تحـذير من الدائري .. خلي بالك
 

السلام عليكم ورحمة الله
بعد مطلع السلام للدائري .. فى اتجاة الجيزة .. بعد المطلع بـ 500 متر فية اصلاحات ف الطريق
حافرين الطريق كأنهم هيعملو اسفلت جديد " تمهيد الطريق للاسفلت جديد "
.. الحفر مخلي الارض نازلة لتحت لمسافة رهيبة 5 سم تقريبا
عربية طايرة وللاسف اتفاجأ بالارض ضرب فرامل وحصل حادث رهيب ضاعت فية السيارة
العربية عامت ودخلت بوشها فى الطوب الخرسانى اللى قاسم بين الاتجاهين
الوقت كان الساعة 4 ونص الفجر وقت الحظر .. مكنش فية حد فى البداية يساعد .. شوية وعربية وقفت بعدها للمساعدة
والراجل والله اعلم ربنا يسترها وميكونش اتوفي .. خلي بالكم يا جماعة وبلاش الجري
انا بعدها مشيت 60 تقريبا زى الناس المحترمة وقبلها وانا رايح صارووخ .
العربية مأخدش بالى من نوعها لان الحادث حصل امامى قمة الرعب .. لونها اسود موديل حديث
اسألكم الدعاء لة بالشفاء والستر .. ان كان حياَ .. اللهم استر طريقنا جميعاَ .

رد: تحـذير من الدائري .. خلي بالك
 

يارب استرها عليه ويكون بخير
فى ماقوله بحبها ودائما وانا مسرع اتزكرها
لاتسرع اسرتك فى انتظارك

رد: تحـذير من الدائري .. خلي بالك
 

يا ستار يا رب

رد: تحـذير من الدائري .. خلي بالك
 

ربنا يسترها علينا جميعا
ويشفى المصاب فى الحادث

رد: تحـذير من الدائري .. خلي بالك
 

مشكور علي النصيحة وعدم السرعة سواء علي الدائري او طريق اخر

رد: تحـذير من الدائري .. خلي بالك
 

رد: تحـذير من الدائري .. خلي بالك
 

- ربنا يلطف ويسلم وان شاء الله تكون بسيطة
- ولكن الى متى الاستهانة والاستهتار بأرواح الناس الى هذا الحد ؟!!
- فأنا دائم السفر على طرق صحراوية وبصراحة بشوف حاجات لها العجب
* اعمال تربة زلطية فجأة وبدون اى علامات او ارشادات
* اكوام من التراب قبل فردها تغطى ثلثى بحر الطريق فى طرق ( رايح - جاى )
* غالبا ً يتم التشوين مساء ً ويتم العمل صباحا ً
* فجأة تجد فاصل بمستوى الاسفلت وهو يتراوح ما بين 5 الى 9 سم ان تم وضع الطبقة الناعمة
* يفترض وجود ما يسمى مسطاح او طابان ويفترض ان يكون من نفس التربة الزلطية للطريق لتتوقف علية السيارات للراحة او عند حدوث عطل ولكن لا وجود لة على الطبيعة
* مطبات هواء على الطريق بعد الاسفلت وكأنهم لم يسمعوا عن ميزان القامة
* طوب متساقط من السيارات ( طوب احمر او بلوكات بيضاء ) فى اى مكان
* احجار كبيرة تستخدم ( لتحجير ) السيارات الكبيرة عند تغير الكاوتش وتترك كما هى
* الموضوع طويل