|
لو البطاريه نامت ينفع اشحنها بعد شهر ؟
السلام عليكم انا يا جماعه من حوالى شهر بطاريه العربيه كانت نامت و كان فاضل فيها شحنه بسيطه يعنى مثلا كان الانوار بتشتغل ضعيف و الكونتاك بيشتغل و الكلاكس مكتوم بس العربيه مش بتدور وانا روحت فاصل البطاريه خالص و بعد كده دخلت فى امتحانات و بعد كده حصلت الثوره و المنزلتس بالعربيه لمده اكثر من شهرو مشحنتش البطاريه سؤالى بقى هل هتفضل محتفظه باشحنه البسيطه اللى كانت فيها ولا هتفضى خالص وهل هينفع اشحنها عادى ولا ممكن تكون مش هتقبل شحن مع العلم انها بطاريه جافه |
رد: لو البطاريه نامت ينفع اشحنها بعد شهر ؟
اقتباس:
أنا عمرى ما أستخدمت بطاريات جافة لذلك اللى هقولهولك معلومات غير مؤكدة .... اللى أعرفه أن البطاريات الجافة مش بتتشحن و الله أعلم أنتظر ردود الخبراء فى الموضوع |
رد: لو البطاريه نامت ينفع اشحنها بعد شهر ؟
لو مش بتتشحن طيب ماهى بتتشحن من الدينامو
وبعدين على الاقل تقوم العربية وعموما ريح نفسك وخد وصله من عربية تانية |
رد: لو البطاريه نامت ينفع اشحنها بعد شهر ؟
شكرا يا جماعه على الرد
بس على فكره البطاريه الجافه بتتشحن انا شحنتها قبل كده مرتين الكهربائى بيحطها على جهاز شويه و بتتشحن |
رد: لو البطاريه نامت ينفع اشحنها بعد شهر ؟
تتشحن عادي.. بس المشكلة لاقدر الله على عدم قدرتها الكيميائية على التفاعل بين المكونات.. وللاسف مش بتتصين
|
رد: لو البطاريه نامت ينفع اشحنها بعد شهر ؟
ربنا يستر هوا انا طبيعى مش ناوى اسوق الفتره دى الدنيا متوتره والدبابات مضيقه الشوارع لما الدنيا تهدى هروح احاول اشحنها وربنا يسهل ميكونش فى مشكله
|
| الساعة الآن 12:22 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017