|
منتهى قمة البلطجة
انا على اخرى و لحد دلوقتى مش مصدق اللى حصل و ازاى فيه ناس بتبلطج و مبيرعيش الناس اللى معه على الطريق
اللى حصل ان انا ماشى فى امانة الله الاقى عربية غالبا دودج رام بتكسر عليا و يكمل و يطبق الرفرف انا فى امان الله داخل من جامعة الدول على البطل احمد عبد العزيز و الملف شبه متوقف الاقى عربية بيك اب فارهة دبل كابينة بتريح عليا اديته كلاكس جامد و لسه نازل كمل عجن الرفرف و وقع الاكصدام جيت اجريه وراءه اكتشفت ان نص الاكصدام واقع و النص التانى متعلق نزلت حاولت اخلعه مش عاوز علقته بسرعة و قعدت الف انى الاقيه طبعا فص ملح و داب لكن لحسن الحظ اختى تمكن انها تسجل نمرته ( ن ب 9427 ) لوحة حمراء اللون و انا فى قمة غضبى و غيظى مبقتش عارف اروح و لا اعمل ايه حسيت انى هتنقط لو روحت كده و قولت اروح اعمل محضر فى قسم العجوزة على الاقل افش غلى الحمد الله بعد مرحت القسم و اتكلمت مع الامين الدنيا نورت شوية فى وشى لانه قالى طالما رقم العربية موجود هنقدر نجيبه عملنا محضر و تم معاينة العربية و فهمت الامين ان مش مهم بالنسبة لى التعويض قد ما مهم انى اعرف البنى ادم اللى عمل كده و اربيه باى طريقة كانت علشان يتعظ علشان الناس متبقاش ماشية فى امان الله يفترى عليهم علشان عربية امه جايبهاله و يعطل وقت الناس بدون هدف الا علشان سيادة جناب اللى خلفوه متهور انا عملت محضر رقم 75 ح العجوزة 28 / 2 / 2011 و رقم العربية المتسببة فى الحادث --- ن ب / 9427 نمر حمراء و العربية سوداء اللون انا مش عاوز خدمة فى المحضر لكن عاوزة خدمة ضرورية و ياريت اللى يقدر يساعد ميبخلش عاوز اعرف بيانات صاحب العربية ضرورى لانى شاكك ان اللى كان سايق ده عربى الجنسية و ساعتها و اقسم بالله قسم هتحاسب عليه يوم الدين لا هديله درس باى شكل ان كان قدر استطاعتى فى ازاى يمشى بعد كده فى شوارع مصر و ازاى يحترم الناس |
رد: منتهى قمة البلطجة
ربنا يقويك و يعوض عليك
و تاخد حقك إن شاء الله ،، للاسف ماعرفشي ألية معينة ممكن تجيب بيها بيانات صاحب عربية |
رد: منتهى قمة البلطجة
ربنا يكون فى عونك يااستاذ محمد فيه ناس كده حتى معدومى الضمير
ومبيحسش باللى عمله ولا تفرق معاه عشان كده لازم يتربى |
رد: منتهى قمة البلطجة
إن شاء الله تعرف تجيبه ونص كمان طالما معاك النمرة لأن العربية دى أصلا نادرة فسهل تجيبها أنت بس خليك ورا القسم اللى عملت فى المحضر لحد ما تجيبه
|
رد: منتهى قمة البلطجة
قدر الله وماشاء فعل يا بشمهندس حاولت انك تدخل على خدمه وزارة الداخليه بتاعة المخالفات وتدخل النمر يمكن يجيبلك البيانات |
رد: منتهى قمة البلطجة
اقتباس:
|
رد: منتهى قمة البلطجة
اقتباس:
قلبي معاك لن تصدقني اذا قلت لك أنني جالس أمام الكمبيوتر منذ فترة ليست بالقصيرة محاولا أن أكتب كلمات تساهم في تهدئتك و لكني فشلت لأن مشاعر الغضب مسيطرة علي كما لو كنت أنا الذي حدثت معه تلك الواقعة و لا أدري يا سيدي إلى متى ستظل الشرطة تعاقبنا على ثورتنا بأن تمتنع عن أداء الدور المنوطة به. سيدي أسأل الله العلي القدير أن يهدئ من روعك و أن يمكنك من ذلك البلطجي عديم الإحساس الذي لو كان يعقل و بمجرد كلمة أسف بسيطة أو توقف ليسألك هل أنت بخير لكان انتهى كل شئ في ثوان و كلنا معرضون للخطأ أثناء القيادة ربنا يعوض عليك و حمد الله على السلامة |
| الساعة الآن 08:45 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017