|
اقتراااااح
بالبدايه احب اقولكم وحشتوني اوي بجد بعد غيبتي دي ولله الحمد رجعت من جديد منكرش اني اما دخلت المنتدي اتخضيت حبه من كم الموضوعات الي بقت في قسم 25 يناير وكم الزوار و الاعضاء الي عليه باستمرار وكم النقاشات الي وصلت الي حد مكنتش اتمني ابدا نوصل ليه مهما كانت الظروف نسينا اننا اصلنا منتدي متخصص للسيارات وبقي في اقسام مهمله تماما ومحدش بيدخلها و حصل في قصور شديده في المنتدي بقترح ان نحجم المشاركات شويه في القسم ده عشان كده في اقسام هتموت فعلا ونهتم حبه بقي بكل حاجه عشان نبني صح ومعلش اعزروني مكنش ينفع نخلط المشاعر في القواعد و الاصول لان في كام تعليق من ناس مسئوله هنا مكنش ينفع تحت اي ظرف عصبي او عنفوان كان يطلع لانهم مثل اعلي لينا انا بقدر و بحترم كل المجهود الي حصل وبدعي من قلبي للشهدا الي توفو و معاكو في شنق اي واحد مفتري بس الي بيحصل دلوقتي ملوش اي علاقه بالطريق الصح عماليين ننقل اخبار و سبنا دورنا الاصلي واخبار اساسا لا هتودي ولا هتجيب اتمني يتعمل بوستر حلو للشهدا و يتنسق كلام تحته بكل الاقسام و نلجم القسم ده ان شالله يكون الاشتراك فيه بيوم واحد في الاسبوع بس كده هنتحول لمنتدي سياسي بحت فلو عاجبكم كده يبقي غيرو الاسم بقي وتقبلو جميعا خالص تحياتي |
رد: اقتراااااح
اسمحلى ان اختلف مع حضرتك
فالمناقشة هامة جدا ً ومفيدة وليس كل المشاركين بالمنتدى عايشوا الاحداث ونقل تجارب وآراء الاعضاء وفتح باب النقاش مهم جدا |
رد: اقتراااااح
اقتباس:
خلاص نغير الاسم بتاعنا من مصر موتورز لاي اسم عامي وليس تخصصي للسيارات |
رد: اقتراااااح
احنا زى ما احنا
منتدى سيارات لكن الثوره حاجه طارئه حدثت وعاوزين نعرف الاخبار اول بأول والكلام دا مظبوط اسمحلى ان اختلف مع حضرتك فالمناقشة هامة جدا ً ومفيدة وليس كل المشاركين بالمنتدى عايشوا الاحداث ونقل تجارب وآراء الاعضاء وفتح باب النقاش مهم جدا ......................... ......................... .... |
رد: اقتراااااح
ابو الاسعاد باشا
بالنسبة لادارة المنتدي فهي عملت قسم تواكب بيه الاحداث واعتقد ده واجب عليها تجاه الثورة وتجاه اعضاء المنتدي والناس لشغفها بهذا الموضوع دخلت علشان تفهم وتتناقش واهتمامها بهذا الموضوع هو اللي زود دخول الناس للقسم ده وبعدين ده موضوع الساعة ومش موضوع كل ساعة علشان نغير نوع ومسمي المنتدي يا اما تفتح ابواب المنتدي لهذا الموضوع او تفقد كل هذا الحضور لصالح مواقع اخري وهذا لن يكون لصالح المنتدي كمنتدي ولا لصالح اعضاء المنتدي وبعدين لا تنسي ان سوق السيارات شبه متوقف حاليا ولابد ان تحافظ علي اعضائك وصلتهم ببعضهم وبالمنتدي كلها وجهات النظر علينا جميعا ان نتعلم ان نحترم كل وجهات النظر طالما لا تحجر علي وجهات النظر الاخري |
رد: اقتراااااح
مقصد رسالتي ان كل واحد يرجع لمركزه بقي و نشتغل من جديد شاغلين بالنا بحوارات و الله ملهاش لازمه الي يقولك مش عارف مين سافر و مين راح و مين جه الثوره عملت الي عليها و زياده والباقي دور الجيش و القضاء خلاص بقي نفضها سيره و نشوف مصالح البلد و مصالحنا هنستفاد اي في العطله دي غير خراب البيوت اكتر ما هي خربانه لازم نفوق و نرجع ننتج من تاني احنا كده بنموت نفسنا بايدينا كل مواقع النت مبتكتبش الا شائعات و كلام في الهوا لان اساسا محدش عارف الحقيقه فين ولا هيعرف طب لي بقي اللت و العجن ده الي لا بيودي ولا بيجيب ما نركز في الشغل و ازاي نبدا من جديد نشغل مخنا و نعرف ازاي نحط نفسنا علي الطريق الصح بس في الاول نحترم بعض و بلاش اهانات مهما كانت لمين الاحترام ثم الاحترام ثم الاحترام |
رد: اقتراااااح
انا متفق معاك يا ابو الاسعاد و كمان فاهم اصدق ايه لكن ماتيجى نبتدى بنفسنا :playing_music:
|
| الساعة الآن 10:27 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017