اشتريت لوجان وعندى مشكلة عاجلة ارجوكم افيدونى
 

الحمد لله اشتريت لوجان كاملة وبإختصار كنت ماشى تقريبا على سرعة 60: 70 كم وعلى اخر لحظة شفت مطبة قدامى ضربت فرامل على الاخر لكن كسرت الطارة يمين فى شمال (مش عارف ليه) ورفعت رجلى من على الفرامل وعديت المطب بالعجلة الشمال الاول وبعدين اليمين وفى اخر اليوم كنت بركن كسرت الطارة على الاخر يمكن اربع مرات يمين وشمال (فزلقة ركن اصلى مراتى كانت جنبى) وتانى يوم وجدت الاتى
-الطارة حادفة شمال
- العربية بتحدف شمال
- فيه بوش فى الطارة شمال (يعنى علشان ادخل حبة شمال لازم اكسر جامد شمال)

واحد جارى بيشتغل فى توكيل شيفروليه شاف العربية قالى ان المقص الشمال اتلوح شوية قالى انا اعملهولك عندى فى الورشة لان التوكيل هيغيرلك المقص كله وقالى انا ممكن اظبطهلك
السؤال
ارح التوكيل وامرى على الله ولا اخليه يعملى المضوع ده مع انى ما عملتش بالعربية غير 700كم ورايح بعد يومين كشف الــ 1000 كم
ارجوكم فيدونى

رد: اشتريت لوجان وعندى مشكلة عاجلة ارجوكم افيدونى
 

انا من رايي التوكيل احسن بدل ما تقعد تحاول تصلح فيها وممكن ما تتظبتش اوي
و كمان عشان الضمان
والاعضاء اكيد هيساعدوكGIFT4U

رد: اشتريت لوجان وعندى مشكلة عاجلة ارجوكم افيدونى
 

لو روحت التوكيل قلتلهم عليها هتتدبس في مبلغ وقدره
لو صاحبك عملهالك بحيث انها مش تبان يكون افضل لكن لو بعد فترة اتكشفت في التوكيل هيخرجو العفشة من الضمان

رد: اشتريت لوجان وعندى مشكلة عاجلة ارجوكم افيدونى
 

ما تعرفش العملية دى تصرف كام
انا من الفيوم ايه اقرب مركز معتمد ليا ومين احسن واحد اروحله

رد: اشتريت لوجان وعندى مشكلة عاجلة ارجوكم افيدونى
 

انا شايف ان التوكيل احسن وممكن ماتدفعش اى حاجة لأنك فى الضمان

رد: اشتريت لوجان وعندى مشكلة عاجلة ارجوكم افيدونى
 

روح التوكيل افضل لان السيارة جديدة وزيرو وممكن تتعمل داخل الضمان ومرة تانية خلى بالك

رد: اشتريت لوجان وعندى مشكلة عاجلة ارجوكم افيدونى
 

روح التوكيل
و لو رسيت على مقص خارج الضمان حتدفع باكو