أرجو التحذير من عصابة مرور السلام
 

يا جماعة الموضوع ده لازم تنشروه في كل حته , انا كان هيتنصب عليه في مرور السلام من سنتين , ولما رحت امبارح لاقيت نفس النصابين وكانو ناصبين على ناس كتير اوي في فلوس كتير , دول عمالين ينصبوا على الناس من زمان اوي بقى ومحدش بيوقفهم , انا عملت الصورة ده الي هتشرح كل حاجة بالتفصيل , ياريت كلنا ننشرها ونحذر الناس من عصابة مرور السلام :

MroorElsalam.jpg: http://www.imageupload.org/thumb/thumb_4929.jpg


Link : http://imageupload.org/getlinks.php?

رد: أرجو التحذير من عصابة مرور السلام
 

افادكم الله
تاني موضوع حضرتك تعمله بنفس الكيفيه
وده نفس ردي عليك في الموضوع التاني

استفدنا ايه احنا بقى من الموضوع والصورة اللي انت حاططها
ولا تفاصيل ولا اي معلومة
أقرا كده موضوعك وشوف هتفهم منه أيه وقولي اللي فهمته

رد: أرجو التحذير من عصابة مرور السلام
 

الموقف ده حصل معايا بالظبط:
رحت المرور وكنت بأجدد الرخصة ، قالولي هات البطاقة والرخصة واقعد حضرتك استريح وإحنا هنخلصها وهناخد 100 جنيه، وحضرتك ما تدفعش حاجة لحد لما نخلص، تمام.
شوية وجالي وقالي عليها مخالفات مش عارف بحوالي كام ألف مش فاكر، وممكن نخلصها وننزل المبلغ شوية والكلام ده. بكل بساطة قلت له: هات الرخصة والبطاقة وأنا هأخلصها من المرور الرئيسي في الدراسة أنا عارف ناس هناك وما تتعبش نفسك. لما قلت له كدة قال لي: طيب عايزين عشرين جنيه تعبنا والكلام الفاضي ده. بصراحة أنا عرفت إنها مسألة نصب، فرميتله العشرين جنيه عشان آخذ البطاقة والرخصة، وأخذتهم الحمد لله، وكانت أول وآخر مرة.
وعلى فكرة دخلت جوة لقيت العربية ما عليهاش ولا جنيه مخالفة، والحمد لله جددت سنتين بدل سنة، وتمام.

رد: أرجو التحذير من عصابة مرور السلام
 

الف شكر يا باشا على التحذير
وربنا يكفيك ويكفينا شر ولاد الحرام

رد: أرجو التحذير من عصابة مرور السلام
 

انا شاكر جدا التحزير ودا ممكن يحصل في اي مرور - لكن ايه علاقة الكلام بتاع حضرتك بكلام كاتب الموضوع اللي انا مفهمتش منة حاجة هوا انت فهمت منة حاجة؟؟؟؟؟؟؟؟؟

رد: أرجو التحذير من عصابة مرور السلام
 

شكرا على الموضوع
طب المهم : ادارة المرور شغاله تمام ؟ ولا ايه ؟
انا سمعت ان مرور السلام اتحرقت ضمن اعمال الشغب - هل هذا صحيح ؟
وما موقف ملفات السيارات بها ؟

رد: أرجو التحذير من عصابة مرور السلام
 

للي مفهمش :
مرور السلام في عصابة متخصصة في النصب على الناس , انا شايف بعيني ناس بتبكي واحد منهم معاق وبيحاول يطلع رخصة موتسيكل , نصبوا عليه في 1400 جنيه , وغيره في 3000 جنيه

النصبايه هي :
يقولك هات ورقك وانا هخلصلك كل حاجة , وبعدين يفهمك ان عليك مخالفات كتير ويقنعك انه ليه علاقات جوة ة ويقدر ينزلك المخالفات , الكلام ده بيحصل مع أي حد داخل المرور

الخلاصة وانت رايح مرور السلام تاخد معاك واحد صاحبك عشان لو حصل أي حاجة , الأخ الي رد وقال دفعتلهم 20 جنيه لو مكنش دفع كان هيتئذي لأنهم أذوا حد اعرفه بنفس الطريقة , بعد ما عرف انهم نصابين , مرديوش يدوله الورق ولا يخلوه يطلع بالعربية الا لما يدفع 150 جنيه