رحت الاستفتاء اليوم يا تري صوت بنعم ام لا
 

يا تري كل ال راح اللاستفتاء النهاردة
هل صوت بنعم
أم لا
للتعديلات الدستورية

رد: رحت الاستفتاء اليوم يا تري صوت بنعم ام لا
 

يسرنى ان اكون اول واحد يرد
لسة راجع من خمس دقايق وصوت بنعم ليس لموافقتى بالتعديلات ولكن للصالح العام
بس لفت نظرى حاجة غريبة اوى
اولا نسبة السيدات كتيرة
ثانيا جميع فئات الشعب راحت الاستفتاء مثلا ميكانيكية وعمال عادية وسواقين لوادر انا اعرفهم جيدا
وطبعا الامر ما سلمش من الشخصية الكريكاتيرية المعروفة لينا كلنا الى بيفرض نفسة ينظم صفوف الناس والحاجت دى وبعد ما كنا واقفين طابور بمنتهى النظام والتحضر والله شفتها بنفسي واحد بيمسح الفسفور من صباعة على حيطة المدرسة واحد تانى نهرة عن ذلك الفعل وقالة عاوزين نحافظ على المكان
وبدا الشخصية الكريكاتيرية دى تلم البطايق وتندة اكننا بالظبط فى المرور او اى مصلحة حكومية والناس بدات تقف بزحمة امام الباب والدنيا اتلخبطت خالص

رد: رحت الاستفتاء اليوم يا تري صوت بنعم ام لا
 

انا لسة راجع من ربع ساعة
وصوت بنعم
وكانت الجان زحمة بس منظمة جدا البركة فى الشباب كانو منظمين المكان
وكان فى اقبال من السيدات بشكل ملحوظ
وناس كتير جدا

رد: رحت الاستفتاء اليوم يا تري صوت بنعم ام لا
 

انا لسه راجع من اكتر من ساعتين وصوت ب لا لاني لاقيت الحزب الواطي بيوزع منشورات تقول نقول نعم وهما نفسهم ان النتيجة تكون نعم وطبعا لاني عنيد فعندت مع نفسي وصوت بلا لالالالا لاني نفسي اسم الحزب الواطي ده يتمسح من التاريخ والي مزبلة التاريخ

العملية منظمة جدا عدد الرجال يفوق عدد السيدات بالضعف تقريبا بس كانت زحمة يعني الطابور كان خارج بره المدرسة من الزحمة

والله الموفق

رد: رحت الاستفتاء اليوم يا تري صوت بنعم ام لا
 

انا لسة مروحتش الساعة دلوقتى 12.30 بس فيه جزء من الشركة راح وانا مع المجموعة التانية الجميل ان صاحب الشركة هو الاكد علينا اننا نروح ومرضاش يدخنا ضمن الاجازات عشان عندنا شغل كتير
لكن اول لما ارجع حقولكم ايه الاخبار فى برج العرب فى الاسكندرية

وانا حقول نعم ان شاء الله تعالى

رد: رحت الاستفتاء اليوم يا تري صوت بنعم ام لا
 

هقول لا

لأقتناعى بها أكثر من نعم

_____________

ومش مهم النتيجه تطلع إيه

المهم

أعمل ما أنا مقتنع به

رد: رحت الاستفتاء اليوم يا تري صوت بنعم ام لا
 

لسه جاي من شوية..

وقولت "لا"

والحمد لله المنظر كان روعة والناس كتيييييييييييير