حزام الامان
 

لدى عربية هيونداى ماتركس 2001. العربية فيها اربع أحزمة أمان. اللى أعرفه إن المفروض عدم ربط الحزام يجعل هناك إنذار حتى وضع الحزام فيسكت الإنذر. كذلك المفروض عدم ربط الحزام يجعل لمبة تظهر فى كمبيوتر العربية على شكل جرس وعليه حزام.... هذا ما يحدث فى معظم العربيات الحديثة،، أليس كذلك؟

الحقيقة هذه لا يحدث معى. فأنا بمجرد وضع المفتاح بالكوناكت تضئ كل اللمبات فى كمبيوتر العربية ومنها لمبة الحزام التى تكون على شكل جرس وعلية خطين ولكن هذه اللمبة تطفئ لوحدها حتى ولو مش حاطط الحزام. من يوم ما أشتريت العربية بمشى بالعربية بدون حزام ومش بيظهر إنذار صوتى ولا إنذار من خلال اللمبة دى؟

العربية مستعمله فهل هذا يدل على أن هناك خطأ فى هذه الدائرة؟ كذلك هل ممكن أن يكون المالك السابق قد قام بتعطيل هذه الخاصية لان الكثير لا يحب صوت الإنذار الناتج عن عدم ربط حزام الأمان. فهل ممكن يحصل هذا وكيف أرجع هذه الخاصية للعربية بحيث يظهر التحذير فى حالة عدم ربط الحزام؟؟؟؟؟

أنا متشكر للمساعدة...

رد: حزام الامان
 

فى فيشة تحت الكرسى بتاعك بص عليها وشوفها متصلة ببعضها ولا لأ

رد: حزام الامان
 

تقصد فين تحت الكرسى بالظبط
انا بردو عندى نفس الوضع فى فيرنا 2006

رد: حزام الامان
 

العربية غالبا مفيهاش الخاصية دى يا باشا ..

اللمبة بتبقى مجرد تحذير فقط اول ما تدور العربية ...

وانا عندى كده برضو فى عربيتى ........

رد: حزام الامان
 

أنت صح يا حسام. الحقيقة أنا أتأكدت من دة وفعلا الماتركس مش فيها الإنذاء بتاع الحزام لو مش رابط الحزام اثناء السير...

رد: حزام الامان
 

هو مش انا كونت رديت عليك و قولت ليك انى عندى نفس الحكايه

رد: حزام الامان
 

يا كريم يا عزيزى،،، وحشناى يا راجل كنت مشغول فى المظاهرات ولا اية؟؟؟؟

سؤال اللى كنت سالتك عليه كان على لمبة البطارية وزيت الماتور وحضرتك رفعتلى صور اكدت لى انك عندك نفس الجكاية ولكن الحزام ولمبته سؤال جديد. اعتقد مش سالتك عليه قبل كدة؟ صح ولا انا نسيت ولا ايه؟؟؟