برجاء الافاده من عمالقة البايكرز
 

يا رجاله بأذن الله خلال ايام او اسابيع هكون جبت موتوسيكل سوزوكي
4 سلندر
550 سي سي

المشكله بقي
الموتوسيكل مركون بقاله 3 سنين عند صاحبه

وعشان كده هاخدها اشدها شده حلوه من الاخر علي طول
السؤال بقي
عايز احسن ورشه متخصصه تقدر تفيدني واوديها وانا مطمن واخدها تعييش معايا منغير وجع دماغ
وهل ينفع اوديه توكيل سوزوكي ؟؟
وانا من القاهره
ياريت كل الناس تشارك
وشكرا مقدما ليكو يا رجاله

معلش سؤال تاني ايه خطورة ركن الموتوسيكل كل الفتره دي
وهيأثر جامد عليه ولا لو خدتها وشدتها شده حلوه وصرفت عليها هتبقي فل

رد: برجاء الافاده من عمالقة البايكرز
 

طيب الموتسكل فيه حاجه في الموتور او في قطع الغيار عايزه تتغير؟؟؟

رد: برجاء الافاده من عمالقة البايكرز
 

لا الموتوسيكل كان شغال عادي جدا بس ابوه حلف عليه ميركبهوش تاني عشان كان بيسافر بيه كتير جدا
ومن ساعتها اتركن

وشكرا يا ريس علي ردك

رد: برجاء الافاده من عمالقة البايكرز
 

انا تحت امرك يا باشا وبلاش كلمه ريس خلينا مداريين

رد: برجاء الافاده من عمالقة البايكرز
 

ههههههههه

طب مقولتليش ايه خطورة ركن المكنه فتره طويله كده

رد: برجاء الافاده من عمالقة البايكرز
 

اكيد هيتاثر اداء المكنه وكده ..مثلا فيه واحد يقدر يوقف وظايفه الحيويه زي الاكل وكده
طيب المكنه واقفه من 3 سنين ...اكيد هتتاثر وهيبان انها متهانه وقديمه
الحاجه لما بتستعمل غير لما تقف وكان المفروض صاحبك قرر ما يركبش موتسيكلات انه يبعها في وقتها مش يركنها....ولو عجباك يبقي لازم قبل ما تشتريها يبقي معاك ميكانيكي هوندا يركب البايك ويشوفه بالظبط لان ممكن فيه عيوب مخفيه متبنش لينا وديت شغلته وايضا قبل الشراء اسال عن المكنه ديت في السوق وظروفها والناس اللي استعملتها وقطع غيارها

رد: برجاء الافاده من عمالقة البايكرز
 

دي سوزوكي مش هوندا يا صاحبي
وبيني وبينك داخله دماغي اوي شكلها دبابه مش مكنه عاديه

منا بقولك هاخدها اوديها اي ورشه متخصصه تتشد فيها من مجاميعو
وبسأل بس علي مكان ورشه تكون كويسه عشان ابقي مطمن
هل بس بعد ما تتشد وتتظبط فيها كل حاجه هتبقي تمام ولا ايه