مشكلة في لمبة الزيت الباكم بليز بشمهندس سمير عياد
 

السيارة سكودا فيفوريت موديل 94
لمبة الزيت الباكم منوره على طول مش بتطفى خالص مع ان مستوى الزيت تمام والفرامل كويسه جدا
رحت لكهربائي كويس ناس بتشكر فيه في المنتدى
لقى حاجه غريبه
الفردتين اللي وصلين لحساس اللمبه االي على علبة الزيت الباكم
الاتنين بيدو كهرباء
راجع على الضفيره وقال انها سليمه جدا وفبريكه العربيه وراجع على العدادات لقاها سليمه
وكمان لقى حاجه تانيه غريبه لما توصل طرفين السلك اللي داخهلين للحساس مع بعض العربيه بتفضل دايره حتى لو قفلتها من الكونتاكت وشيلت المفتاح
المهم قالي في الاخر دي مشكله علبةالفيوزات قالي اكيد العربيه دي اتغسلت وفيى حاجه حصلت للعلبه وقالي انه عنده علبه بتاعة عربيه زيها عشان يجلاب بيها بس دور عليها ملقهاش وقالي عدي عليا بعدين اكون لقيتها صراحه حسيت انه مش عارف وبيزحلقني خصوصا اني حسيت اساسا انه مش مقتنع انا بصلحها ليه يعني هي مش مهمه في نظره وقالي هي مضيقاك في ايه:fun_36_6_2[1]:
المهم انا دلوقتي مش عارف اعمل ايه وخصوصا اني مستفدتش اي حاجه من الزياره دي غير اني دفعت 20 جند اونطه وكمان لمبة النور الصغير اللي في الطابلوه بطلت تنور يا ترى في حل

رد: مشكلة في لمبة الزيت الباكم بليز بشمهندس سمير عياد
 

ملحوظه عداد البنزين بيرعش طالع نازل وخصوصا لماادوس بنزين

رد: مشكلة في لمبة الزيت الباكم بليز بشمهندس سمير عياد
 

طيب حقولك حاجه

أفصل الفردتين بتوع حساس مستوى زيت الباكم

وخليهم بعاد عن بعض

بمعنى

شيل بس فيشة الحساس من الحساس

وخليها مدلدله جنب التنك أو ثبتها فى أى مكان

لو طفت لمبة الزيت فى التابلوه

يبقى الحساس بايظ

أعمل الحركه دى وجرب وقولى

_________________________

لو اللمبه مطفتش برضه ولسه معانده معانا

شوفلى كده طرفين الفيشه بيدوا كهرباء برضه ولا لا

جايز تكون الفيشه وحشه وعامله شورت كهربى فعلا والحساس سليم أساسا

كله وارد فى شغل الكهرباء

رد: مشكلة في لمبة الزيت الباكم بليز بشمهندس سمير عياد
 

عملت يا باشا اللمبه دي ملعونه مش راضيه تطفي ابدا
الكهربائي قالي ان الفردتين كهرباء مفيهمش ارضي بيقول في حاجه ملمسه بس مش عارف يجيبها انا صراحه بفكر اشيل اللمبه منالدوايه والغي اللمبه خالص بس مستحرم

رد: مشكلة في لمبة الزيت الباكم بليز بشمهندس سمير عياد
 

لو مفيش مشكله فى الفيشه

يبقى سلكتين اللمبه ملمسين بعض من أى منطقه

رد: مشكلة في لمبة الزيت الباكم بليز بشمهندس سمير عياد
 

انا سبت العربيه للكهربائي يمشي ورا السلك وهبلغ حضرتك بالاخبار

رد: مشكلة في لمبة الزيت الباكم بليز بشمهندس سمير عياد
 

خير بأذن الله