غيرت زيت ومش مرتاح
 

امبارح غيرت زيت للانسر
- اخر مرة غيرت كانت 19450 كم ( وزيت موبيل 1 ) بالتوكيل وفلتر
- غيرت امبارح خارج التوكيل وكان العداد 30150 بزيت ( موبيل 1 ) وفلتر من التوكيل
- اى الزيت عمل 10700 كم
- تعليمات التوكيل ان هذا الزيت مع الفلتر يتغير كل 10 كم
- لكن وانا بغير الراجل قلى اتأخرت علية شوية واللزوجة ضعفت !!!!!!
- فهل ال 700 كم السبب مع العلم انى قريت هنا اكثر من مرة انة مفيش مشكلة من ان الزيت ممكن ينتظر حتى 15 او 20 الف كم خاصة ( موبيل 1 )
- بصراحة انا قلقت وبفكر اغير زيت كل 8 الاف واشوف اخبار الزيت اية
- وانا اكدت فى السؤال لمهندس الصيانة بالتوكيل انة مفيش مشكلة ان الزيت يفضل 10 الاف كم وقلى " اطمئن "
- ملحوظة هامة : -
* ثمن الزيت 4 لتر = 250 جنية
* ثمن فلتر الزيت = 71.5 بالتوكيل ( مع انى شايف انة ميفرقش عن اللى برة و ب 30 جنية )
- بصراحة انا محتار مش عارف اعمل اية ؟ اسمع كلام التوكيل ؟ ولا عامل البنزينة ؟

رد: غيرت زيت ومش مرتاح
 

ياباشا ولا تحيرنفسك خالص ايه يعنى 700 كم زياده ان شا الله لو مشيت عليه لغايه 13 الف و14 كم ولا هيفرق اى حاجه..بس اهم حاجه تتابع مستوى الزيت وخلاص..بتاع التوكيل عايزك تغير زيت وخلاص واهى سبوبه حلوه...متقلقش خالص

رد: غيرت زيت ومش مرتاح
 

فعلا انا شاكك فى كلام عامل البنزينه وحاسس انه بيفتى وخلاص
بسم الله ماشاء الله عربيتك 2010 وبائن الله مافيهاش حاجه واللى اعرفه انا كمان انك ممكن تقعد على الزيت ده مدد اطول بكتير من 10000 بس الواحد مابيجيلوش قلب

رد: غيرت زيت ومش مرتاح
 

شكرا ً اخى لاهتمامك وردك
- انا التوكيل قلى غير على 10 الاف
- لكن انا قلقت لما قلى عامل البنزينة ان اللزوجة قلت
- علشان كدة بفكر اغير على 8 الاف فقط
وكنت عايز اعرف فية حد بيغير على 10 فعلا ً
- كما ان نقص الزيت اعتقد غير وارد لان العربية 2010

رد: غيرت زيت ومش مرتاح
 

- شكرا ً يا باشا
- رد هنا وعالخاص كتير علينا
- وانت عامل بعربيتك كام الف ؟
- وبتغير الزيت كل 10 ولا برضو مش بيجيلك قلب تسيبة

رد: غيرت زيت ومش مرتاح
 

عفوا ياباشا انا قصدى عامل البنزينه..الامور اختلطت عليا

رد: غيرت زيت ومش مرتاح
 

هى عامله 14000 وشويه وغيرت زيت مرتين اول مره فى صيانه الالف وحطيت 10000 مع تغيير فلتر وتانى مره غيرت على 11700 تقريبا وبرضه حطيت 10000 وفلتر