متى ستسقر احوال البلاد
 

الأخوه الاعضاء
السلام عليكم ورحمة الله وبركاته

بعض المواضيع أريد ان نتشارك بالرأى فيها

1- لماذا كل الامور ماشيه ببطء وما فائدة الـ 6 أشهر التى يريدها الجيش ( مع كامل الاحترام للجيش حامى الثوره ) لانتخاب رئيس الجمهوريه
ولماذا لا يتم الاستفتاء على الدستور سريعا طالما تم الانتهاء منه ومن ثم ترشيح رئيس للبلاد


2- متى ستستقر البلاد ويعود كل المواطنين الى اعمالهم من اجل بناء البلد ، هل بعد انتخاب رئيس جديد.

3- ما رأيكم فى منع المواطنين من التظاهر من اجل بناء البلد


4- الشرطه لم تنزل الى مواقع عملها وهم لهم وجهة نظر وهى ان مثلا لو ضابط شرطه لقى بلطجى فى الشارع وحب يتعامل معاه ، ففى الوقت الحالى من الممكن ان يكون رد فعل عامة الناس ( الا من رحم ربى ) الفتك بالضابط. طيب متى سيعود الامن والامان الى الشارع المصرى

5- ما رأيكم فى تعامل ضباط الشرطه فى المرحله القادمه مع المجرمين فكثيرا ما نسمع انه تم القاء القبض على مسجل خطر هارب من 90 حكم ( طيب سايبنه ليه ) طيب دلوقتى لما يقبضوا عليه هل سيتم التعامل معه واعطائه حقوقه.

ما اريد ان اقوله اننى مع الاهداف النبيله للثوره ولكن اتركوا فرصه للقيادات الجديده ان تجعل البلد تقوم مره اخرى وذلك بالعمل وان نترك المظاهرات الفئويه جانبا فلا احد يرضى بما يقوم به البلطجيه من قتل اناس ليس لهم ذنب وكثرة حوادث السرقه

رد: متى ستسقر احوال البلاد
 

رد: متى ستسقر احوال البلاد
 

وانا معك في ما تقوله
اما عن المظاهرات الفئوية فعلى حد ما سمعت من البعض انها فرصة لن تتكرر وانهم يستغلون الثورة في الوصول لما فشلو في تحقيقة من قبل

رد: متى ستسقر احوال البلاد
 

رد: متى ستسقر احوال البلاد
 

مش حتستقر في الوقت الحالي
طول ما الجيش في خدمه القله الموجود في ميدان التحرير و بينفذ لهم مطالبهم
و البورصه مش حتفتح
و اسم مصر حينشطب من البورصه العالميه
دي نظره حقيقيه للصوره الراهنه مش نظره تشاؤميه ولا حاجه

رد: متى ستسقر احوال البلاد
 

القلة إلا موجودة في ميدان التحرير بيعبروا عن الكثرة إلا واقفة وراهم قلبا وقالبا، إزاي يبقوا قلة، وهم لما بيدعو لمظاهرة بيخرج فيها ملايين؟؟؟؟؟؟؟؟؟؟؟؟؟؟؟؟؟؟؟
كلام حضرتك يوحي إن السبب الرئيسي في الاضطراب الحاصل في البلد هو الثوار، وكلام حضرتك على كل حال واجب احترامه، لكني أود التنبيه أنه من الظلم أن ننسب الفوضى لثوار التحرير إلا معتصمين في جزء من الميدان وإلا ما بينظموش أي مظاهرة إلا يوم الإجازة، وإلا ما لهمش أي دخل من قريب أو بعيد في المظاهرات الفئوية أو البلطجية أو أي أمر معطل الحياة الاقتصادية في البلد؛ لأن هذه الأمور تفشل ثورتهم ولا تنفعها، أما المستفيد من الفئويات وأعمال البلطجة والاضرابات فهم أعضاء النظام البائد إلا عايزين الفوضى تعم البلد عشان يقدروا يعتموا على ملفات الفساد أو يهربوا من البلد، أو يخربوا الثورة ويعودوا تاني لحكم البلد في ثوب جديد، وده الأخطر.
أرجو أن نضع أيدينا في أيدي بعض، ونحمي بلادنا. من منطلق أن هذه الثورة فعلا جاءت في مصلحة البلد وتطهيرها من هذا النظام الفاسد.
لا يوجد أسوأ مما كنا فيه، والحمد لله عدينا بأقل الخسائر، وخلصنا من نظام كان أسوأ من الاحتلال حسب وصف كثير من المحللين، فالاحتلال الإنجليزي لم يسرق مصر كما سرقها هذا النظام.
قال تعالى: وتعاونوا على البر والتقوى ولا تعاونوا على الإثم والعدوان.
بدل ما إحنا قاعدين في بيوتنا نثير التساؤلات، ننزل نشوف بلدنا محتاجة إيه ونعمله:
1- محتاجة لجان شعبية تاني عشان نحميها من البلطجية، مفيش مشكلة، نستأذن الجيش ونعمل.
2- محتاجة نتبرع عشان البورصة تقوم على رجليها، مفيش مشكلة نتبرع.
3- محتاجة ننزل ننظف ونجمل، مفيش مشكلة، ننزل.
خلينا إيجابيين ونحط إدينا في إيد إخواننا ونحاول نصلح، صدقني لو اتجهنا للفعل، هنبطل نسأل.
وشكرا ليك.

رد: متى ستسقر احوال البلاد