|
مشكلة جامدة فى فتيس الانوس 2001
لسلام عليكم
انا لسة شارى عربية لانوس موديل 2001 هى عربية نضيفة جدا بس فى مشكلة فيها وانا ماشى عالتاني مثلا بسرعة 20 وازود ل30 كيلو الاقى الفتيس مور لوحدة واسمع طقة فى العربية من تحت ياترى ده عيب ايه ؟؟؟؟ انا كلمت عفشجى قالى الموضوع دهبيحصل فى الدايو غالبا بس لازم تغير الفتيس قالى ممكن نغير مجموعة الفتيس اللى هى الغوايس والاو والتانى بس كل الكلام ده مسكنات لازم تغير الفتيس :( |
رد: مشكلة جامدة فى فتيس الانوس 2001
هاتلك فتيس أستيراد نظيف
بحوالى 700 ج أامن وأنظف من موضوع الغوايش ومجموعة التانى لأن ممكن تنكون مجموعة تروس التانى أسنان تروسها حلقت ونعمت برضه |
رد: مشكلة جامدة فى فتيس الانوس 2001
شكرا ياباشا وانا هنزل كمان شوية اشترى فتيس وربنا يستر العربية لسة مكملتش بها يومين
|
رد: مشكلة جامدة فى فتيس الانوس 2001
معلش
قدر الله وماشاء فعل ولعله خير وبرضه روح للميكانيكى الأول يمكن يلاقى علاج سهل وبسيط وتكون الغويشه بس اللى وحشه حيبقى كده أوفر ليك |
رد: مشكلة جامدة فى فتيس الانوس 2001
انا راي انك متغيرش الفتيس
انت روح لميكانيكي الاول يفك الفتيس ويشوف فيه ايه لو مش حينفع يتصلح اشتري واحد غيرة وا انت كدة كدة حتشتري اما لو اتصلح شوف تكلفته كام الاول وبعد كدة قرر GIFT4U |
رد: مشكلة جامدة فى فتيس الانوس 2001
تمام زى ما م سمير قال بالضبط والباشا الكبير اكونتر باشا زى ما قال علشان فعلا ممكن يكون موضوع بسيط مش تغيير فتيس وربنا
|
رد: مشكلة جامدة فى فتيس الانوس 2001
انا اشتريت
فتيس استيراد ب600 جنيه مقصين ب250 جنيه جديد قلابة فتيس ومسمارين ميزان ب150 جنيه جديد قواعد فتيس ب90 جنيه جديد 2 كيلو زيت فتيس ب40 جنيه يعنى ماشاء الله دخلت فى شجرة ومحدش سمى عليا غير كمان جوان الغطا ب15 جنيه يعنى بصراحة فرق شاسع دخلتلى فى 1500 جنيه من تانى يوم اشتريت فيه العربية ولسة كمان عايز طقم كرتيرات وتظبيط ابواب كهربا بس دلوقتى ماشاء الله العربية ولا كأنها 2011 |
| الساعة الآن 05:57 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017