هبوط حركة التجاره في جميع المجالات التجاريه
 

الاخوه الاعزاء / اعضاء المنتدي وبالتحديد من يعملون بالتجاره
اسعد الله مساكم وكل عام وانتم بخير
لقد استشعرت في الاونه الاخيره هبوط السوق اي هبوط حركة التجاره في جميع المجالات التجاريه وبالتحديد في مدينة المنصوره الذي بلغ من الركود ذروته واصبح يذداد يوما بعد يوم فعندما كان يحدث ذلك في دخلة المواسم ( المدارس والاعياد ) كنا نعتبرها ظروف طارقه وتعودنا عليها وحفظناها واصبحنا نستعد لاستقبالها ولكن مايحدث الان غير عادي وغير المعتاد فاصبحت السنه كلها موسم واولها كأخرها وعندما كان يحدث هذا الركود لمدة ايام كنا نقول ان التجاره الان بعافيه او مريضه ولكن الان نقول ان التجاره ماتت .فهل هذا صحيح وهل كل التجار لديهم هذا الركود ويشعرون به وهل عدوي او فيرس الركود منتشر الان في كل بلد ومحافظه ؟ ارجو افادتي من كل من يهمهم الامر ولكم منا جزيل الشكر.

رد: هبوط حركة التجاره في جميع المجالات التجاريه
 

الحمد لله و الشكر لله على كل حال . كل اللى يجيبه ربنا كويس سواء ركود أو كساد . لكن لاحظ ان احنا فى فترة امتحانات للطلبه جميعا بمختلف المراحل فأذهان الناس مشغوله دلوقتى بالموضوع ده و هو ده اللى عامل الركود . لكن بعد انتهاء الفتره دى الحال بيتغير تماما و ممكن تلاقى ازدياد فى الاسعار فى بعض المجالات . و بالنسبه للعربيات يعنى السوق بدأ يزق شويه و بيشد حيله أهو .

رد: هبوط حركة التجاره في جميع المجالات التجاريه
 

والله ياا خي الغالي هذا الحال من قبل الامتحانات بكتير ولكن احنا علشان مؤمنين بقدر الله فدائما نطمئن انفسنا ونقول علشان الامتحانات ومره علشان دخلة رمضان ومره علشان دخلة العيد واخري علشان دخلة المدارس وفي النهايه ربنا يلطف بينا .:playing_music:

رد: هبوط حركة التجاره في جميع المجالات التجاريه
 

عندنا فى دمياط الحاله منيله بنيله

ولاكن الطبيعى ان شهرين ( ينايم , فقراير ) كل سنه بيبقوا كده بس سنه عن سنه الحاله بتسؤ

رد: هبوط حركة التجاره في جميع المجالات التجاريه
 

فعلا يا جماعة الحالة تعبانة جدا ودة لأن الناس خايفة من بكرة وبيفضلوا أن الصرف اليومين دوول يكون على الأكل وبس وفعلا الحالة بتسوء أكثر كل سنة .

رد: هبوط حركة التجاره في جميع المجالات التجاريه
 

كل الناس بتكلم عن حالة السوق المصرى وحالة الكساد التى يواجها الشعب المصرى
ولكن هذة الحالة ليست فى سوق السارات فقط ولكن فى جميع المجالات
وما علينا سوى ان نقول الحمد لله على كل شيئ لكن علينا ان نضع فى الاعتبار ان هذة الحالة سوف تستمر بل سوف تزداد من الحين والحين لسؤ حالة الاقتصاد المصرى المتصاعد العام وفى جميع المجالات وكان اللة فى العون
لاننا نعيش فى بلد لاتعرف معنى حقوق الانسان وكلنا تحت راية من انت لكى تتكلم
وليس فى ايدينا سوى الحلم فى بكرة ونضحك على نفسنا بكلمة بكرة احلى من النهاردة
ولكن الحقيقة ان ةذة الازمة سوف تزداد الى ان ......................... ...؟
والحمد للة على كل شيئ
واللهم نسألك الصحة والعافية ورراحة البال

هيثم شاكر

رد: هبوط حركة التجاره في جميع المجالات التجاريه
 

يا جماعه بلاش التشاؤم ده . الأرزاق على الله و ربنا ما بينساش حد .
اى نعم ماشيين بالزق بس بردو الحمد لله أهو رضا أحسن من مفيش خالص .
تقبلوا مرورى و تحياتى .