|
ساعدونى قبل ما اشترى ال 128 ضرورى
السلام عليكم
الاول احب احيى القائمين على الموقع لانه بجد رائع من مديرين لغاية الاعضاء وانا استفدت منه كتير لانى كنت بدخل زائرة دلوقتى انا محتاجة مساعدتكم قبل ما ارد بالموافقه او الرفض انا عايزة اشترى عربية تكون صغيرة على ادى من ناحية طبعا الفلوس وكمان متكونش غالية فقطع الغيار والتصليح فقلت هشترى ال الفيورا 127 لكن اتعرض عليا فيات 128 قالى انها موديل 1988 1300 سي سي الميكانيكى قال ان موتورها ممتاز ومفهاش اى بارومه وجميلة من ناحية الكهربا وكله مميزاتها انها معاها رخصة سنتين وطبعا فى الطفاية لسه جديدة وشطنة اسعاف سنترلوك وريموت ومرايات حديثه عجل تيوبلس وجنوط اسبور والفرش جلد ممتاز ومش محتاجة اى شغل غير الشكمان بس هو المخروم صاحبها مصمم على 16000 ومش راضى ينزل فيها انا مش عارفه هل السعر مناسب ولا كتير ولا ايه بالنسبة للحالة بتاعتها يارب تنقذونى وتردو عليا بسرعه ولكم منى جزيل الشكر |
رد: ساعدونى قبل ما اشترى ال 128 ضرورى
ونسيت كمان الزجاج الاربعه كهربا
|
رد: ساعدونى قبل ما اشترى ال 128 ضرورى
اقتباس:
|
رد: ساعدونى قبل ما اشترى ال 128 ضرورى
جزاك الله خيرا
وياريت لو حد تانى يفيدنى ويقولى ايه عيوب ال 128 انا سمعت ان العيب فيها هى الكبالن انا معرفش ايه هى الكبالن ولا اهميتها ياريت لو حد يوضحلى |
رد: ساعدونى قبل ما اشترى ال 128 ضرورى
1 مرفق
اقتباس:
وسعر الكوبلنين ب 105 جنيه يعنى لو هتغيريه كل سنه مش هيبقى مشكله من مميزات ال128 انها سهلة الصيانه وقطع غيارها رخيصه وكل الميكانيكيه بيفهموا فيها وتنفع معك كبدايه وبالتوفيق |
رد: ساعدونى قبل ما اشترى ال 128 ضرورى
السعر مناسب جدا جدا
وانا شايف كمان ان سعرها قليل عن امكانيتها لو كل حاجة فيها تمام ميكانيكا وكهرباء الى اخرة توكلى على الله انا والدي جايب ال 128 موديل 89 بي 19000 والحمد لله كويسة الكبالن هي التى يقع على عاتقها نقل الحركة من صندوق التروس المتصل بالمحرك الى عجل السيارة الامامى وببساطة هى اللى بتخلى السيارة تتحرك لما بتلفى الدركسيون يمين او شمال لان ال128 سحب امامى يعنى الموتور بيحرك العجل الامامى وبالتالى لما بنلف الدركسيون يمين او شمال لازم حاجة تحرك العجل وكانت هى الكبالن (ياريت لو حد يعرف يشرحها اوضح من ذلك يتفضل مشكورا) لا تقلقى منها طالما فهى جزء كاي جزء فى السيارة تحتاج التغيير عند تلفها وال 128 سيارة جميلة بجد والله وباذن الله تكون سيارة مباركة عليكى |
رد: ساعدونى قبل ما اشترى ال 128 ضرورى
السعر مناسب جدا وامكانيات كويسة ومن رايي انك تخدي راي مكانيكي تاني متكتفيش براي واحد ويستحسن ميكونش تبع البايع والاحسن كمان وهوا مش معاكي وتاكدي من عدم وجود بارومة في حوض الماتور والركب
|
| الساعة الآن 10:38 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017