صيانة 60 الف كم و استهبال رسمي من المراكز المعتمدة !! لازم eim تشوفلها حل
 

انا عربيتي اللوجان MCV خلاص كملت 60 الف كم و طبعا لازم اعمل الصيانة زي ما التوكيل بيقول
اتصلت بمركز الخدمة اللي انا بتعامل معاه عندي في الأقصر بسأله عن تكلفة الصيانة و طبعا انا عندي معلومات من المنتدي انها هتكون في حدود 1700 جنيه شاملة الزيت 10000كم و بيتم فيها تغيير الزيت و الفلاتر و سير الكاتينة و طقم سيور الدينامو و التكييف و كل انواع السيور و كمان تغيير مياة التبريد بس
فوجئت بالمركز بيقولي ان التكلفة في حدود 3800 جنيه ]
بالذمة دا كلام يا جماعة لما بسأل ليه قالوا لي ان شامل كل حاجة بما فيهم طلمبة ميه !!!!
هو يا جماعة صيانة ال 60 دي فيها تغيير طلمبة ميه !!! انا اول مره اسمع المعلومة دي خصوصا ان الجدول بتاع صيانة العرية ما بيقولش كدا

اتصلت بمركز خدمة تاني في الغردقة و سألته عن السعر قالي من 3000 -3200 شامل طلمبة ميه !!!!! فرق 800 جنيه مره واحدة ....... يا بلااااااااااش دا انا لو بشتري بطيخ مش هيبقي بالطريقة دي

و لما سألته ايه حكاية طلمبة الميه دي قاللي عادي انت راحتك ممكن ما تغيرهاش و تسيبها شوية 10000 - 20000 كم يعني عال 80 الف تتغير لو هي ما بظتش قولتله طيب انتوا ليه بتطلبوا تغيييرها في صيانة ال 60 الف كم قاللي عشان احنا كدا كدا هنحل الموتور لتغيير سير الكاتينة فبالمرة نغير طلمبة الميه بدل ما نضطر اننا نحل تاني عشان نغيرها لوحدها و نكلفك مصنعية تركيب تاني !!!!! كلام مش منطقي خالص

انا اتصلت بخدمة العملا 16202 و سألت عن التكلفة عندهم و قالولي انها 1570 + 10%ضريبة غير شاملة الزيت

و لما سألته عن طلمبة الميه قاللي السعر مفيهوش تغيير طلمبة و طبعا انا حكيت له علي كل اللي اتقال لي من المراكز اللي هما معتمدينها لصيانة رينو و كان مستغرب من كلامي و طلب مني اني اتصل بكره الصبح و يحولوني عن المسؤولين و نشوف حل للتهريج اللي بيحصل دا
ازاي يعني مركز خدمة يضرب السعر في 2 و فين الرقابة عليهم و ايه حكاية طلمبة الميه دي هما بيشتغلوا من دماغهم و لا ايه مش المفروض ان الصيانات دي واحد و لا كل واحد بيغير الي عايزه بمزاجه


يا جماعة حد عنده فكره عن موضوع طلمبة الميه دا و امتي بالظبط ميعاد تغييرها ؟؟؟

ايه نصايحكم ليا اتصرف ازاي و اعمل ايه

انا بصراحة قرفان و مخنوق و بفكر اني اغير زيت بس في مركز الصصيان عندي في الأقصر و اعمل الصيانة في القاهرة لأني بصراحة مش واثق في الجماعة اللي عندنا بعد التضارب الرهيب في كلامهم و عدم المصداقية اللي حسيته من كلامهم
بس انا خايف من سير الكاتينة هل فيه مشكلة اني استني شوية لغية ما اسافر القاهرة و لا في خطر في كدا

رد: صيانة 60 الف كم و استهبال رسمي من المراكز المعتمدة !! لازم eim تشوفلها حل
 

اصبر لغاية الصبح وشوفهم حيقلولك ايه ؟؟

رد: صيانة 60 الف كم و استهبال رسمي من المراكز المعتمدة !! لازم eim تشوفلها حل
 

رد: صيانة 60 الف كم و استهبال رسمي من المراكز المعتمدة !! لازم eim تشوفلها حل
 

موضوع طلمبة المياة دي انا هأقولك عليها بنسبة 60% الطلمبة بتحتاج تتغير لية بقي شدة سير الكاتينة الجديد غير القديم وفي الغالب بتكون معرقة مياة بيتطروا يغيروها وهما فكيين بالمرة بس بتفرق بقي في مراكز بتغيرها سليمة او مش سليمة وفي مراكز بتراعي ضميرها في كدة فانت تبقي عامل حسابك عليها وتتطلب لو طلبوا من تغيير انك تشوف سبب طلب تغيرها ودة مش عيب

