بكره هستلم التويوتا وحاسس انها مش 2011 ازاى اتأكد انها 2011 ؟؟
بكره ان شاء الله هستلم العربيه لكن لما دخلت على موقع الشكره لقيت الوش بتاع التويوتا 2011 مختلف عن الــ2011 اللى شوفتها واللى هستلمها بمعنى انه هو هو الوش بتاع 2008 و 2009 و 2010 وحاجه تانيه عاوز اعرفها الراجل بتاع المعرض بيقولى انها كامله وهاى لين Hi-Line بس اللى انا اعرفه ان الهاى لاين بيبقى التحكم فى التكييف فيها بشاشه وكده ومختلف عن العاديه وكمان بيكون المرايات فيها اشارات لكن اللى بيقولى عليها هاي لاين مفيهاش الكلام ده فيها بس سبويلر وفتحة سقف وجنوط.. ده الشكل القديم بتاع عربيتى 2008 والشكل اللى هشتريه والمزعوم انه 2011 http://img13.imageshack.us/img13/677/dsc03564mr.jpg وده الشكل اللي شفته على الموقع بتاع الشركه واللى المفروض يكون 2011 لاحظوا الفرق فى الشبكه التى بالمقدمه!! http://img593.imageshack.us/img593/9...2011800x60.jpg فايترى اصدق مين واعرف منين اللى انا هاخدها 2011 ؟؟؟ |
رد: بكره هستلم التويوتا وحاسس انها مش 2011 ازاى اتأكد انها 2011 ؟؟
2011 باب السائق على القائم بيانات السياره وانها وارد اليابان وانتاج 7/2010
ولو حضرتك من اسكندريه هى العربيه معروضه الان فى الداون تاون والمعروض علىموقع الشركه كورولا 2010 جنوب افريقى واليابانى 2011 اقل فى الاوبشن من 2010الجنوب افريقى ونحن فى خدمه سيادتكم |
رد: بكره هستلم التويوتا وحاسس انها مش 2011 ازاى اتأكد انها 2011 ؟؟
العضو أبو أحمد مشكور جاب من الآخر قائم الباب وفي مستوى المقعد تقريبا فيه بادج معدن متبرشم في البدي بتاع العربية هيوقلك مكان صنع العربية وسنة الصنع والمواصفات الي تندرج تحتها العربية.
إتأكد من كل الي إنتا عايزه وقبل ماتدفع ملّيم أحمر واحد وقبل ماتطلع بالعربية من المعرض ولو دخل قلبك الشك أجل الإستلام وروح معرض تاني وتالت ولو لقيت الحمد لله مافيش أي مشاكل تقدر تستلم وإنتا مطمن وحاطط في بطنك بطيخة صيفي. إنتا بتدفع فلوس مش ورق كوتشينة خلي صاحب المعرض هوا الي يستناك وماتخليش فرحتك بالعربية تنسيك الترتيب في الأدوار هوا بايع وإنتا شاري وإنتا لسة فلوسك في إيدك يبقى إنتا اليد الأعلى. إببقى قولنا عملت إيه وألف مبروك مقدما على العربية.GIFT4U |
رد: بكره هستلم التويوتا وحاسس انها مش 2011 ازاى اتأكد انها 2011 ؟؟
شكرا ليكم ياشباب انا استلمت العربيه من 3 ايام وهى يابانى الحمد لله وكامله وفعلا زى ما الاخ احمد قال اليبانى الاوبشنز فيه اقل من الجنوب افريقي والعربيه هاي لاين وان شاء الله الصور هاجيبهالكم قريب
|
رد: بكره هستلم التويوتا وحاسس انها مش 2011 ازاى اتأكد انها 2011 ؟؟
مبرووووووووك
|
رد: بكره هستلم التويوتا وحاسس انها مش 2011 ازاى اتأكد انها 2011 ؟؟
http://img24.imageshack.us/img24/4127/p1020471s.jpg
http://img121.imageshack.us/img121/6744/p1020472q.jpg http://img801.imageshack.us/img801/1866/p1020473e.jpg http://img543.imageshack.us/img543/7662/p1020478p.jpg دي صور ل 2011 يا زعيم و الفرق من الخلف اسهل للتفرقة لان الفانوس و العواكس في الاكصدام متغيرين |
رد: بكره هستلم التويوتا وحاسس انها مش 2011 ازاى اتأكد انها 2011 ؟؟
ألف ألف مبروك للمرة التانية على العربية وربنا يديك خيرها ويكفيك شرها وإختيار موفق بئذن الله.
الصور الي حاطتها الـ أ.حورس دي الـ 2011 ياباني الجنوب أفريقي بيبقى التكيف تاتش والأوبشنز اعلى زي الإشارات الي في المرايات. بس في الآخر إنتا إستلمت خلاص ألف مبروك عليك العربية ويحفظهالك من كل رضي إنشاء الله.GIFT4U |
الساعة الآن 03:52 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017