|
ابحث عن صوت نقي ومجسم بتكلفه متوسطه
السلام عليكم ورحمة الله
عربيتي اكسيل مو 95 1500 بها كاسيت كلاريون عادى ( مش عارف ده بتاع الفبريكا ولا لا) واربع سماعات الفبريكه 2 ع التابلوه و 2 فى الخلف الصوت طبعا مخروش ومخنوق وشغال على ام بي ثري الولاعه عندى فى البيت اوكلايزر جونسون 2002 بجالة جيده وجهاز صغير كده بيشغل الفلاشه عليه كنت ناوى اشتري سماعتين كويسين لكن مش باسعار مرتفعه اوى بتاع الكاسيتات بيرشحلى سماعتين ب 100 ج صيني بس كويس وقالى فيه ب 300 ج ايه رايكم انا كل اللى يهمنى صوت نقي ومجسم وليس قوى وعالى وبتكلفه متوسطه اعمل التوليفه اللى عندى ( الكاسيت اللى موجود مع الاوكلايزر مع ام بي ثري الولاعه مع سماعتين نضاف حلوين) ولا ابيع كل ده واجيب كاسيت نضيف بس مش عاوز تكلفه عاليه لانى طالع من عمره للموتور وفتيس وداخل على رخصه هههههههه فالدنيا مش مستحمله الصراحه مستنى ردودكم القيمه علما بانى من المنصورة ولكم جزيل الشكر |
رد: ابحث عن صوت نقي ومجسم بتكلفه متوسطه
تصدق بايه يا اخ انا شغال بالسماعتين اللي في التابلوه بس اللي ورا باظو هم اللي في التابلوه اساسا مش بيطلعو صوت نقي دول في الاساس بيظهرو صوت الطبله والهوا نصيحه انت هات كاسيت نضيف مع السماعات اللي عندك هيبقي تمام اوي الا لو السماعات بايظه او فيها عيب
عموما السماعات عندي لما بعلي اوي بيخرفشو وانت بتقول عايز صوت نقي بس مش عالي تقبل خبرتي الضئيله |
رد: ابحث عن صوت نقي ومجسم بتكلفه متوسطه
باشا انت المفروض تحدد انت عاوز تصرف كام بالضبط على الصوت لأن ممكن تعمل مكونات صوت تبدأ من 150 جنيه لغاية 5000 جنيه
انا هاكتبلك إللى عندى وشوف أسعاره عشان تبقى مثال: - سونى سى دى ( سى دى + راديو + مدخل صوت) وسعره بـ 550 جنيه تقريبا - سماعات كينوود (وصوتها حلو ونقى جداا) وسعرها بـ 300 جنيه - سماعات شماسة بتركب عالشماسة وسعرها بـ 40 جنيه تقريباً وده مثال لطاقم الصوت اللى عندى وبصراحة مدينى صوت نقى جدا سواء اسطوانات او راديو او آى بود ، لكن انا مش من هواة الصوت العالى وده بيحتاج لحاجات تانية زى جى إم مثلاً ويارب أكون أفدتك ... وبالتوفيق إن شاء الله..... |
رد: ابحث عن صوت نقي ومجسم بتكلفه متوسطه
اقتباس:
انا فعلا زيك مش من هواة الصوت العالى لكن بحب جدا الصوت النقي المجسم بالنسبة للسماعات ال 300 وات بكام وصناعتهم ايه ؟ وما الافضل بايونير ولا كينود ولا سونى وهل منهم فى صيني ولو جيبته يبقي مقلق ولا فى صناعه معينه ادور عليها اسف للاطاله ولكم جزيل الشكر والامتنان |
رد: ابحث عن صوت نقي ومجسم بتكلفه متوسطه
علشان تعمل اللى فى دماغك ده يا وائل انت محتاج كاسيت بايونيير .. وسماعتين بايونير 400 وات
الكاسيت هيتراوح سعرة بين 500 الى 900 جنية (حسب امكانياته) وانا برشحلك كاسيت من اللى بيقبل فلاشة وده هيعمل حوالى 700 جنية تقريبا (معنديش فكره عن اسعارهم اوى برضو) ... سماعتين بايونيير 400 وات هيعملوا حوالى 280 جنية ... ويا سلام بقى لو تجيب سماعتين مدورين للابواب او التابلوة (حسب مكانهم عندك) يعنى قول 1000 جنية ... بس هتنسى الدنيا .. هيعملوا صوت محترم جدا ... لو السماعات اللى عندك حالتها كويسة (سليمة) ممكن تجيبلها كاسيت وتاجل موضوع السماعات دلوقتى .. وصدقنى هتحس بفرق كبير مع الكاسيت البايونيير .... |
رد: ابحث عن صوت نقي ومجسم بتكلفه متوسطه
اقتباس:
طب الكلاريون (كاسيت شريط ) اللى عندى مع الاوكلايزر مع ام بي ثري الولاعه ممكن يبقوا كويسين مع سماعات بايونير 300 وات ؟ انا السماعات اللى عندى بتاعة الفبريكا 2 ورا و2 ع التابلو؟ اسيبهم معاهم ولا افصلهم ؟ طب لو لقيت بايونير مستعمل اجيبه ولا مش هيكون مضمون ؟ وما رايكم فى الكاسيتات الصيني ( سيتي ساوند = 350ج و متسوبيشي =250ج ) طولت عليك كالعاده معلش وربنا يكرمك يا حس يارب |
رد: ابحث عن صوت نقي ومجسم بتكلفه متوسطه
بص يا سيدي ابعد عن الكاسيت لانه موضه وبطلت وصوته ردئ جدا جدا مهما كان نوعه ولازم تعمل شرايط وكلام فاضي خد مني الخلاصه والمفيد والنهائي ومتعملش غيره اخوك خبير ساوند :-
1- حتسيب الكاست زي ماهو وتوصله علي السامعتين الاماميتين اللي فالتبلوه فقط للطوارئ ولو حبيت تسمع الراديو ماشي ؟ 2- حتجيب جهاز قارئ الفلاشات وكروت الميموري ب 40 جنيه بالريموت هيص يا عم . 3- حتجيب كرت ميموري 2 جيجا ب 35 جنيه يشيل 500 اغنيه والقرأن كله دلع نفسك 4- حتجيب طقم سماعات بيونير صيني ب 50 جنيه ولو عايز احسن في سيمفوني ب 75 ولو عايز حاجه لايعلي عليها هات دايو ب 145 جنيه 5- حتوصل اللي فات علي الاكوليزر اللي عندك يبقي ضرب نار للصباح الباكر. تكلفه التركيب لو مش انت اللي حتركب 25 حد اقصي السماعات الجديده حتركب ورا علي قارئ الفلاشات ومعاك صوت جبار bass عالي وكله تمام ويا سلام لو 2 تويتر ب5 جنيه يبقي عند طقم ساوند جبار حيرضيك ب (150 جنيه ) يا بلاش ده مش تمن سماعتين |
| الساعة الآن 09:36 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017