رد: صيانة 60 الف كم و استهبال رسمي من المراكز المعتمدة !! لازم eim تشوفلها حل
 

اسف نسيت اكمل كلامي معني ان سير الكاتينة ميعاد تغيرة 60.000كم مش معني كدة انة هايقطع علي 61.000 كم لكن ده معناة ان الحد الأمن للسير 60.000كم اضف اليهم 5000 كحد اقصي وعلي فكرة تكلفة الصيانة 2117جنية شاملة سعر الزيت ومواد الغسيل الاخري

رد: صيانة 60 الف كم و استهبال رسمي من المراكز المعتمدة !! لازم eim تشوفلها حل
 

شكرا لرد حضرتك
السعر اللي حضرتك كاتبه دا يشمل ايه بالظبط

هو انا تقريبا لما سألت الناس بتوع مركز الصيانة المعتمد عن سبب تغيير طلمبة الميه في صيانة ال 60 قاللي كلام مقارب لكلام حضرتك و كان رده ان الطلمبة ممكن تشتغل 20 الف كم تاني و ممكن بعد 2000 كم تبوظ
و لما بتبوظ بيبقي فيه احتمالين
1- الإحتمال الأول ان الطلمبة نفسها بتبوظ و بتجيب ميه و طبعا لازم تتغير و هنحل تاني و تتغير
2- الإحتمال التاني ان بلية الطلمبة هي اللي بتقفش و ممكن تقطع سير الكاتينة الجديد و تعمل مشكلة كبيرة في الموتور كله

عموما مش مشكلة انا ممكن اغيرها طالما انها هتجبني مشاكل تانية بس ايه اللي يخلي السعر يوصل 3800 جنيه !!!

التوكيل بيقول ان الصيانة بتكلف 1570 + 320 زيت 10 الاف كم + 10 % ضريبة = تقريبا زي ما حضرتك بتقول 2100 جنيه
لما نيجي نغير طلمبة الميه انا عرفت ان سعرها 585 جنيه بس مش عارف بالضريبة و لا بدون + مثلا 200 مصاريف تركيب الطلمبة
يبقي إجمالي 2900 جنيه

سؤال تاني
هو لازم تغيير ميه التبريد + زيت الفتيس + زيت الفرامل + زيت الباور

اصلهم بيقولوا انهم هيغيروا كل الكلام دا في الصيانة

رد: صيانة 60 الف كم و استهبال رسمي من المراكز المعتمدة !! لازم eim تشوفلها حل
 

شكرا لرد حضرتك
السعر اللي حضرتك كاتبه دا يشمل ايه بالظبط

هو انا تقريبا لما سألت الناس بتوع مركز الصيانة المعتمد عن سبب تغيير طلمبة الميه في صيانة ال 60 قاللي كلام مقارب لكلام حضرتك و كان رده ان الطلمبة ممكن تشتغل 20 الف كم تاني و ممكن بعد 2000 كم تبوظ
و لما بتبوظ بيبقي فيه احتمالين
1- الإحتمال الأول ان الطلمبة نفسها بتبوظ و بتجيب ميه و طبعا لازم تتغير و هنحل تاني و تتغير
2- الإحتمال التاني ان بلية الطلمبة هي اللي بتقفش و ممكن تقطع سير الكاتينة الجديد و تعمل مشكلة كبيرة في الموتور كله

عموما مش مشكلة انا ممكن اغيرها طالما انها هتجبني مشاكل تانية بس ايه اللي يخلي السعر يوصل 3800 جنيه !!!

التوكيل بيقول ان الصيانة بتكلف 1570 + 320 زيت 10 الاف كم + 10 % ضريبة = تقريبا زي ما حضرتك بتقول 2100 جنيه
لما نيجي نغير طلمبة الميه انا عرفت ان سعرها 585 جنيه بس مش عارف بالضريبة و لا بدون + مثلا 200 مصاريف تركيب الطلمبة
يبقي إجمالي 2900 جنيه

سؤال تاني
هو لازم تغيير ميه التبريد + زيت الفتيس + زيت الفرامل + زيت الباور

اصلهم بيقولوا انهم هيغيروا كل الكلام دا في الصيانة