|
هتعملو ايه فى الموقف دا !؟
السلام عليكم ورحمة الله وبركاته
معلش يا جماعة لو كنت تاعب اعضاء المنتدى معايا انا عاوزكو تحطو نفسكو مكانى وتقلولى .... كنت هتعملو ايه ؟ دلوقتى الموتور بتاعى عايز طقم شنبر والميكانيكية قالولى هيعمل بتاع 600 جنيه والله اعلم لما نفتح الموتور ممكن نلاقى ايه كمان .... علما بان الموتور 1500 cc وتصميم الموتور من عام 1960. تمن الموتور الاستيراد 2000 جنيه بالفتيس والمارش والدينمو والانجشكشن وممكن تحويله كاربراتير ... موديل 2005 وكمان 1600 cc.... واعملو طقم شنبر ب 300 جنيه وهوا لسه على الارض يعنى قول بالتركيب 2500 وتقريبا والله اعلم موبينه الكترونى كمان ... وكمان الموتور من شركة دايو. لو انتو مكانى كنتو هتعملو ايه ؟؟؟ ولو اخترتو الاستيراد يبقى انجيكشن ولا كاربراتير ؟وليه ؟. |
رد: هتعملو ايه فى الموقف دا !؟
هى العربية نوعها ايه اصلا؟
|
رد: هتعملو ايه فى الموقف دا !؟
نوع العربيه ايه؟؟؟
اصل لا اعتقد ان عربيه موديل 60 او تصميم الموتور سنه 60 يركب عليها موتور 2005؟؟ غير كمان حاجه ان موتور الدايو مش بيركب غير علي الدايو فقط علشان تعرف ترخص في المرور عموما انا بفضل شراء موتور استيراد بحاله ممتازه استعمال الخارج و مش يبقي فيه طقم شنبر او خلافه لانك برضه ممكن تفتح الموتور و يا عالم فيه ايه يبقي زي موتورك. اما بالنسبه للانجكشن و الكاربيراتير فالصوره الحاليه تخليني ارشح الكاربيراتير فقط |
رد: هتعملو ايه فى الموقف دا !؟
نوع العربية بولونيز موديل 1987
|
رد: هتعملو ايه فى الموقف دا !؟
طب ازاى العربية بولونيز وعاوز تركبلها موتور دايو ؟؟؟؟؟
قانوناً...... ماينفعش |
رد: هتعملو ايه فى الموقف دا !؟
مين اللى قالك الكلام ده اصلا .
مينفعش لأسباب كتيرة جدا هقولك على واحد بس كفيل انه يوقفلك النيا, ان عربيتك دى دفع خلفى وبيتهيألى دايو معملتش عربية خلفى على حد علمى وحتى لو عملت برضو مينفعش , أكيد اللى قالك الكلام ده كان عامل دماغ قراقيش:crazyW14:هههههههه |
رد: هتعملو ايه فى الموقف دا !؟
يا جماعة دايو وبولونيز عماو اتحاد من سنة 1999 .
http://www.ksiegarnia.edu.pl/p3199,d...fso-matiz.html http://commons.wikimedia.org/wiki/Ca...tory_in_Warsaw Fso = بولونيز http://en.wikipedia.org/wiki/FSO_Polonez دا موقع ويكبديا بياكد كلامى |
| الساعة الآن 03:45 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017