عايز اظبط الفرامل
 

كنت عايز اغير طقم تيل الفرامل الامامى والخلفى وممكن بالطنابير كمان ، وعايز اجيب حاجة كويسة يعنى يا اما الاصلى يا اما حاجة من ماركة تانية متوافقة مع فرامل عربيتى بس ممكن تدى اداء احسن لأن اللى فى السوق عامل بتاع 45 جنيه وما بيعمرش اكتر من ثلاثة شهور فايه اقتراحتكم بهذا الشأن ؟ العربية كيا برايد

رد: عايز اظبط الفرامل
 

خير اللهم اجعله خير ماكنش العشم يا شباب عدم الرد المدة دى كلها

رد: عايز اظبط الفرامل
 

السلام عليكم
الاصلى غالى هات تيل نوع ترنتى مجربة فى مازدا 323 يعنى نفس اللى عندك
والطنابير والله الصينى حلوة مش وحشة
وتاكل التيل عندك ممكن يكون لية سبب فنى انما النوع دة بيعيش كتير ...يعنى ممكن عندك جهاز الفرامل ما بيرضش بالقدر الكافى فابيكون محمل باستمرار

رد: عايز اظبط الفرامل
 

وعليكم السلام ورحمة الله

هو الاصلى ممكن يعمل فى حدود كام ؟
والنوع الترنتى ده بيتجاب منين ويعمل كام ؟
بالنسبة للتيل أنا كنت جيبت الامامى من حوالى 7 شهور ب 40 جنيه اما الخلفى فانا ماغيرتوش من ساعة ما جيبت العربية لأن الميكانيكى فك حاجة شبه الهلال ووداها لمخرطة يعملوها ودفعت ساعتها 60 جنيه والفرامل اتحسنت جدا ساعتها بس أنا مش عارف اللى فكه ده التيل ولا ايه بالظبط ؟ وهل قصة المخرطة دى احسن من التيل اللى بيتباع فى السوق ولا لأ ؟
معلش إذا كنت بسأل بس أنا حابب افهم الموضوع علشان الفرامل مسألة مهمة ومش عايز استخسر فيها .

رد: عايز اظبط الفرامل
 

يا شباب الله يصلح حالكم يعنى هو أنا لازم افكركم بالموضوع كل يومين علشان حد يرد على الموضوع

رد: عايز اظبط الفرامل
 

السلام عليكم ورحمة الله
اسف للتاخير
الاصلى معرفش سعرة وبيتجاب من عند مثلا الشرقاوى فى جسر السويس
الترنتى بيتجاب من اى حد قطع غيار زبيعمل 35 جنية
واللى وداة للمخرطة فعلا تيل الفرامل الخلفى بس اتملى واعتقد انة ملاة بنوع تركى
ومن وجهه نظرى ان الملو دة حاجة سيئة وكمان مش بتستفاد بسمك التيل كولة نظرا لوجود برشام التثبيت والافضل من الحل دة شراء تيل فرامل خلفى وعلى فكرة فى نفس السعر يعنى حوالى 60 او 65 جنية وتقبل مرورى