|
الكاسيت بيفصل وانا ماشي بالعربيه 128
معايا عربيه فيات 128
مركب سمعات وكاست ممتازين بس المشكله اني انا وواقف بالعربيه باسمع احلي صوت بس لما ادوس دبرياش او بنزين بيفصل الكاست وصلت الكهرباء من البطرية علي طول وبردو المشكلة زي ما هيا مش عارف اعمل ايه ارجو حل للمشكله دي من اهل الحبره |
رد: الكاسيت بيفصل وانا ماشي بالعربيه 128
الموضوع ده حصل معايا قبل كده وكان اى سى صوت وغيرته بس كاست عربيتى كان كلاريون غيرتهم ب35 ج
|
رد: الكاسيت بيفصل وانا ماشي بالعربيه 128
هو المفروض ان الرد فى حالتك دى بإنك تتأكد من سلك الرضى بتاع الكاست لأن بعض اللى بيركبوا الكاسيتات بياخدو الأرضى بتاعه من دواسة الدبرياج أو الفرامل...
لكن حضرتك بتقول انك جربت وأخدتله سلك من البطارية على طول... هل السلك ده كان سلك كهربا بس ؟؟ ولا كان معاه سلك أرضى بردو ؟؟ لو كنت واخد الاتنين من البطارية على طول .. يبقى اعمل تشيك عالكاسيت نفسه بس متهيالى والواضح ان المشكلة عندك فى الأرضى... والله أعلم........! |
رد: الكاسيت بيفصل وانا ماشي بالعربيه 128
انا رحت لواحد كهربائي قلي هات سيلم بيحوهات هيونداي اكسنت غشان يشتغل كويس وبعدين رحت للميكانيكي قلي لا خرام تغير سلم البيحوهات المشكله في الكاست رحت لبتاع الكاست كشفلي علي الكاست قلي تمام مفهوش حاجه
المشكله ان فعلا مش عارف اعمل اية الكاست حكاية بس انا وواقف بس اول ما ادوس بنزين بيفصل الصوت بس لاكن الكاست بيبقا منور افيدوني افادكم الله |
رد: الكاسيت بيفصل وانا ماشي بالعربيه 128
انا عندي نفس المشكلة دلوقتي وعايز اعرف بتتحل ازاي
|
رد: الكاسيت بيفصل وانا ماشي بالعربيه 128
انا فهمت اصدك
المشكلة مش فى باور الكاسيت وانما فى الصوت مع تشغيل الموتور وتدوس البنزين وللاسف حتى لو جبت سلك بوجيهات بتاع هيونداى هاتفضل نفس المشكلة وللاسف دة من نوع الكاسيت مش من العربية |
رد: الكاسيت بيفصل وانا ماشي بالعربيه 128
لاقيت الحل اخيرا وعملتوا بص يا معلم الكابل اللي كان جاي من الدينمو للبطارية كان ١ ملي وضعيف رحت لكهربائي جامد وغيرهولي بسلك ٦ ملي واشتغل والموضوع كلو مكلفش ١٠ جنية وهو خد ١٠
|
| الساعة الآن 12:55 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017