|
ازاى اروح الحرفيين او الوكالة ... ياريت افادة
GIFT4UGIFT4UGIFT4U
مساء الخير على الجميع دلوقتى انا من اسكندرية و عايز قطع غيار استعمال خارج لتويوتا كرسيدا .. قالولى العامرية ثم بورسعيد و المنصورة او الحرفيين ... انا قولت القاهرة اسهل ... بس المشكلة الحرفيين دى تبع فين ... ازاى اروح لها من ( محطة مصر ) .. هل فى مواصلات كويسة من عند محطة مصر لحد الحرفيين ؟ ولا اروح بالعربية احسن ؟؟ .. طب لو هروح بالعربية اوصل ازاى من الدائرى مثلا ... ياريت افادة سريعة و هل حد عنده معلومات عن تجار تويوتا ملاكى ف الحرفيين او اى حته تانية ف القاهرة .. سمعت عن الوكالة برضه ..( برضه معرفش فينها ؟؟). .. ياريت ماتبخلوش عليا ..اللى يعرف حاجة يقولها .... و شكرا مقدما |
نازل من اسكندرية رايح الحرفيين والوكالة .... ياريت حد يقولى السكة ازاى
السلام عليكم
ياريت يا شباب عايز اعرف ازاى انزل من محطة مصر لحد الحرفيين ... نازل اجيب قطع غيار لتويوتا كرسيدا ... انزل بقطر ولا بعربية ... و ياريت افادة لو حد يعرف حد ف الوكالة او الحرفيين عنده حاجات تويوتا كرسيدا ... و شكرا مقدما |
رد: نازل من اسكندرية رايح الحرفيين والوكالة .... ياريت حد يقولى السكة ازاى
بص ياباشا
الاقرب بالنسبالك من محطه مصر هو منطقه التوفيقيه او الوكاله . منطقه التوفيقيه هتاخدها مشى من محطه مصر فى شارع رمسيس لحد الاسعاف حوالى كيلو وسأل هناك هتلاقى التوفيقيه على شمالك وفيها كل انواع قطع الغيار . لو لم تجد طلبك فى التوفيقيه خد تاكسى وروح الوكاله حوالى 3 كيلو من التوفيقيه . اما الحرفيين فهى بعيده خالص من محطه مصر ولازم تاكسى مخصوص عشان يوصلك بسرعه ومتوهش. وربنا يسهلك الامور |
رد: نازل من اسكندرية رايح الحرفيين والوكالة .... ياريت حد يقولى السكة ازاى
- انت عايز تجيب حاجات جديدة ولا استيراد ؟
- لان الموضوع ممكن يختلف ويفرق معاك كتير - فالجديد يبقى التوفيقية قريبة وقريب منها شارع شامبليون - اما الاستيراد او المستعمل يبقى الوكالة اقرب ليك كتير |
رد: ازاى اروح الحرفيين او الوكالة ... ياريت افادة
الرد هنا
وياريت تطلب من الادارة دمج الموضوعين او حذف احدهما لانة مكرر http://www.masrmotors.com/vb/showthread.php?t=50337 |
رد: نازل من اسكندرية رايح الحرفيين والوكالة .... ياريت حد يقولى السكة ازاى
انا عايز موتور استيراد 21 أر بفتيسه اتوماتيك او من غير ... لتويوتا كرسيدا 82 ... بس.. انا كده نزل الوكالة و خلاص ... بس انا غالبا نازل بعربية .... فازاى اروح بالعربية للحرفيين ؟؟؟؟
و شكرا جدا ليكم يا شباب .. معلش الغريب أعمى .. GIFT4UGIFT4UGIFT4U |
رد: نازل من اسكندرية رايح الحرفيين والوكالة .... ياريت حد يقولى السكة ازاى
توصل بالسلامة ان شاء الله
هفترض انك عارف الطريق من الاسكندرية للقاهرة لو جاي زراعي بعد ما تعدي قليوب هتلاقي الدائري معدي الطريق هتنزل تحت الكوبري وتطلع اول مطلع بعده يقابلك يمين .. تاخد الطريق على طول اتجاه مصر الجديدة/ المطار تقريبا 18 كيلو وانت ماشي هتلاقي منزل مسطرد وبهتيم والخصوص والسلام كل ده تعديه وتسيبك منه بعد نزله السلام هتكمل هتلاقي اشاره بتقولك يمين مصر الجديدة / المطار والنفق لو هتكمل مدينة نصر انت هتدخل يمين مش تدخل النفق تمشي 300 متر وتكمل مع الطريق يمين كيلو بالضبط هتلاقي كوبري المطار ( علوي) مش تطلع خليك من تحت الكوبري وتفضل ماشي حوالي 2 كيلو هتلاقي حديقة بدر على يمينك الشارع اللي وارها يدخلك الحرفيين لو جاي من الصحراوي هتوصل الدائري برضة وتكمل شويةهتلاقي المتحف على يمينك تكمل لغايه ميدان الرماية تلف وترجع تاني وتاخد مطلع الدائري ونفس الخطوات اللي قبل كده لكن اطول شوية طبعا فيه ناس هتقولك وليه تاخد الدائري لو جاي صحراوي ما تاخد المحور اقرب وهيدخلك على وسط البلد على طول خصوصا لو رايح التوفيقية والوكالة هقولهم لو حد يديني تفسير للزحام الرهيييييييييييب اللي في البلد اليومين دول اقوله يديلك النصيحة تدخل من وسط البلد واي خدمة GIFT4U هقولك ل |
| الساعة الآن 12:05 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017