هل حقيقى ان الفيرنا بتاكل بنزين وهى جديده
 

الاخوه الافاضل
بعد التحية
انا لسه شارى فيرنا مكملتش 500 كم
فول اوبشن مانوال
اول مطلعت بيها من غبور ابو رواش فولتها من البنزينه اللى ع الشارع هناك وبقت فول تانك
مشيت 160 كم ولاقيت المؤشر بتاع البزين نزل عن العلامه اللى فى النص بالظبط
دخلت افول تانى فى بنزينه شل فولت عشرين لتر بالظبط فعرفت من كده معلومتين
الاولى انها لما بتوصل للعلامه اللى فى النص بتبقى خلصت عشرين لتر
والتانيه ان العشرين لتر مشونى 160 كم
كلمت واحد اعرفه شغال مبيعات فى غبور قالى ان فى اول 2000 كم بتاكل بنزين شويه بعد كده هتبقى تمام
ونصحنى ان مخليش عداد ال ار بى ام ميعديش 2.5 عشان الكامه التانيه بتفتح بعد ال 2.5 وبالتالى استهلاك البنزين هيزيد وعشان كده السرعات العاليه مستهلكه للبنزين
وسؤالى للاخوه الافاضل اللى عندهم فيرنا ومجربنها ها تقييمكم للكلام ده كله
بمعنى هل الفيرنا الجديده بتاكل بنزين شويه فى الاول ؟ وهل حد حصل معاه كده فعلا ؟
هل معلومة ال ارب ى ام دى صحيحه ؟ وهل حد بيمشى بيها ؟ ولا بتعمولا ايه ؟
وشكرا

ملحوظة : ارجوا ان الناس اللى معندهاش فيرنا او مجربتش متقولش نصيحه او راى بدون تجربه وده لانى لاحظت ان هنا فى ناس فى المنتدى بتدى اراء ونصائد دون خلفيه مسبقه عندهم

رد: هل حقيقى ان الفيرنا بتاكل بنزين وهى جديده
 

كان عندي فيرنا الله يرحمها كانت موديل 2009 و هي لسه جديده كانت بتاكل بنزين اكتر من كده بكتير عشان كنت بحرق علي الغيارات و كنت هاريها جري فالوضع الحالي عند حضرتك طبيعي

رد: هل حقيقى ان الفيرنا بتاكل بنزين وهى جديده
 

ايوه انا زيك بالظبط بتاكل بنزين هى عامله 1500 كم

اما حكايه ال RBM مش عارف بس انا بنقل ع 3

رد: هل حقيقى ان الفيرنا بتاكل بنزين وهى جديده
 

- انا جربت اولا ً الاكسنت من 2001 حتى 2009
- والفيرنا من 2008 حتى الان ( 1600 مانيوال )
- والانسر 1600 اتوماتيك من 11 / 2009 حتى الان
وعن تجربة :-
- توجد مواضيع كثيرة بالمنتدى وكثير وانا منهم قال رأية وتجاربة مع استهلاك البنزين ممكن حضرتك تبحث عنها وتشوفها لان فيها معلومات مفيدة كثيرا ً
- مفروض وحضرتك بتلين فى اول الف كم سرعتك من 60 الى 70 كم / س
- والسرعة المثلى لحساب استهلاك البنزين من 90 الى 100 كم / س على طرق مفتوحة
- اكثر من كدة او اقل فالحسابات غير دقيقة
- وتتوقف داخل المدينة على اشياء كثيرة منها توقفك فى الاشارات و الضغط على الفرامل كثيرا ً .........
- عموما ً الاستهلاك الطبيعى ( ودة تحسبة بعد التلين ) متوسط الصفيحة ( 20 لتر ) فى حدود 300 كم على طريق مفتوح وبالسرعة المذكورة
- اما داخل المدينة كما ذكرت يتوقف على اشياء كثيرة وممكن تلاقى متوسط الاستهلاك للصفيحة من 160 كم الى 180 كم حتى بعد التليين

رد: هل حقيقى ان الفيرنا بتاكل بنزين وهى جديده
 

دة طبيعى ومش الفيرنا بس ده حال كثير من السيارات ودة امر طبيعى لكن مش بالشكل الكبير ودة لية علاقة كبيرة بسلوك انت كسائق او قائد للسيارة سواء اكانت فيرنا او غيرها لانها وهى جديدة انت طريقة تعاملك وقيادتك للسيارة بتكون مختلفة نوعا ما وشكرا

رد: هل حقيقى ان الفيرنا بتاكل بنزين وهى جديده
 

متقلقش يا زعيم الفيرنا في بداية تلينها بتاكل بنزين شوية وانا عن نفسي عملت بيها 315 كيلو بمعدل 15 لتر بسرعة 90 كيلو في الساعه لا بزيد ولا بقل في السرعه

لكن بعمل بيها 20 لتر في ال 200 كيلو بسرعة تتراوح ما بين 150 كيلو الي 170 كيلو


وفعلا بعد ما الار بي ام ما يعلي عن ال 2.5 الكامه التانية بتبتدي تفتح معاك علشان السرعه وبتاكل معاك بنزين اكتر

رد: هل حقيقى ان الفيرنا بتاكل بنزين وهى جديده
 

بص يا باشا انا معايا فيرنا 2006 بس للأسف انا شاريها مستعملة يعنى مش هقدر افيدك قوى فى حتة الاستهلاك عند الزيرو مع انى سمعت الكلام بتاع انها بتاكل بنزين فعلا فى اول الفين او 3 الاف كيلو.

لكن اللى اقدر افيدك فيه هو اللى بيحصل معايا وهو انها فى المشاوير الدوغرى ممكن تعمل لغاية 400 كيلو والله مش مبالغة وهقولك ليه لانى ببساطة انا من طنطا وروحت بيها مطار برج العرب ورجعت وكنت حاططلها صفيحة بنزين يعنى 20لتر وانا عربيتى 1500 سى سى ف كده بيتهيألى انها ما بتاكلش بنزين مع الرغم انى كنت سايق ما بنزلش عن ال110 / 120 ,

اما عن جوه البلد زى ما باقى الاعضاء تكرموا بالذكر ان الموضوع بيختلف من مكان لمكان ومن رجل لرجل.

يا رب اكون افدتك وتقبل خالص تحياتى.GIFT4U