تفاصيل الفوج لايت بتاع النيو اكسنت من توكيل الغراب
 

السلام على من اتبع الهدى
رجالتنا
شعب مصر موترز
طبعا انا من اكثر المتحفزين ضد توكيلي للاسف غبور ما علينا
انهردة كلمت البشوات بتوع قطع الغيار رد عليا واحد مستفز بس خد على قفاه طبعا
تفاصيل الفوج لايت بقى يارجالة بعد مافهمتو بالعافية لانو فالح بس يقولي ازاي العربية مسروقة وازاي انت الي البشنز الي معاك مش كامل وقعد يفتي وهو لايفقه شيء
عموما
فوج لايت بي 347 الواحد يعني نضربو في اتنين يبقى بي 694
+ شابكة علشان لازم هي كمان تتغير تخيلو حاجة زي الفل بي 295
+ مفتاح شبورة الي بيركب جنب السواق الشمال تحت الدركسيون اتجاه الشمال عامل زي الدائرة كده بي 106
احسب بقى يا عم مطر يطلع بكام
694
295
106
ـــــــــ
1095
هل بقي في ضريبة مبيعات ولا لسه مش متاكد
بالنسبة للتركيب بتاع الصيانة الي نحجز عندو قالي اه يركبهالك في مركز الخدمة
كنت سمعت من احد الاعضاء الكرام انو قالو تركيب في التوكيل لاء فاصريت اني اخد رقم الصيانة الداخلي البشوات مردوش بس وراهم وراهم ولو مبيركبوش هيبقو عملو معايا الي نفسي فيه فرصة علشان انتقم هههههههه انا حبيت اقولك لك الاكسنتوية ع الموضوع ده وطبعا الاطلاع للجميع
وشكرا

رد: تفاصيل الفوج لايت بتاع النيو اكسنت من توكيل الغراب
 

على فكره انا سألت قبل كده مهندس فى التوكيل و قاللى انهم مش بيركبوا عندهم حتى لو مشترى كل الحاجه من عندهم (ايتامكو). والموقف ده حصل فعلا مع عميل و اضطر يرجع الفوجات لايتامكو تانى، الكلام ده كان فى يناير 2011

رد: تفاصيل الفوج لايت بتاع النيو اكسنت من توكيل الغراب
 

أنا جوز اختى معاه نيو اكسنت 2011 و سألنا فى التوكيل اللى جايبين منة العربية فى المنصورة و قالنا ان فوانيس الشبورة سعرها 450 شاملة الفانوسين + التركيب + الشبكة + المفتاح

رد: تفاصيل الفوج لايت بتاع النيو اكسنت من توكيل الغراب
 

سالت التوكيل بتاع العربية هو غبور تمام لو تقصد المعرض يا ريت توضح يا باشا علشان كده الموضوع هيبقى كبير اوي اوي

رد: تفاصيل الفوج لايت بتاع النيو اكسنت من توكيل الغراب
 

عرفة باشا انا ناوي على نمرة اساسا لو حصل اي كلام في موضوع التركيب بس انا مزبط نفسي على اول الشهر يعني ولما نشوف بقى انا ولا غبور فعلا عيب العربية الوحيد غبور زفت

رد: تفاصيل الفوج لايت بتاع النيو اكسنت من توكيل الغراب
 

علفكره والله التوكيل ده نصاب انا ركبتهم عندى وماتكلفوش اكتر من 120 جنيه .. فكيت الاكصدام وشيلت الشبكه قطعت على قد الفنوس وركبتهم عادى والله طلعت احسن من الشبكه كمان وطقم كتاوت وشغلتهم على النور الصغير بس كده وام التوكيل بقي عشان انا اتخنقت بجد منوو

رد: تفاصيل الفوج لايت بتاع النيو اكسنت من توكيل الغراب
 

ما شاء الله
شكل العربية جامدة جدا
بعد أذنك الجنوط دى كام؟
ولو ركبت 17 بتحتاج تعدييل فى العفشة ولا لأ؟