|
العربية كانت هتولع
1 مرفق
السلام عليكم
أنا لسه جديدة فى السواقة وأبيض فى الميكانيكا معرفش فيها حاجة وأنا رايحة الشغل النهارده العربية سخنت والموتور دخن خدت يمين ووقفت ومش عارفة المشكلة أيه أستنيت شوية لما بردت وقست الزيت لاقيته ناقص شويه زودته ووصلت الشغل وأنا راجعة عند نفس المكان لاقتها سخت ركنت وكشفت على مية الرداتير لاقيتها ناشفة زودت ميه لكن لاقيت الخرطوم اللى فى الصورة مقطوع وبيطرطش ميه الخرطوم ده اسمه أيه علشان أغيره ويترى ده هيكون سبب مشكلة فى العربية ولا لأ كتبتلكم على الخرطوم مقطوع علشان مش عارفه اسمه وشكرا لكم بليز الرد بسرعه |
رد: العربية كانت هتولع
نعم غالبا هو السبب
انقطاعه ادى لخروج الماء الساخن >>> دخان وادى لسخونة المحرك يجب التوقف فورا واستبداله عشان تحمى المحرك من التلف . |
رد: العربية كانت هتولع
اقتباس:
|
رد: العربية كانت هتولع
الحمد لله قدر الله وما شاء فعل
انا بصراحة معرفش اسمة ايه بس حضرتك ممكن تروحي لبتاع قطع الغيار اما انك تفكي الخرطوم وتطلبي واحد زيه او انك تقولي لبتاع قطع الغيار عاوزه خرطوم المياه ال خارج من الردياتير بتاع عربية نوعها كذا |
رد: العربية كانت هتولع
اقتباس:
|
رد: العربية كانت هتولع
اهم من اسم الخرطوم نوع العربيه وكل اللي عليك حتروحي لواحد بيبيع قطع غيار النوع بتاعك وتقوليه عايزه خرطوم الريداتير اللي فوق والنوع ده بيبقي ستاندرد يعني مقاس واحد بس يلزمك ميكانيكي عشان التغيير ولو القطع مش كبير ومشوارك مش بعيد ممكن تلزقيه بشريط عريض وتزودي مية لغاية متوصلي لاقرب مكان تعرفي فية حد يساعدك بس خلي بالك من حرارة الماتور طول ما انت ماشية
|
رد: العربية كانت هتولع
على فكرة عادى جدا انا معايا رخصة من حوالى 11 سنة
ولسة جايب عربية من حوالى 4 شهور نفس الموضوع حصل معايا بس مروحة الريداتير هى الوقفت وكنت فى الصحراوى والحمد لله روحت للكهربائى وطلع العيب فى الفيوز بتاع المروحة بس انا قعت معاه وهو بيعمل كل خطوة وعملتها معايا تانى اتارى الباشمهندس الكهربائى حطلى فيوز اقل وطبعا سخن واتحرق فالمروحة عطلت تانى والعربية سخنت تانى وعشان كنت جانبة اول مرة عملت الهو كان بيعملوا بالظبط لحد لما توصلت للفيوز وغيرتة بواحد اعلى . انا عارف ان الانا قولته دا ملوش دعوة بالانتى عايزاه خالص الهو اسم الخرطوم ايه ولكن انا بقولك كدة عشان متتسهليش انك تعرفى اسمه ايه وبيتجاب منين وازاى تركبية لو ممكن عشان لو عملتها تانى فى حتة مقطوعة يكون معاكى واحد تانى اسبير وتعرفى تركبية . ومعلش على الاطالة |
| الساعة الآن 10:42 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017