|
الحقوني شحن الدينامو في ال 128
انا كنت غيرت البطاريه السايله بواحده جافه نوع اسمه ماركيتلي بس المشكله انك لازم كل شهر تروح تكشف على شحن الدينامو عشان الضمان روحت النهارده قالي الشحن كويس من غير نور عالي بس بالنور العالي جابت 12.5
يا ترى ايه المشكله المره ديه ؟ مع اني من شهر غيرت ملف الدينامو و الكتاوت و كان الشحن مظبوط (بالنور العالي عالي و سلانسيه ) (البطاريه بقالها شهر ) و المشكله اني لازم اعمله عشان يمضيلي على الضمان بس في حاجة ان و انا بفتح النور العالي كانت العربيه سخنه و المروحه شغاله اوتوماتيك ممكن يكون ده السبب ؟ العربيه : 128 |
رد: الحقوني شحن الدينامو في ال 128
اقتباس:
ماهى المشكله حاليا هل بتلاحظ صوت المكنه بيعلى ويوطى مع تشغيل العالى |
رد: الحقوني شحن الدينامو في ال 128
لأ بس الراجل بيقولي ان الشحن كده ضعيف مع النور العالي و قالي لازم اظبطه
|
رد: الحقوني شحن الدينامو في ال 128
سيبك من كلامه
وبارك الله فيما رزق طالما المكنه مبترعش وهى على السلانسيه وأنت مشغل العالى يبقى لاداعى للقلق من جهة شحن الدينامو |
رد: الحقوني شحن الدينامو في ال 128
بس هو لازم يتأكد بنفسه عشان يمضيلي على الضمان
|
رد: الحقوني شحن الدينامو في ال 128
آه أنا كنت ناسى موضوع الضمان بتاع البطاريه الجديده
وأنا كنت عاوزك تمشيها كده وخلاص طالما مفيش مشاكل فى دوارة المكنه ولا مع رعشه مع العالى ___________________ هو الفولت نازل شويه فعلا بس مكنتش عاوزك تعمل حاجه فى الدينامو عموما ممكن تراجع تانى على توصيلات الدينامو والبطاريه صح وتجرب تقيس تانى قبل مانشك فى كتاوت الدينامو الجديد |
رد: الحقوني شحن الدينامو في ال 128
حاضر ان شاء الله بس في حاجة عاوز اسأل حضرتك عليها العربيه الصبح بتغلب في الدوراه بمعنى ان صوت المارش موجود و كل حاجة بس عبال اما تدور بتغلب شوية و بطلع ريحه بنزين بس بعد كده بتبقى ماشيه عادي
يا ترى ده يكون له اثر على الدينامو ؟ |
| الساعة الآن 01:37 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017