|
ماسبب اشتعال الاحداث فى التحرير ومصر كلها فى رأيك؟
كان المتظاهرون يقبعون فى ميدان التحرير ويهتفون ، ولهم طلب محدد بسيط
الدستور... حل مجلس الشعب المزور... العداله الاجتماعيه...... ثم تطورت الاحداث ....وصدر بيان غداً يتم اخلاء الميدان فما الذى حدث.. تطورت الاحداث وذاد سقف المطالبات فمن الذى ادى الى ذلك فى رأيك.... هل التعامل الخاطىء مع الازمه ام مـــــاذا؟ ومن المسؤل؟ |
رد: ماسبب اشتعال الاحداث فى التحرير ومصر كلها فى رأيك؟
استاذ اشرف احنا مالناش فى المظاهرات والديمقراطيه لان اغلبيه شعبنا مش متعلم ومعتدوش الثقافه دى ومفيش تقدير للامور بتاتا لقله العقل واعتقد ان احنا المسؤلين عن كده مفيش نظام
|
رد: ماسبب اشتعال الاحداث فى التحرير ومصر كلها فى رأيك؟
يعنى لوسبنا الناس دى يتظاهروا فى الميدان وماضربناهمش بالامن المركزى تفتكر كان ممكن يقعدوا اد ايه فى الميدان وطالما انهم مش بيخربوا يعنى بيهتفوا بس كنا سبناهم لحد مايزهقوا ويروحوا
|
رد: ماسبب اشتعال الاحداث فى التحرير ومصر كلها فى رأيك؟
انت ليك مطالب ولازم اسمعك وادرسها واوافق عليها ولو ماوافقتش اتظاهر تانى بس المظاهرات مش بالالافات لان فى دول العالم التالت مفيش نظام يااستاذ اشرف فاكيد اكيد هاتخرج عن المسار زى مانت شايف
|
رد: ماسبب اشتعال الاحداث فى التحرير ومصر كلها فى رأيك؟
اللي اشعل الاحداث في ميدان التحرير النهارده .. هو نفس السبب اللي اشعل فتيل يوم الجمعه
تعرض المتظاهرين للعنف و البلطجه والارهاب اللي هو اساسا سبب الانتفاضه يبقى ازاي الناس ترضخ للاسلوب اللي هما اساسا معترضين عليه من البدايه !!!!!! |
رد: ماسبب اشتعال الاحداث فى التحرير ومصر كلها فى رأيك؟
السبب تخطيط المعارضة والاحزاب وبدعم من مخططات صهيونية لجلب الفوضى للبلاد وعدم استقراراها
وكفاية ان اليوم تم القبض على مهندس اسرائيلى فى السويس كان بيتمشا فى حى الاربعين !!!! |
رد: ماسبب اشتعال الاحداث فى التحرير ومصر كلها فى رأيك؟
اعتقد انى لو جاوبت على السؤال اللى انت موجهه فى موضوعك مش هتكون الاجابه مختلفه كتير عن اجابتى على سؤال علاء فى موضوع الخروج من الازمه انا اعتقد من وجهه نظرى ان الازمه دى اتحل 70 % منها بخطاب تنحى الرئيس وان 80 % من شباب ثوره التحرير روحوا بيوتهم وكان ردى كالتالى :- وفضل 20 % وهما اللى عملوا الازمه الجديده بانهم خلوا فئه ضعيفة النفوس تبعت المرتزقه دول يخربوا فى البلد ويضربوا بيهم 3 عصافير بحجر واحد اولا : يقضوا على الشباب اللى عايزين يقضوا عليهم ثانيا : يضربوا حسنى مبارك ضربه جديده ادام الشعب واهى تبقى خطوه فى الوصول الى كرسى الحكم ثالثا : يطبقوا اجندات سياسيات خارجيه كتير هتموت وتفرح فى مصر طيب انا علشان اقطع الطريق على المرتزقه دول اعمل ايه ؟؟ ان ال 20 % اللى باقيين فى التحرير يروحوا طيب هيروحوا امتى ؟؟ لما الرئيس يديهم امارة على جديه كلامه اللى قالها فى خطابه طيب هل ممكن الرئيس يديهم امارة بشكل سريع وملحوظ يقضى على الانفلات دا ؟ طبعا ومن وجهة نظرى المتواضعه عن طريق الاتى :- 1- ظهور حبيب العادلى وتقديمه لمحاكمه عسكريه باعتباره المسئول الثالث بعد الرئيس ورئيس الوزراء عما حدث مع الشرطه فى يوم الجمعه 2- جدولة الوعود اللى وعد بيها الرئيس جدوله زمنيه محدده يمكن للناس ماتبعتها من خلال ان تكون خطوات التنفيذ معلنه لجميع اطياف الشعب من تعديل للدستور وخلافه 3- خروج خطاب الحكومه للخطه التى هتمشى بيها خلال الفتره المتبقيه من فتره حكم مبارك ويبرزوا خطط الدوله فيما يخص مطال الشعب من بطاله ومرتبات وتحسين مستوى المعيشه 4- ان الرئيس يقوم بمخاطبه الشعب بشكل متكرر واعتقد انه بدا دا امبارح لما قال فى خطابه انى وجهت القوى المعارضه لطلب الحوار ورفضوا وانا دلوقتى هكلم الشعب .. يمكل بقى ولا هى مره واحمدوا ربنا 5- رجوع افراد الامن الى الشارع العادى " بعيدا عن ميدان التحرير فثوار ميدان التحرير سمهم وعماهم دلوقتى يشوفوا النسر على كتاف او لياقه قميص حد " ومحاوله نسيان اعمال البلطجه والشغب للناس 6- تقليص " وليس الغاء " عدد ساعات حظر التجول لعوده الحياه لطبيعتها وذهاب الناس الى اعمالهم وجعلها من 9 الى 6 ص مثلا ومعتقدش انى اذكى من اللى بيحكمونا علشان اقدر اطلع حاجه اهمد بيها اللى بيحصل اكثر منهم وان كنت عايز ملخص المشكله فى جمله واحده فهى ( فقدان الثقه لدى الشعب من الحكومه فقدانا كبيــــــــــــــــــــــ ــــــــــــــــــــــــر ا ) |
| الساعة الآن 01:34 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017