العربيه عزمها بيقل لما بتسخن ؟؟؟؟
 

بأحس أن عزم الموتور شديد فى الصبح لما ابتدى اتحرك بالعربيه قبل ما تسخن
بعد ما تسخن باحس ان العزم قل


يعنى لما اضغط بنزين قبل ما تسخن : احس ان العربيه ها تطير طير من على الارض
وهى سخنه : الاستجابه بتبقى بطيئه

دا ممكن ايه سببه ؟

العربية فتيس هيدروماتيك وبأستخدم بنزين 80
ومغيره زيت وفلتر زيت من شهرين وعامله فى الشهرين اقل من 2000 كم
الزيت المستخدم ....l HELIX HX5 15W-50 والفلتر Hengest وكمان غيرت زيت الفتيس Mobile ATF 320

http://www10.0zz0.com/2011/01/04/13/412163638.jpg

رد: العربيه عزمها بيقل لما بتسخن ؟؟؟؟
 

قد يكون ذلك

بداية تعب لملف الأشعال ( البوبينا )

___________________

أو مؤشر عن بداية قلق للفتيس

ومطلوب التأكيد على كون حرارة المكنه فى المعدل الطبيعى

نظرا لأرتباط حرارة المكنه بحرارة زيت الفتيس

رد: العربيه عزمها بيقل لما بتسخن ؟؟؟؟
 

الحراره فى معدلها الطبيعى
-----------

الفتيس هيدروماتيك -- تفرق ؟
-------------

مره من زمان حصلت معايا حاجه بس بعدها ما حسيتش باى فرق

كنت فى منزل كبرى .. والكبرى كان واقف

وفاجئة باضغط فرامل .. مفيش فرامل

كنت هادخل فى العربيه الى قدامى

عملت الفتيس على P عشان اوقف العربيه

وعشان منزل الكوبرى العربيه مشيت شويه وهى على P وعملت صوت غريب وبعدين وقفت

لكن بعدها ما حسيتش ان فى حاجه اختلفت فى اداء العربيه

ممكن يكون دا السبب وظهرت نتيجته متأخر ؟ ويتعالج ازاى ؟

شكرا

رد: العربيه عزمها بيقل لما بتسخن ؟؟؟؟
 

عاوز أعرف

أمتى بالضبط بتقل أستجابة السياره مع السخونه .....؟

فهل لو دورتى وأنتظرتى لسخونة المكنه

ولا

بعد المشى بالعربيه شويه وأستعمال الفرامل المتكرر مع الحركه بالسياره ....؟

جايز يكون فيه علاقه بين الفرامل وشكواكى الحاليه ...........؟

وهل تم تغيير زيت الفرامل وأخذ الهواء من دورة الفرامل

والتأكد الجيد من جودة الآداء الفرملى لدايرة الفرامل ...........؟

رد: العربيه عزمها بيقل لما بتسخن ؟؟؟؟
 

السلام عليكم ورحمة الله
اخى الكريم احتمال يكون عندك تيل محمل وبالغالب هايكون فى العجل الخلفى ومع المشى وسخونية العرية بيحصل تمدد وبيقفش على الطنابير وبالتالى سحب العربية بيقل
عاوز تتاكد اما تحس ان سحب العربية اقل انزل وقيس درجة حرارة الاربع فرد بس تمسك الجنط مش الكاوتش ودة هايكون بايدك طبعا ...لو حسيت ان درجة الحارة فى كل الفرد او بعض منها زيادة عن الطبيعى لازم تروح لبتاع فرامل كويس يهوى على التيل شوية

رد: العربيه عزمها بيقل لما بتسخن ؟؟؟؟
 

بتقل استجابة العربيه مع السخونه بعد ما امشى بيها حوالى 20 دقيقه او 30 دقيقة
باضغط بنزين .. التسارع بيكون بطى (وانا ماشيه على 60 كم مثلاً)

----------------------------

لما باسخن العربيه عادى الصبح - واتحرك بيها بعد ما تسخن بيكون العزم كويس
لكن بعد ما بامشى بيها فتره - اشعر ان العزم والاستجابه لدواسة البنزين بيقلوا

----------------------------

فى معلومه نسيتها فى الموضوع ... لما ضغط فرامل وما لقيتش فرامل وانا على الكبرى .. فى الاول العربيه طفت منى - وبعد ما طفت الفرامل بقيت متحجره - يعنى ادوس - الدواسه اساساً مش عايزه تتداس عليها - ذى ما يكون تحتها حجر - ولما شديت فرامل اليد - ولا عملت حاجه - واول ما شغلت العربيه - الفرامل رجعت يداس عليها وتفرمل تانى - ولما بتكون العربيه شغاله الفرامل بتكون شغاله كويس - ولما باضغط على الفرامل جامد وانا ماشيه - العجل مش بيلف - وبيحصل صوت الفرامل المعروف الناتج عن الاحتكاك بالاسفلت - الاربع عجلات بيثبتو

اخر مره غيرت زيت الفرامل كان من شهرين - بالظبط فى 1 يناير 2011
فرغ العلبه الى فيها الزيت - وحط زيت جديد Lockhead dot3

ما فكش العجل ولا سحب منه الزيت - وقالى الزيت ها يتوزع على كل العجل

بعدها فعلاً حسيت ان دواسة الفرامل بقت اخف واحسن لما اضغط عليها - والعربيه بتقف تماماً
عشان قبل ما اغرير زيت الفرامل - كانت دواسه الفرامل تقيله شويا - لكن العربيه كانت بتقف برضو

بعد كدا فى واحد قالى ان الزيت dot4 أحسن للفرامل
فاشتريت زيت اسمه HBF4 فرنساوى - بس لسه ما غريرتوش
http://www10.0zz0.com/2011/01/04/13/704826236.jpg

----------------------------

حاضر ان شاء الله بكره اشوف حرارة كل جنط واشوف اذا كان فيهم واحد بيسخن زياده


شكرا جدا لاهتمامكم

رد: العربيه عزمها بيقل لما بتسخن ؟؟؟؟
 

من غير مايفك العجل

المفروض كان ياخد الهواء من دورة الفرامل

وأعتقد

المفروض تجربى تستنزفى الهواء أولا من كل خطوط الفرامل ( من عند الأربع فرد )

وتجربى العربيه

لأن

المشكله فى الهواء المحجوز حاليا جوه مواسير دورة الفرامل

___________________

فلو

تم أستنزاف الهواء صح من الأربع فرد

قد تتلاشى كل ملاحظاتك

( من جهة نقصان السحب مع السخونه وإخفاق الآداء الفرملى أحيانا )

ولا تحتاجى حتى لتغيير زيت الفرامل

لأن النوع الحالى زى الفل

بس العيب فى الهواء ( المحجوز حاليا فى الخطوط )