اسود الكرامة والشرف


النقيب ماجد بولس دافع من موقعة وبمبادرة شخصية منه عن المعتصمين فى ميدان التحرير وكان ممكن يقول وانا مالى ويقعد فى مدرعتة

http://www.youtube.com/watch?v=82R0nSCCp9M

الرائد الاشهر شومان
من كلامة
" لوكانت البدلة هتمنعنى من انى اادى واجبى لازم اقلعها "
" اقسمت يمين الولاء لجمهورية مصر العربيه مش لحد تانى "
http://www.youtube.com/watch?v=Df1tOJ1z6CU

مش دول بس طبعاً فيه عشرات غيرهم عملو زي شومان
وفيه اكتر شوفناهم واتكلمنا معاهم من اول يوم لحد ما كنا قدام القصر الجمهورى واقسم بالله حسيت انهم خايفين علينا اكتر من نفسنا

مقتل اللواء محمد البطران رئيس مباحث سجن الفيوم دفاعاً عن موقعة واكيد بردو كان فيه غيره ممن صمدو للدفاع عن امانتهم وشرفهم
وعلى فكره اللواء البطران كان معمولة بانر ضخم فى قلب ميدان التحرير اثناء الاعتصام
http://i74.servimg.com/u/f74/11/14/19/79/18011410.jpg
http://www.youtube.com/watch?v=ibbf8yZNSLw

نموزج تانى من الضباط الشرفاء اللى ضحو بمستقبلهم ويمكن حياتهم فى سبيل الوقوف لجانب الحق
http://www.youtube.com/watch?v=A_dgMdm1n5s

مين قال ان الثورة كانت شباب بس وان كل اللى غيرهم خونة
مقولناش كده ابداً
الشباب حركو الثورة والجيش باغلبيتة تضامن معانا وحمانا فى اغلب الاوقات
الشرطة كان فيها شرفاء برضو لكن قله للاسف ولو كانو اغلبيه كان شهداء الشرطة فى ادارات السجون المفروض يكونوا بالالاف مش واحد واتنين

فلما نقول الشرطة خانت منقصدش الكل لكن نقصد الاغلبية اللى اكلو حرام وضربو نار على الشباب فى الراس والصدر مباشره للقتل لا لاجهاض مظاهرة او تعجيز

لما نقول خايفين من الجيش منقصدش الجيش كله لكن نقصد القلة اللى كان ليهم مواقف مخزية فى الثورة وخايفين يأثرو على الاكثرية المؤيدة للثورة

لكل الشرفاء من شرطة وجيش ساندو الثورة بقولهم فداكو روحى ودمى يا ولاد بلدى يا اكرام
ولكل الخونة وكلاب النظام بقولهم لن ننسى خيانتكم ولن نتسامح معاها حتى نتاكد من تقديمكم للعدالة ورد حقوق كل شهيد ومصاب