عايز اخد رأيكم و ياريت ماتبخلوش عليا
 

السلام عليكم
اولا شكرا لاهتمامكم برسالتي
ثانيا هخش في الموضوع علطول عشان ما اطولش عليكم
انا مسافر برة و ان شاء الله هنزل عالعيد الصغير او الكبير
و ناوي اشتري اوبترا و اول حاجة محتار مانيوال ولا اتوماتيك عشان بيقولوا الاتوماتيك مشاكله كتير و كمان بيسحب بنزين اكتر
الحاجة التانية اللون .. انا عاجبني الاسود اوي و الكل بيقولي الابيض هيريحك بعد كده في الخدوش و بعد كام سنة هعرف الفرق
الحاجة الثالثة محدش عنده علم هي هترخص او هتغلى من هنا لغاية العيد الكبير عشان لو هتغلى اشتريها من دالوقتي اريح
الحاجة الرابعه هي كل تابلوهات الاوبترا جزئين اسود و لا رمادي و لا فيه تابلوه كله اسود
الحاجة الخامسة . موضوع الكمبيوتر ده ,, انا كان عندي عربية رينو في مصر و قرفتني جدااا بسبب موضوع الكمبيوتر ده و البعض خوفني من كمبيوتر الاوبترا
الحاجة الاخيرة و اسف للاطالة و هي كاسيت الاوبترا هل هو سي دي بس اوديو ولا ام بي ثري ؟؟ و هل ممكن اشغل فلاش ميموري عليه ام بي ثري و لا لأ ؟؟

بجد بعتذر اني طولت عليكم بس بجد محتاج رأيكم و ماخاب من استشار

رد: عايز اخد رأيكم و ياريت ماتبخلوش عليا
 

إنتظر لحين عودتك بالسلامه

ومن هنا للعيد

تكون أمور كتير أتغيرت بإذن الله

بالنسبه للفنيات

لما تشترى زيرو .............هات المانيوال أو الأتوماتيك ( حسب ميولك )

ولو هتشترى مستعمل ..........هات المانيوال ( فهذا أفضل )

وبالنسبه للون ................يفضل الفواتح

وبالنسبه لمشاكل الكمبيوتر ....لاتقلق

رد: عايز اخد رأيكم و ياريت ماتبخلوش عليا
 

شكرا اوي يا سمير على اهتمامك و ردك
بس حضرتك مفدتنيش في موضوع الكاسيت و السعر
و لو انت مكاني هتجيب الاسود ة ولا الابيض ؟؟

رد: عايز اخد رأيكم و ياريت ماتبخلوش عليا
 

ياباشا

أما تجيب العربيه يبقى يحلها الحلال

موضوع الكاسيت ده أمره بسيط

أبقى هات إللى نفسك فيه

والسعر

وارد جدا بعد أستقرار الأمور

تجد أسعارا أفضل من الحاليه

لو أنا مكانك

يبقى لاده ...ولا ده

فى السيارات

خليك دايما ماشى مع اللون الوسط

لاغامق أوى .....ولا فاتح أوى

رد: عايز اخد رأيكم و ياريت ماتبخلوش عليا
 

شكرا يا بشمهندس و هصبر لغاية قبل العيد كده و اشوف الاسعار
اما بالنسبة للكاسيت فانا قصدي لو الكاسيت مش كويس او مفهوش اوبشن كتير ممك اجيب كاسيت من هنا و انا نازل مصر بتاع ابيكا مثلا او ابترا خليجي
دي وجهة نظري بس خصوصا ان انا بسافر كتير و لازم بحط فلاش ميموري او Ipod
هنا في شغلي

بعتذر للاطالة و شكرا بجد لاهتمامك دايما يا بشمهندس سمير

رد: عايز اخد رأيكم و ياريت ماتبخلوش عليا
 

باشا اتكل على الله وهات الابترا اتوماتيك طبعا خلاص زمن المنول خلص يا باشا قولي ليه اقولك ببساطة مشوار زي من اكتوبر لمصر الجديدة هقتف في الزحمة ساعة هتقعد كل شوية تدوس دبرياش لاء طبعا مصر بقت زحمة والاتوماتك اختير صح ومنحيث السحب عربية جميلة جدا في السحب وفتيسها حلو اخويا على طول بيحرق على العربية على التاني وعاملة معاه دلوقتي 80 الف بس بيعمل صيانة في التوكيل اول باول والون النبيتي واكل اوي ع العربية ماشاء الله اتكل على الله والف مبرررررروك مقدما

رد: عايز اخد رأيكم و ياريت ماتبخلوش عليا
 

شكرا كتير لردك و اهتمامك
بس معلش لو ينفع تقولنا الفروق الي نازلة في 2011 بالظبط ايه ؟؟
و هل الكمبيوتر بيعمل اي مشكلة في عربية اخوك
خصوصا ان كان معايا عربية و الكمبيوتر خنقني جدااااا ,, كانت رينو و كل حاجة لازم التوكيل و الكمبيوتر و كشف الاعطال