|
فتييس الماروتى
السلام عليكم ورحمه الله وبركاته
والله أنا سعيد جدا بالأنضمام للمنتدى الكبير ده وعندى سؤال صغير كده لأهل المنتدى الكرام ..... عايز أجيب الماروتى للمدام ( شبطانه فيها وعشان تبعد عن عربيتى بقأه ) . المهم روحت شفتها فى المعرض اللى فى المساحه الدقى والله جميله بس فى حاجه حسيت أن الغيارات بتاعتها أو عصايه الفتيس تقيله شويه لدرجه أنى مكنتش حاسس أن العربيه مموره ولا واخده غيار ( معلش أنا بقارن بفرنا 2010 ) فهل ده طبيعى ولا أيه أرجو الرد ؟؟؟؟؟ |
رد: فتييس الماروتى
هو غالبا طبيعى لأن العربية لسة جديده ...
ولكن مع التليين الفتيس بيخف اكيد ... |
رد: فتييس الماروتى
شكرا ليك على الرد والاهتمام . بس يعنى قصدك أنه مع الاستخدام الفتيس يبقى مرن أكتر ؟؟ ومش محتاج تشحيم او زيت معين مثلا ؟؟
|
رد: فتييس الماروتى
اقتباس:
انت بتقول جربت عربية زيرو لسه متحركتش خالص ... يعنى لسه الفتيس مش مرن .. ولكن بعد فتره التليين هتلاحظ ان الفتيس بقى اخف .. ده شئ اكيد وكل العربيات الزيرو كده ... |
رد: فتييس الماروتى
السلام عليكم ورحمة الله وبركاته
انا الحمد لله عندي ماروتي من خمس شهور وفعلا الفتيس كان تقيل اوي لكن دلوقتي اصبح اكثر مرونة وعلى فكرة جوزي كمان ساقها ف الاول وساقها تاني من قريب وقال نفس الكلام ..وكمان كذا حد قاللي المعلومة ديه عن الماروتي بالذات وربنا يوفقكم للي فيه الخير ان شاء الله |
رد: فتييس الماروتى
ألف شكر على الردود الحلوه والاهتمام بالموضوع .
وسؤال تانى صغير هو الكاوتش بتاع الماروتى تيوبلس ولا عاده ؟؟ ولو عاده ممكن يتحول تيوبلس ولا أشترى كاوتش جديد . وشكرا مره تانيه على الردود |
رد: فتييس الماروتى
اولا مبروك مقدما انا عندي ماروتي من 2007 وهي كويسه واقتصادية وقطع غيرها متوفرة ورخيصة ويالنسبة للكوتش هو تيوبلس مقاس 12 وممكن تغيره بمقاس اكبر شوية علشات تعلي العربية شوية
|
| الساعة الآن 07:33 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017