|
جلب المقصات واختلال الزوايا
السلام عليكم ورحمه الله......
قمت بتغير جلب المقصات فى نوبيرا 2 ونوع الجلب كورى المناسبه للسياره و بعد ذلك ذهبت لظبط الزوايا فقال لى الفنى الجلب دى بايظه روح اعمل جلب عموله او بتاعت ال 131 فيات وتعالى تانى لأن قطع الغيار مضروبه .....ولم اقم بظبط الزوايا مع العلم ان العجل الاماى فاتح ناحيه اليمين.... فما علاقه الجلب بظبط الزوايا مع العلم انى ظبط زوايا قبل ذلك عل جلب قديمه عندما غيرت الكاوتش.... وشكرا اهل الخبره |
رد: جلب المقصات واختلال الزوايا
عربيتي نوبيرا 2008 لسنة شاريها من ايام والحمد لله وفيها نفس المشلكة بتعوم بعد سرعة 100كم روحت لميكانيكي قالي انها عايزة مقصات خلفية جديدة وروحت لواحد تاني قالي انها تحتاج فقط لتغيير جلب المقصات وما اعرفش اعمل ايه
|
رد: جلب المقصات واختلال الزوايا
جلب المقصات فعلا لها علاقه بعومان العربيه علاوه علي الصوت البشع
حاول تروح لعفشجي فاهم يحل لك المشكله |
رد: جلب المقصات واختلال الزوايا
تكملة لكلام أ حازم بعض الصنايعية بيركبوا جلب المقص بالدق عليها وده مش صحيح لانه بيأدي لتلفها من الطرق العنيف عليها والاصح ان المقصات بتروح للخراط ينطر الجلب القديمة وتتكبس الجلب الجديدة علي المكبس ويستحسن انك تروح لواحد بتاع زوابا تاني وتقوله لو سمحت بصلي علي جلب المقصات لو قالك كويسة يبقي تظبط زوايا علي الوضع ده وتجرب لو قاللك وحشة يبقي تجيب جلب تانية وتقول للعفشجي او الميكانيكي انه يكبسلك الجلب الجديدة علي المكبس عند الخراط حتي لا تتلف كسابقتها
|
رد: جلب المقصات واختلال الزوايا
جديده حكايه الجلب في المخرطه دي يا طارق باشا
انا بقالي كتير جدا ما غيرتش جلب و العربيه عندي ضايعه(بقالها 12 سنه بالجلب بتاعها) حروح بكره ان شاء الله و اركب جلب جديده و اعمل زي ما انت بتقول |
رد: جلب المقصات واختلال الزوايا
هاتلك جوز مقصات أسبانى
أو جوز أستيراد نضاف وركبهم وظبط زواياك وبلاش منها قصة الجلب الغير مجديه وخصوصا لعدم توافر المهاره الازمه لشحط جلب جديده مكان الجلب التالفه القديمه |
رد: جلب المقصات واختلال الزوايا
متشكر يا جماعه ....رحت لعفشجى زى ما قال أ/ طارق فقالى الجلب دى فعلا بايظه فقلت له غيرها وامرنا لله...
لما فك الجلب وشفتها فعلا مقطوعه فقلتله انا لسه مركبهم من يومين معقوله لحقكم يتلفو... فقال لى دايما بتقابلنى المشكه دى فى النوبيرا لآن قطع الغيار مضروبه وطبعا بتأثر فى ظبط الزوايا ..ع العموم قدامك حل اما اجلبك جلب الهوندا ونخرطها او جلب عموله احنا بنصنعها مخصوص للنوبيرا بنفس المقاس طالما مقصاتك سليمه قلت له ركب العموله ويادوب نص ساعه وكانت اتحلت وركبت وكبسهم فى المخرطه والعجلتين اتظبطو اى راحت الفتحه الى فيهوم .... وبعدين ظبط الزوايا تانى. نصيحه ...العفشجى عفشجى .... والميكانيكى ميكانيكى ...كل واحد له شغلته...ماعنتش حاعمل شغل عفشه عند ميكانيكى تاااااااانى..... وشكرا |
| الساعة الآن 07:37 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017