تعديل فيشة اوكتان النوبيرا
 

ممكن أعرف إزاى أعدل فيشة اوكتان العربية
انا معايا نوبيرا 2007
و بستخدم بنزين 80 بقالى 12000 كيلوا و مافيش مشاكل غير ضعف السحب شوية و ممكن تسقف لو ما سايستاهاش

رد: تعديل فيشة اوكتان النوبيرا
 

شوفلك جامبر ثلاثى وركبه للفيشه بحيث تخللى الأطراف التلاته متوصله ببعض

أنا عامل كده وبأستعمل 80

والسحب تمام

رد: تعديل فيشة اوكتان النوبيرا
 

شكرا يا باشموهندس على الاهتمام و سرعة الرد
بس معلش سؤال هيا الفيشة فين و لو ممكن صورة لمكانها

رد: تعديل فيشة اوكتان النوبيرا
 

طيب أنت عارف مكان وحدة التحكم عندك ولالا .............؟

ودى صوره لجامبر ثنائى ( بسلكتين )

http://www6.0zz0.com/2010/04/06/21/913230486.jpg

بتاعنا زيه بس بتلت سلوك لعمل كوبرى وتوصيل للأطراف الثلاثه للفيشه

الموجوده على ضفيرة وحدة التحكم

رد: تعديل فيشة اوكتان النوبيرا
 

لأ مش عارف مكانة يا كبير لوممكن مساعدتى
معلش انا بتقل عليك

رد: تعديل فيشة اوكتان النوبيرا
 

شوف ياسيدى

القايم الأمامى بتاع اللى راكب بجوارك من أسفله حتة فبره مربوطه بتلت مسامير

( بلاستيك وحديد )

حتحل التلت مسامير وتشيل الفيبره

حتلاقى وحدة التحكم قدامك متعلقه على جنب أسفل القايم

سيب كل حاجه زى ماهى

ولكن دخل أيديك عند الضفيره بتاعتها من جوه

حتلاقى الفيشه النتايه البلاستيك اللى بيركب عليها الجامبر الثلاثى

( موجوده بدون جامبر )

طبعا حتكون مجهز الجامبر قبل ماتحل الفيبره

وفاصل البطاريه ( من السالب كفايه )

والعمليه سهله جدا

حتركب الجامبر على الفيشه وترتب الوضع صح

وتقفل الفيبره تانى وتوصل السالب للبطاريه

وتوكل على الله

وكده

نجحت العمليه

رد: تعديل فيشة اوكتان النوبيرا
 

دى حاجة سهلة خااااااالص
بس سؤال أخير بعد إذنك
الجامبر أجيبة من فين قبل الحل و التركيب
محلات قطع الغيار استعمال الخارج و لا فية منة جديد