايز اعرف ايه رايكم من التقسيط من عبد اللطيف جميل
عزيزى عايز راى فى اية بالضبط
فى الحلال والحرام ولا فى عدم وجود تامين للسيارة ولا اية بالضبط |
رد: عايز اعرف ايه رايكم من التقسيط من عبد اللطيف جميل
اقتباس:
بص هو الكلام اللي انت قولته ده مفيش فيه حاجه غلط إلا حاجه وحده أن هو يبيعلك السيارة وهو لسه ما تملكهاش لانه في الشرع لا يجوزبيع مالا تملك ..... إلا انك تكون ماضي علي حاجه اسمها في البيع الشرعي وعد بالشراء في الحاله دي إن شاء الله حلال واهم حاجه انك تسأل عن الارباح اسلاميه ولا لا انا بكلم حضرتك لاني شغال في مجال بيع وتمويل السيارات بس في الكويت والحمد لله شركتنا اسلاميه في تعاملاتها واي استفسار انا حاضر ...... والله ولي التوفيق . |
رد: عايز اعرف ايه رايكم من التقسيط من عبد اللطيف جميل
شكرآ جدآ لحضرتك علي الرد
بس انا ليا استفسار هل يعتبر العقد بيني وبين المعرض قبل شراء السياره هو وعد بالشراء وما هي الفايده الاسلاميه ؟ |
رد: عايز اعرف ايه رايكم من التقسيط من عبد اللطيف جميل
اقتباس:
عبد اللطيف جميل هنا في مصر فتح شركة إسمها العالمية هذه الشركة تبيع سيارات بالقسط وجميع تلك السيارات مملوكة له بالكامل من فين معلومات حضرتك إنه لم يمتلكها |
رد: عايز اعرف ايه رايكم من التقسيط من عبد اللطيف جميل
أنا رحت لشركة العالمية بتاعت عبداللطيف جميل لتقسيط السيارات وكنت برضه رايح أشوف نظام النيسان صني الأوتو سعرها 90 ألف تقريباً الخلاصة إنك بتمضي على شيكات وكمبيالات بتمن العربية مرتين والضامن اللي بتجيبه بيمضي شيكات وكمبيالات بتمن العربية مرتين يعني عبداللطيف بيه بيخليك تمضي على تمن العربية أربع مرات بأربع أضعاف تمنها عشان يامن نفسه والتأمين إجباري لو دفعت مقدم أقل من 50% المهم لو عايز تفاصيل أكثر بتروحلهم لكن أنا شخصياً بعد ما قعدت مع الراجل هناك قاعد يقوللي إسلامي إسلامي إيه اللي أوقع فيه على أربع أضعاف تمن الحاجة ؟؟؟؟؟؟؟؟؟ !!!!!!!!! هو كل واحد بيتاجر بالإسلام على مزاجه ؟ الحقيقة قلت لنفسي ومالها العربية المستعملة تغور الديون مع العربية الجديدة |
| الساعة الآن 01:45 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017