|
هام جداً . 3 سيناريوهات لتنحى الرئيس بدون الاخلال بالشرعيه الدستورية
رداً على حجة الفراغ الدستورى والاخلال بالشرعيه فى حال تنحى الرئيس تقرير هام لل BBC العربيه يوضح السيناريوهات الثلاث الممكنه لتنحى الرئيس http://www.bbc.co.uk/arabic/multimed...argument.shtml يلعب العامل الدستوري دورا كبيرا في تحديد ملامح الخروج من الأزمة المصرية، لكن قراءة هذا المخرج دستوريا تعتمد على المعسكر الذي ينتمي إليه القارئ. التقرير التالي يرصد السيناريوهات الدستورية المختلفة. http://www.youtube.com/watch?v=_Dec2sqpMe4 |
رد: هام جداً . 3 سيناريوهات لتنحى الرئيس بدون الاخلال بالشرعيه الدستورية
المشكلة يا استاذ وائل ان الشعب متفق على حاجة واحدة هي الرحيل
كلنا متفقين عليها لكن لجنة الحكماء كل شوية نسمع عن لجنة كل 3 او 4 اتفقوا مع بعض عاوزين ينصبوا نفسهم لجنة مين اختارهم الله اعلم ومجلس الشعب مطعون على شرعيته والناس مش عاوزين اي حد من الوجوه القديمة تظهر تاني وعلشان نعمل استفتاء على الدستور الجديد من الشعب من خلال رئيس المحكمة الدستورية العليا 45 % من الشعب لا يعرف يعني ايه دستور اصلا يبقى هيتسفتي على حاجة هو مش عارفها |
رد: هام جداً . 3 سيناريوهات لتنحى الرئيس بدون الاخلال بالشرعيه الدستورية
فيه حلين الله اعلم بمدي قبولهما للتحقق
الأول 1. حل الرئيس مجلس العشب واعادة الانتخاب من تاني تحت اشراف قضائي كامل 2. تشكيل لجنة من فقهاء الدستور للاتفاق على دستور جديد ( اعتقد مش هتبقى مشكلة بما ان فيه مواد كتير متفق عليها ) 3. عقد مجلس الشعب الجديد 4. طلب الرئيس من مجلس الشعب تغيير الدستور والاستفتاء عليه 5. تنحي الرئيس عن الحكم لاسباب صحية وتكليف نائب الرئيس بالقيام بمهامه لحين انتخاب رئيس جديد |
رد: هام جداً . 3 سيناريوهات لتنحى الرئيس بدون الاخلال بالشرعيه الدستورية
اقتباس:
اعتقد انه استنادا لمواد الدستور اللى اتقالت فى الحل التانى فى التقرير فلا يمكن اسناد انهاء ازمه مجلس الشعب وتعديل الدستور وبالتالى الحل الاول اقرب الى المنطق ولكن برضه مش عارف مدى دستوريته لان السلطات المذكوره فى الحل الاول يمكن انها لا تكون تشمل رئيس الجمهوريه وان المقصود بها هى السلطات الثلاث فقط التشريعيه (مجلس الشعب واعضاءة ) والتنفيذيه (الداخليه والمحليات وغيرهم ) والقضائية ( القضاه وبانواعهم ) |
رد: هام جداً . 3 سيناريوهات لتنحى الرئيس بدون الاخلال بالشرعيه الدستورية
الثاني
1. انتخاب مندوب عن كل محافظة ليمثل المحافظة لفترة في حكومة انتقاليه ( وليس المحافظين ) 2. انتخاب من بين المجموعة المنختبة ثلاثة اعضاء فقط ليمثلوا مجلس رئاسي ( لتطبيق قاعدة الرجلين وعدم التشتت بين الكثير من الاراء) 3. ألغاء الرئيس للدستور الحالي وتكليف المجلس الرئاسي بمتابعه الدستور الجديد بعد اعادة نتاخاب مجلس الشعب 4. حل مجلس الشعب واعادة انتخابة 5. تنحي الرئيس عن الحكم :hd::hd::hd::hd::hd: محدش يتريق |
رد: هام جداً . 3 سيناريوهات لتنحى الرئيس بدون الاخلال بالشرعيه الدستورية
اولى قواعد القانون الدولي و المصري:
الدرس الاول لطلبة الحقوق: الثورات تسقط الدستور و اذا كان 20 ضابطا في انقلاب عسكري ( سمي ثورة 23 يوليو ) قاموا باسقاط دستور ما قبل 23 يوليو! فما بالكم باكثر من 10 مليون مصري في ثورة شعبية تطالب باسقاط النظام! وجب اسقاط هذا الدستور الفاسد المكرس للكبت و الفساد و توصيف الالوهية في صفة الرئيس |
رد: هام جداً . 3 سيناريوهات لتنحى الرئيس بدون الاخلال بالشرعيه الدستورية
اقتباس:
اولى قواعد القانون الدولي و المصري: الدرس الاول لطلبة الحقوق: الثورات تسقط الدستور تصدق بالله .. انا 6 سنين فى حقوق (اصلى ماكنتش احب اسيب ماده من مواد الدستور تعدى من تحت ايدى غير لما ادرسها كويس .. انت عارف اهو المادتين اللى بيتعدلوا دلوقتى انا اخدت فيهم سنتين لوحدهم ) وعمرى ما سمعت الكلمه دى الا النهارده منك مش عارف ماكنتش مقرره علينا ساعتها ولا ماكنتش بحضر ولا لما كنت ببقى مشغول فى كتف البت نهى اللى كانت بتقعد جمبى و اذا كان 20 ضابطا في انقلاب عسكري ( سمي ثورة 23 يوليو ) قاموا باسقاط دستور ما قبل 23 يوليو! الموضوع مختلف تماما .. انت فى 23 يوليو كنت بتحول الدوله من نظام ملكى لنظام جمهورى وكنت بتوضع اسس لصلاحيات رئيس الجمهوريه اللى كان بيحل محله الملك فى الملكيه واللى كان فى عهده اشبه في اللى بيحصل فى بريطانيا دلوقتى فما بالكم باكثر من 10 مليون مصري في ثورة شعبية تطالب باسقاط النظام! وجب اسقاط هذا الدستور الفاسد المكرس للكبت و الفساد و توصيف الالوهية في صفة الرئيس هما من 10 مليون .. هما 85 مليون وعلشان كده انت دلوقتى بتسمع كلام عمرك فى حياتك ما سمعته قبل كده وعلشان كده لاول مره يغيب عنك صور لشخصيات كنت بتشوفها من ساعة ما اتولدت |
| الساعة الآن 04:53 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017