ياريس 1500 ولا إلنترا 1600 (محتاج مساعدة!)
 

إلى اصحاب الخبرة الكبيرة في مصر موتورز

احتياجي عربية تصلح لأسرة أوتوماتك فول أوبشن مفيش شد وغرز وحركات :)

عايز نصيحة أمينة ما بين ايه ياترى
ياريس 1500CC ياباني ثمنها 120.000
إلنترا 1600CC كوري ثمنها 115.000

شكراً مقدماً للمساعدة،
:01F577~130:

رد: ياريس 1500 ولا إلنترا 1600 (محتاج مساعدة!)
 

مرحبا بيك انا هقولك على حاجات اهم لازم تحطها فى اى مقارنة لعربيتين
1- قطع الغيار (السعر- مدى توافرها فى السوق)
2- سعر اعادة البيع
3- انتشار السيارة
4- الاعتمادية يعنى هتعمر معاك ولا لأ
- هوا دة الى اقدر اقولة بناء على خبرتى المتواضعة ومن رأيى المتواضع النترا

رد: ياريس 1500 ولا إلنترا 1600 (محتاج مساعدة!)
 

اكيد الالنترا ..

طبعا التويوتا لا يعلى عليها بس الياريس دى غالية اوى بالمقارنة بامكانياتها ..

ولما نقارنها بالالنترا اكيد الالنترا هتكسب ..

وربنا يوفقك لما فيه خير ....

رد: ياريس 1500 ولا إلنترا 1600 (محتاج مساعدة!)
 

أنا من رأيى الألنترا لأن اليارس تمنها مبالغ فيه شوية ،،،،،،،،،،

و متهيألى الالنترا أوسع من اليارس ،،،،،،،،،،

GIFT4U

رد: ياريس 1500 ولا إلنترا 1600 (محتاج مساعدة!)
 

الالنترا عائلية اكثر من الياريس يعنى صالون اوسع وأعتقد ثبات افضل وقطع غيار متوفرة
الالنترا عيبها انها واطيه شوية يعنى خد بالك من المطبات
الياريس لا غبار عليها لكن لعائلة صغيرة العدد

رد: ياريس 1500 ولا إلنترا 1600 (محتاج مساعدة!)
 

الالنترا اوسع لاكن اليارس موش ضيقة لو عايز عربية تعيش معاك من غير مشاكل و لا مفاجئات يبقي عليك و علي اليارس و موش هتندم

رد: ياريس 1500 ولا إلنترا 1600 (محتاج مساعدة!)
 

كلام ياباني و كوري ده انتهي خصوصاً مع شكرة زي هيونداي

الياريس متتقارنش اساساً بالإلنترا

السعر ده للياريس مبالغ فيه جداً
الأنترا اكبر حجماً و اوسع عربية في فئتها (اكبر من كورولا و لانسر و سيفيك و صني) و اكبر شنطة و اقوي موتور 124 حصان (سيبك من كلام التوكيل اللي بيقولك السيفك 140 و الكورولا 140 عشان ده للعربيات ال 1800 و انا كنت في السعودية و هناك السيفيك 1800 و موتورها 138 حصان و نفس الكلام علي الكورولا)
مفيش حد جابها اشتكي منها... و عفشتها تعليق ماكفرسون امامي و تعليق خلفي متعدد الوصلات مريح جداً في المطبات اللي عندنا و دي من مميزاتها عن السيراتو اللي هي تعليق خلفي متصل.
ثابتة جداً عن الياريس
...

اركب الأتنين و هات الي تستريحلوا :)