كنت بغير وش الجوان وغيرت البيجيهات اخدو مني 900 جنيه
 

السلام عليكم
تنا لسه جاي من التوكيل في اسوان كنت بغير وش الجوان وغيرت البيجيهات اخدو مني 900 جنيه ياترا المبلغ كبير ولا معقول
شكرا جزيلا

رد: كنت بغير وش الجوان وغيرت البيجيهات اخدو مني 900 جنيه
 

الرينو قطع غياره غالى بطبعه و كمان فى التوكيل المصنعيه غالية بس فى المقابل المفروض شغل مضمون من عمالة مدربة لان ممكن بره التوكيل تعمله ارخص بس احتمال تقع فى حد يبوظ الدنيا

رد: كنت بغير وش الجوان وغيرت البيجيهات اخدو مني 900 جنيه
 

ربنا يكون فى عونك انا جربت التوكيل زباله وكمان مصنعيتهم غاليه عن قطع الغيار وحسبى الله ونعم الوكيل:14BFD8~148:

Re: رد: كنت بغير وش الجوان وغيرت البيجيهات اخدو مني 900 جنيه
 

رد: كنت بغير وش الجوان وغيرت البيجيهات اخدو مني 900 جنيه
 

طالما العربيه كويسه يبقي قول الحمد لله و مش مشكله شويه المصاريف الزياده
هي دلوقتي التكلفه تعتبر تلات اضعاف بره
المهم يكون بفايده

رد: كنت بغير وش الجوان وغيرت البيجيهات اخدو مني 900 جنيه
 

وش جوان ب 75 جنيه و البوجيهات ب 95 جنيه الفرنساوي الاصلي

طبعا كده كتير جداااااااااااااااااااا

و موضوع ان قطع الغيار غالية دي مش حقيقة قطع الغيار سعرها متوسط وزي الكوري و اقل من الياباني و الالماني.

رد: كنت بغير وش الجوان وغيرت البيجيهات اخدو مني 900 جنيه
 

انا كان عندي مشكلة في الكليو 2003 مكنتش بتسحب روحت لميكانيكي في عين شمس اسمه ابراهيم في شارع 6 اكتوبر و عامل فيها متخصص رينو المهم غير البوجيهات و خرب العربية و كل مشغل التكييف تبطل قاللي روح التوكيل و هما يشوفوها

توكلت علي الله وروحت المركز اللي في عين شمس في شارع احمد عصمت

ناس محترمة غيرو البوجيهات و الموبينة و خدو 800 جنيه وكمان عليهم ضمان و العربية ما شاء الله بقت زي الفل

و البوجيهات اللي اشتريتها الاول كانت من عند سان جورج اللي في عين شمس و طلعت مرطبة و بايظة و ب95 جنيه و مرديش يرجعها

المهم نصيحة لوجه الله لاي واحد معاه كليو روح التوكيل احسن و ادفع اكتر احسن متروح لناس عامله فيها فاهمة و تخليلك عربيتك خرده

و ربنا يباركلي في عربيتي و عربيات كل الناس