لوجان جديده ولا ياريس مستعمله؟؟
 

السلام عليكم


يوجد تصويت في الاعلى من فضلكم
واحد صاحبي وجع دماغي و عايز يشتري عربيه و مش عارف يختار و عايز ناس بتفهم

من الاخر:
الياريس: 2 ايرباج و باور كهرباء و ياباني 100% و كمان ABS
عيوبها: مستعمله طبعا (بس مش كتير حوالي 50000كم) و مفيهاش لا سنتر ولا زجاج كهرباء!!!

اللوجان: ميزتها انها جديده و معاها ضمان
عيوبها: عيوب تقفيل بالسطور في منتدها (التوكيل بيصلحها)-مستوى الخامات و التصنيع اكيد مش زي الياباني و واخده 3 نجوم سلامه و الياريس واخده 5


كل واحد يقول رأيه في الموضوع و ميبخلش لو سمحت

تحياتي

رد: لوجان جديده ولا ياريس مستعمله؟؟
 

هو اولاً المقارنة مش متوازنة لان الجديد ليه مميزاته ايا كان نوعة او قيمتة
فى نفس الوقت المستعمل وتحديداً كسر الزيرو ليه مميزاتة برضو زى عدم الالتزام بالصيانات الدورية فى التوكيل والاعفاء من مصاريف الترخيص الاولى والخسارة فى اعادة البيع بتبقى اقل من خسارة الزيرو

لكن اذا استبعدنا موضوع مستعمل وجديد اكيد الياريس تكسب كجودة وقيمة اجمالية وتكنولوجيا

رد: لوجان جديده ولا ياريس مستعمله؟؟
 

زى ما قال أستاذنا أبونورا .......... اليارس أفضل جودة و أمان و تكنولوجيا

يعنى لو هتقارن بين الأتنين أكيد اليارس هتكسب فى كل حاجة .......

يعنى لو حالة اليارس كويسة يتوكل على الله

لكن لو أحتياجاته لازماه يجيب لوجان يجيب لوجان و يتوكل على الله ...

و الله الموفق ،،،،،،،،،،،،

رد: لوجان جديده ولا ياريس مستعمله؟؟
 

رد: لوجان جديده ولا ياريس مستعمله؟؟
 

الزيرو زيرو بردة

رد: لوجان جديده ولا ياريس مستعمله؟؟
 

والله انا من رايى و لو مكان صاحبك اللوجان احسن ..

انا من زمان وانا معجب باللوجان ولكن اعجابى بها ازداد بعد ما جربتها ...

عربية واسعة وسع رهيب بالنسبة لحجمها وقعدتها مرتاحة جدا وموتورها جيد واحسن مما كنت اتوقع وموفر جدا فى البنزين ..

ده غير شاشة الرحلات بوظائفها الستة والاير باج والزجاج الكهربا ...

والاهم انه هيركب عربية زيرو ويحس بقيمة الزيرو اللى لا تعوض ...

الياريس عربية لا غبار عليها طبعا ولكن غالية اوى على امكانياتها .. وكمان فيها عيب بيخنقنى جدا وهو موضوع العدادات اللى فى النص ...

عليه بالاستخارة الاول وربنا يوفقه لما فيه خير ...

رد: لوجان جديده ولا ياريس مستعمله؟؟
 

أنا إعتراضي على الياريس كسيارة انا مابحبهاش للأسف علشان كدة رأيي مش هيكون محايد وكمان ماجربتش اللوجان.
بس انا ببص لنقطة واحدة بس الزيروا مهما كان كفته أرجح.
ولا إنتا مش معايا؟