استفسار
 

السلام عليكم يا اعضاء ××××××××××

انا ليا استفسارين

اول واحد انا كان حد سايقلى العربيه وكان ماشى ف طريق مش اسفلت يعنى الزلط السغير كان ناعم اوى زى ما يكون متسفلت كده كان ماشى بسرعه اوى تقريبا 100

وتانى حاجه كلنا شويه مطبات ومطبات حديد على سرعه 40 مثلا

عايزه اعرف ايه الاضرار اللى ممكن تكون حصلت للعربيه بسبب كده لانى اسمع ان الانوس محتاجه سواقه كويسه

وانا خلاص قربت على اول صيانه 5000 عايزه اعرف ايه الحاجات اللى اخليهم يركزولى عليها ؟؟

تانى حاجه بقى انا ركبت انذار للعربيه ف التوكيل اخيراا الحمد الله

عايزه اعرف بقى اهميته ايه غير انه ينبهنى لو حد قرب للعربيه ؟؟ خصوصا ف الفتره دى زى مانتوا عارفين مفيش رقابه والمساجين هربوا فخايفه اوى من سرقه العربيه

اخيرا بقى اهميه التامين العام ايه ؟؟ هو مكلف اوى فبفكر اطلع منه ايه رايكوا

رد: استفسار
 

بالنسبه

للمشى بالعربيه بسرعه على حصوة أسفلتيه بسرعه

المفروض يتم تفادى الأماكن دى بقدر الأمكان وفى نفس الوقت الأبطاء بالسرعه فى مثل هذه الأماكن

حفاظا على الكاوتش والعفشه

وخير بأذن الله

فممكن حضرنك فى صيانة ال 5 آلاف تخليهم يربطوا على العفشه صح

ونبهيهم لما حدث من هذا الأمر

وفى نفس الوقت يتم الكشف على الكاوتش بنظره فاحصه حاليا وأنت مجرشه السياره

_________________________

وبالنسبه لجزئية التأمين العام على السياره

فتلك حريه شخصيه

عن نفسى

سايبها على الله

رد: استفسار
 

طبعا دى فايدة جهاز الأنذار

زى ماحضرتك وضحتى

وهى أصدار أصوات لتنبيه صاحب السياره

فى حالة محاولة الغير من السطو على السياره

رد: استفسار
 

samirayad شكرا ليك على الرد جزاك الله خير

رد: استفسار
 

طبعا مفيش بعد كلام الباشمهندس سمير لكن عندي سؤال حضرتك كنتي سألتي عن تركيب الانذار في التوكيل في المنصورة
هل قمتي بالفعل بتركيبه في المنصورة ولا رحتى التوكيل في طنطا وكم تكلفته؟؟؟؟؟؟؟؟؟؟؟؟

رد: استفسار
 

لا انا ركبته ف المنصوره فعلا عند محطه البنزين اللى سندوب
اشتريت الانذار من بره وركبته ف التوكيل بصراحه نضيف جدا جدا
هو اتكلف 300 جنيه

رد: استفسار
 

شكرا على اجابة حضرتك
لكن كنت عاوز اسألك جهاز الانذار نفسه اشتريتيه منين في المنصورة يعني المحلات اللي بتبيعه موجودة فين؟؟؟
واسف اني بتقل عليكي